Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

حبيبي














حبيبي....
قربلي وخد احساسي
حبك عندي شئ اساسي
دفا عنيك بيصحيني
وسحرهم في الليل حراسي
حبيبي....
قرب واسمع دقاتي
ودوق واقرا كلماتي
وبص في عنيا
بس زود أوي وحياتي
حبيبي....
محتاجه للمسه ايديك
مشتاقه أشوف عنيك
سهرانه طول الليل
من كتر تفكيري فيك
حبيبي....
قلبي علشانك يخاطر
يا أرق من مر علي الخاطر
قلبي بيك محظوظ
أخد لقب الشاطر
حبيبي....
يانبضي يا اخلاصي
يادنيتي يا ناسي
يافرحه العمر كله
بحبك بتقولها كل حواسي

28 التعليقات:

الحب الجميل يقول...

ساسو

أزيك ياقمر

هو انا اول تعليق ولا ايه

أيه يابنتى دا ...ايه كلام الحب الجميل دا

يابخته يا ستى اللى مكتوب له الكلام دا

سهرانه طول الليل
من كتر تفكيرى فيك
جبيبى

كلمات تغنت لها كل مشاعر الحب والعشق

بووست جميل

دامت كلمات الحب ياساسو

دمتى بخيرررر

ساسو يقول...

القمرايه الرقيقه ( الحب الجميل )
دا بس من حسن حظي ان قمر زيك يبقي اول من يعلق
ربنا يخليكي ليا يا اجمل من كل الدنيا
دمتي بحب يا حبيبتي

محمود(باحث عن حب) يقول...

جميله
الكلمات
ساسو
ومشاعر رائعه
انا كتبت تعليق ومش عارف وصل الاولانى ولا لسه؟

محمود(باحث عن حب) يقول...

ايه الجمال ده كله
كلمات جميله جدا
تنبع
من
الداخل
اخيتى
حافظى على الينبوع الصافى لاحاسيسك
ومشاعرك
الجميله

(ست* جنى* الحسن) يقول...

سلامو عليكو ..
كلامك جميل وبسيط والمشاعر فيه واضحة وملموسة.
استمرى
برجاء قبولى صديقة للمدونة

مجرد انسان يقول...

مش بقولك بحسده حبيبك ده يا بخته والله
وخليه يبص فى عنيكى كويس بس يا رب ميكسفش هههه
عموما لو انا فاكيد مش هتكسف دنا هفضل باصص طول الوقت لحد متتكسفى انتى
تحياتى ليكى بجد والله على كلامك الجميل ده وعلى فكره مش مجامله والله
وبشكرك على الطلب اللى طلبته وعلى ردك الرقيق
ويدوم الود دايما

ساسو يقول...

صديقي العزيز محمود (باحث عن حب )
بجد كلماتك وتعليقك بيسعدني جدا جدا جدا
وبجد نورتني يا أعز صديق

ساسو يقول...

حبيبتي الجميله (ست*جني*الحسن)
وعليكم السلام يا قمر
اشكرك لمرورك الرقيق جدا
وطبعا يا حبيبتي دا شرف ليا انك تكوني صديقتي
تحياتي

ساسو يقول...

صديقي الغالي ( مجرد انسان )
ههههههههههه
كلامك جميل أوي ياصديقي
وبجد انا فرحانه لمتابعتك الرقيه جدا
دمت بخير وحب

محمود العزاوي يقول...

انا حبيت الدنيا عشانك
يوم حبيتك
ونسيت الماضي والامه
لما لقيتك
قبلك كنت حزين ووحيد
وحبك زي هلال العيد
وبلهفة طفل استنيتك
حبك غير كل حياتي
خطف الدمعه وجاب البسمه
وسرق الليل من جوه عيوني
ورسم الصبح وزرع النسمه
حبك صنع انسان جوايه
بعد ماكنت خيال انسان
حبك شال الخوف من روحي
بدل الخوف اداني حنان

ساسو يقول...

صديقي العزيز جدا محمود العزاوي
لأ مش كده ايه الجمال دا كله بس
والله العظيم انا بقعد أقرا كلامك الجميل وبسكت خالص لأن مش بلاقي أي كلمه أوصفك بيها يا فنان
بجد منورني جدا جدا جدا
وكل حرف من حروف كلماتك بتسعدني جدا وبعتز بيها
دمت بخير وحب ياصديقي العزيز

أميرة الأحلام يقول...

ساسو الجميله
ايه الكلام الحلو ده
يابخته حبيبك ههههههه
ربنا يهنيكى ويسعدك يارب
الحب ده اجمل حاجه في الدنيا
بجد كلمات بسيطه وجميله
دمتى بحب

ساسو يقول...

حبيبتي الأميره ( اميره الاحلام )
تسلميلي يا قمر وربنا يخليكي ليا
نورتيني جدا يا حبيبتي
دمتي بألف خير

موجة يقول...

