Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

كسره قلبي


كل ما أفكر اني
خلاص هيموت حناني
وده أصلا لأني
مش هلمس ايدك تاني
أنهار وأنا لوحدي
ولاحد يحس بحالي
الدنيا والناس ضدي
واتحطمت امالي
أكتر حاجه كانت
سنداني هو حبك
في لحظه جراحك بانت
وخرجتني من قلبك
وياتري دموعي هتقتلك
ولا كمان دي عادي
أنا بس بسألك
فرحان وانت البادي
عمري ما فكرت في يوم
اني أغدر بيك
كنت بخاصم النوم
وأوهب وقتي كله ليك
كنت بزعل من عيني
لو ثانيه ما شافتش عنيك
كانت نظرتك بتحييني
وبيموتني خوفي عليك
دلوقتي والله بموت
في الثانيه مليون مره
مقداميش غير السكوت
وأشرب في كاسات مره
وأتوه في الدنيا الغداره
وأدوس فيها كمان علي النار
يا 100 اه وألف خساره
دا نصيبك ياقلبي انهار

25 التعليقات:

resalatye يقول...

الله ولله جميل كلامك جميل وبيلمس القلب
ربنا بوفقك

أحــوال الهـوي يقول...

يا عاشقة الشعر
و بارعة في ترجمة الاحاسيس

اري في كتاباتك احساس بالكلمه و بالوزن الشعري

سؤال كم عمرك؟؟

تحياتي

عـــــــزيـــــز مـنـيـر يقول...

ســـــاســو
كلامك موجع للغايه
ممكن أعرف أيه الحكايه
هوا الخسران مش أنتى
سبق وقلتلك
خاليكى زى ما أنتى
أنا شاركتك فى أفكارك
خطوة بخطوة فى مشوارك
قلتى وسمعت منك
وفرحت لما شلت همك
جايه دلوقتى وندمانه
على قلب قاسي زعلانه
معاكى عشت عمري لحظات
ماضى وحاضر وماهو آت
كنت بزعل من عيني
لو ثانيه ما شافتش عنيكِ
كانت نظرتك بتحييني
وبيموتني خوفي عليكِ
ـــــــــــــــ
متألقه دائما ورائعه.والدليل كلماتى التى شاركتك بها الأن .كنتى لها مصدر وألهام
تحياتى وودى ساسو الجميلة

أحــوال الهـوي يقول...

ساسو

انا بيسعدني اني اسمع الكلام الجميل اللي بيدل ان احاسيس الكاتب وصلت القارئ

و اللي بيسعدني اكثر ان اللي بيقول الكلام ده متذوق للشعر و الاكثر ان يكون من مبدعيه

زرت مدونتك ووجدت فيها جمال فطري و اعتقد انك صغيرة السن لصدق وبراءة كلماتك

نورتيني

تحياتي

مهموهـــــــة يقول...

الله يا ساسو بجد كلمات حلوة اوي اوي

اتمنى يا رب تكون مجرد خيال و ما تكونش واقع

لانك بجد انسانة عسولة اوي و ما تستاهليش تنجرحي

ربنا يسعدك و يهنيكي يا رب

خالص حبي و تقديري

Tarkieb يقول...

جميلة ويارب ماتكون حقيقة وشعر بس....وسلامتك من العذاب

ساسو يقول...

صديقتي الجميله resalatye
نورتيني يا قمر وسعيده جدا بمرورك الرقيق
تحياتي

ساسو يقول...

عزيزي ( احوال الهوي )
كلامك الرقيق وسام علي صدري وأعتز بيه جدا
نورتني وشرفت مدونتي
وبالنسبه لعمري أنا عندي 20 سنه
دمت بخير وحب يا صديقي العزيز

ساسو يقول...

استاذي الغالي عزيز منير
ايه الكلام الجميييييييييييل دا
والله كل كلمه من كلماتك بتسعد قلبي جدا
وأنا ليا الشرف ان حضرتك متابعني
لك باقه ورود

ساسو يقول...

حبيبه قلبي مهموهه
والله انت الأجمل يا قمر
والبوست دا فعلا خيال مش واقع
ومرسي جدا علي كلامك الرقيق يا أجمل مهموهه في الدنيا
دمتي بألف حب

ساسو يقول...

صديقي الجميل (تركيب )
مرسي علي زوقك ورقه كلامك
وبجد نورتني أوي
واكيد البوست دا مش حقيقي ده فعلا خيال
تحياتي

samy يقول...

