Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

الليلادي


الليلادي
جيت أصالح جيت أحايل جيت أنادي
جيت هوايه مع هوايا من غير دموعي من غير عنادي
الليلادي
جيت وماده ايدي ليك
جيت وشوقي بيناديك
جابتني عيني تشوف عنيك
جابني هوي ساكن فؤادي
الليلادي
قلبي حلف ليطفي ناره
وجه بعد ما أخد قراره
حُب قلبك خلاه شعاره
وجه يدلع جه يدادي
الليلادي
كتاب حياتنا والأيام
لو كان فيه بينا خصام
لو صفحه فيه كانت أوهام
هقلبها وأبدأ تاريخ ميلادي
الليلادي
سلام كبير لأرق قلب
سلام لأغلي معني حب
دعوايه مني هتكون يارب
زود حبي كتر ودادي

14 التعليقات:

عـــــــزيـــــز مـنـيـر يقول...

ســاسـو الكريمة المتسامحه
جيت وماده ايدي ليك
جيت وشوقي بيناديك
جابتني عيني تشوف عنيك
جابني هوي ساكن فؤادي
ــــــــــــــــــــ
سماح الأحبه مش ضعف بل العكس منتهى القوة
جميله هى قصيدتك والأجمل منها روح تسامحك.
تحياتى وودي

ساسو يقول...

استاذي الغالي أوي عزيز منير
بجد أنا مبسوطه جدا جدا جدا بوجودك الرقيق ومتابعتك ليا ده اكبر واجمل شرف
دمت بألف خير يا مبدع

يحيى أنس يقول...

ساسو
ايه يا عم الكلام الحلو ده
عجبتنى أوى روح التسامح الظاهرة فى النص
وهكذا تكون الانثى بتسامحها وطيبة قلبها والا فلا ..
رائع والى الامام .

يحيى ( مضاد حيوى سابقا ) .

ساسو يقول...

صديقي الغالي يحيي أنس
شكرا يا باشا علي رقه كلامك
مرورك زرع الفرحه في كل مكان
نورتني وشرفني وجودك الجميل

Mostafa Ali يقول...

عزيزتى الكلمات جميلة وفيها شفافية وصدق فى التعبير عن الحب ...

تحياتى لكى وسعدت بمدونتك

modcena يقول...

اتاخرت شوية معلش
بس برضو صباحك خير النهاردة وبكرة وكل يوم
بجد كلامك جميل وسهل وبسيط بحس انى بقرا اغنية حلوة اوى
اشكرك على تواصلك ساسو
بالتوفيق

ساسو يقول...

صديقي الغالي قلماوي
صباحك جميل
اه اتأخرت كتير اوي
لكن المهم انك جيت نورتني
شكرا علي رقه كلامك

ساسو يقول...

صديقي الغالي اسباني
شكرا لمرورك الجميل
بجد اسعدني جدا
وياريت نتواصل
تحياتي
دمت بألف خير

غير معرف يقول...

الليلادي
جيت وماده ايدي ليك
جيت وشوقي بيناديك
جابتني عيني تشوف عنيك

..............................................................................................
الله الله ، ياساسو

ماهذا العزف
ماهذا السحر

أين هم الملحنون عن هذا الجمال ؟



.
.

عندما يسكننا الحب

حتما سنناديهم

سنرحل إليهم

سنمنحهم أرواحنا طواعية

.
.
دمت بخير

علي الطيب
تغريدة حزن

http://ashiqalbaher.maktoobblog.com/

ساسو يقول...

صديقي العزيز علي الطيب
وجودك شرف ليا وبجد فرحت جدا
ومش عارفه أقولك ايه علي زوقك وجمال كلامك
دمت بألف خير ياصديقي

مجرد انسان يقول...

والله يا بخت اللى الكلام ده رايحله يتحسد صراحه
بجد جميله جدا واحساسك يعنى تقريبا فاضحك ههههههه
اقصد يعنى احساسك باين اوى
بحييكى جدا على كلماتك الرائعه وبتمنالك التقدم دايما
وان شاء الله لو فيه فرصه نقدر نتكلم فهتكون فرصه كويسه اوى ليا

ساسو يقول...

صديقي العزيز ( مجرد انسان )
مش عارفه اقولك ايه علي كلامك الجميل ده
بصراحه كل كلمه بتكتبها بتسعدني جدا
ومجملتك الرقيقه اكتر مني بكتير
وانا مجيش حاجه في ابداعاتك يا باشا

خلفاوي يقول...

ساسو اولا انا جيت هنا بناءا علي دعوتك ليا وشرفتني اوي دعوتك دي
وليا راي يمكن مش يعجب المعلقين أولا الموضوع جميل ورقيق جدا في قمة الحب والرومانسية بين الحبيبة وحبيبها لكن مفوهش تسامح او بالادق مفوهاش شئ يدل علي التسامح هو بيدل علي التصالح وعدم الكبر عن المصلاحة وده راي المتواضع لكن سيري الي الامام ولو راي غلط اتمني تصححيه علشان استفيد منك وتكرمي

ساسو يقول...

عزيزي خلفاوي
نورتني بعد غياب طويل
وبجد انا فرحانه بمرورك الرقيق
ورأيك يهمني جدا
وكل كلمه كتبتها أعتز بيها
وأنت ياباشا الاستاذ وانا التلميذه ياعني اي انتقاد منك مقبول علطول
بس ياريت متكنشي دي أخر زياره ليك

دمت بحب وحنان