ساسو شكرا على مرورك على مدونتى

انتى قولتى ان مدونتى جميلة لا بس صدقينى لاتضاهى مدونتك

كلامك معبر جدا جدا جدا طبعا الناس اللى قبلى قالو كتير انا مش لاقى كلام اقولة

غير برافو وربنا يوفقك

شكرا

داليـ ـ ـ ـ ـ ـ ــــا يقول...

أحمدك يارب انه خيال
اصل انا قلبى واجعنى لما قرئته اوى
وكنت داخله اقلك معاش ولا كان الا يكسر قلبك

بس احاسيس تحفه تحفه
رسمتى احساس واحده مجروحه وعيشتينا معاها

جميله انتى ياساسو

balkice يقول...

صباح الورد ساسو

سامحي تأخيري بلوصول
مانسيتك ابد
نصك جنان يلامس وجداني
ياحنونة اشكرك على كل شي

الشاعر الفنان أحمد فتحى فؤاد يقول...

ساسو

نورتينى يا ساسو بزيارتك الأولى لمدونتى
أشكرك من كل قلبى على كلماتك الرائعة
و أتمنى دوام التواصل و الإفادة
ده أولا

أما ثانيا : إنتى بتحبى الشعر و الكتابة .. و إحساسك جميل فى اللى بتكتبيه.. و عندك موهبة جميلة.. ده بجد

.. ليه ما تصقليش الموهبة بالقراءة أولا و لو ينفع يبقى الدراسة ثانيا .. و لو ماينفعش يبقى أصدقائك فى الحياة أو النت.و غحنا تحت أمرك

دى نصيحتى الأخوية اللى إتنصحتها قبلك زمان

دمتى بألف خير و سعادة
أشكرك تانى و فى إنتظارك دائما

modcena يقول...

وبعدين بقااااااااا
ساسو محتاجين ملحن يلحن الكلمات دى مع ان كلامك كله موسيقى

جميل جداااااااااا
تقبلى تحياتى

محمود(باحث عن حب) يقول...

ابداع
وحلاوة
بعد كده
منك
اكيد فيه
خبايا
وياما فى الجراب
ياشاعر
ولا ايه
قولى
احنا نسمع
جمال
افراحك
واحزانك
حبك وجرحك
الى الامام دوما

مجرد انسان يقول...

ساسو
اسف فى تاخيرى على الرد بس والله مشغول فى شغلى وكمان داخل على الامتحنات
مبدئيا اتمنى من كل قلبى ان كلامك ده يكون تاليف بس
ومتكونش الاحزان دى كلها واقعيه وملياكى فعلا
يا رب تكونى بخير ان شاء الله
ومن كتر الاحساس اللى فى الكلام مش عارف فعلا ده حقيقه ولا تاليف وده فى حد ذاته ابداع
طول عمرك فنانه والله
يا ريت تطمنينى عليكى وان شاء الله اسمع خير

ساسو يقول...

عزيزي سامي
بجد انت مدونتك الأجمل واحاسيسك حلوه أوي
بشكرك علي كلامك الرقيق ومرورك الجميل
وبجد نورتني جدا
دمت بحب ياصديقي

ساسو يقول...

حبيبتي الجميله داليا
مرسي ياقمر علي زوقك ورقه احساسك
وفعلا البوست دا خيال بس

ربنا يخليكي ليا ياسكره

ساسو يقول...

حبيبه قلبي بلقيس
صباح الجمال
طولتي الغيبه أوي ياقمر
لكن المهم انك فكراني وجيتي نورتيني
دمتي متألقه يا صديقتي الجميله

ساسو يقول...

الشاعر الفنان الجميل أحمد فتحي فؤاد
وجودك زرع الفرحه في قلبي
وبجد شرفتني جدا
وكلماتك ونصيحتك علي العين والراس
كل كلمه تكتبها يا فنان اعتز بيها جدا
نورت مدونتي المتواضعه يا فنان يامبدع

ساسو يقول...

صديقي الغالي محمود قلماوي
ربنا يخليك علي مجاملتك الرقيقه جدا
وبجد نورتني
تحياتي

ساسو يقول...

صديقي العزيز محمود ( باحث عن حب )
شكرا علي كل وصف وكل كلمه كتبتها
مرورك فرحني كتير ياصديقي العزيز
دمت بخير وحب

ساسو يقول...

صديقي العزيز جدا ( مجرد انسان )
انا عذراك ياصديقي لأن الامتحانات دي كبوه ربنا يخرجنا منها علي خير
وربنا يوفقك في شغلك
شكرا علي زوقك وكلامك الرقيق
والكلمات دي مجرد احساس خيالي بس
نورتني جدا جدا جدا
دمت بألف خير