السلام عليكم ورحمة الله وبركاتة
احب اقولك ان عندك حاجتين بيفكرونى بحاجتين
اولا اسمك ساسووو
بيفكرنى بصحبتى وحبيبتى سهر صحبه مدونه ساسو كافيه
وتانى حاجة البوست ده بيفكرنى بنفسى لما كان عندى 16 او 17 سنة مش فاكرة بس لما كنت فى الثاناويه العامة
كانت كلماتى رقيقة زيك كده
وكان اللى فى قلبى على لسانى ومبعرفش اخبى
قبل ما الزمن يلعب لعبتة الدنيئة عليا ويغير فيا ويغير فى افكارى ومشاعرى واحلامى
رغيت كتير اوووى
اتمنى اكون خفيفة عليكى
وابقى زورينى انا حاسة انك اختى الصغيرة
معرفش ليه
عرفينى بنفسك اكتر
ياريت

موجة يقول...

ساسو
انا قريت البوستين اللى فاتو بتاع( مين ده اللى قال- والليلادى )
وزى ما قلت لك بتفكرينى بايام طفولتى
ولا بلاش طفولة دى
ايام مراهقتى
لما كنت صغيرة
انا كبلات دلوقتى وعجزت بقى
بس بجد كلماتك بسيطة وسهلة وعبرة
تحياتى

مهموهـــــــة يقول...

الله على الحب
بجد احلى ما في الوجود الحب
بجد الحب كلمة يا ريت تقولها كل الناس
يا ريت تعيشها كل الناس

بجد اللي يعرف ازاي يحب يعيش احلى حياة

يا رب تكوني انتي من اللي يعرفوا ازاي يحبوا و تعيشي حياتك كلها حب في حب يا قلبي

خالص حبي و تقديري

ساسو يقول...

صديقتي الجميله موجه
نورتيني جدا يا قمرايه
ويشرفني اني اكون بفكرك بنفسك يا حبيبتي
بس ايه حكايه الزمن معاكي ياريت تكوني بخير
وجودك اسعدني أوي وكلماتك الرقيقه فرحتني
يارب يدوم التواصل بينا
دمتي بخير وحب

ساسو يقول...

القمر صديقتي مهموهه
نورتيني يا حبيبتي جدا
وكلماتك الرقيقه دي بتبسطني أوي
يارب ميحرمنيش من زياراتك الجميله
تحياتي

غير معرف يقول...

وحشتني كتير

اسفه والله غبت عنك

Rubba ahmed

بس تعرفي

قريت معظم اعمالك

جميله مثلك ساسو

لي عوده اكيد

ساسو يقول...

صديقتي الجميله ربا
اه غبتي عني كتير أوي بس المهم انك جيتي تاني تنوريني
شكرا ياقمر علي كلامك الرقيق
دمتي بخير وحب

Asbany يقول...

رائع صديقتى ساسو
كلماتك نسمة هواء فى بستان الحب
كلماتك قطرات ماء تحيى نبضات القلب
........

انا متغيب من فترة علشان الإمتحانات على الأبواب

تمنباتى لكى بالتوفيق والسعادة

ساسو يقول...

صديقي العزيز أسباني
مرسي علي كلامك الرقيق ومجملتك الجميله
بجد مرورك بينورني جدا
بالنسبه للامتحانات ربنا معاك ومعايا
انا كمان في فتره امتحانات لكن اليوم اللي معنديش امتحان بتابع مدونتي ومدونات أصدقائي
الواحد بيفك عن نفسه وبيهرب من دوشه المذاكره
دمت بخير وحب

داليـ ـ ـ ـ ـ ـ ــــا يقول...

ياجميله انتى
ياجميله انتى

ااااااايه الكلمات الرقيقه دى
سهله اوى وبسيطه اوى وحساسه اوى وتمس القلب اوى

يسلم حواسك واحساسك يارب

كلام من قلبي يقول...

ايه الرومانسية ده

بجد كلامك جامد جدا

انا اول ما شفت تعليقك جيت جري
شكرا لسؤالك

بجد كلامك جامد

ساسو يقول...

حبيبتي العسوله داليا
انتي اللي جميله وكلماتك رقيقه ياقمر
نورتيني جدا وشرفتي مدونتي
تحياتي

ساسو يقول...

حبيبتي الجميله ( كلام من القلب )
شكرا لمرورك الجميل جدا
وكلامك الأجمل يا سكره
دمتي بخير وحب

samy يقول...

الله الله الله

تصفيق حاد مع ابتسامة عريضة و فرحة

دة وصف لحالتى بعد ما قريت الشعر بتاعك

حقيقى تستحقيهم

(:

ساسو يقول...

صديقي الجميل سامي
بجد كلامك ومرورك ومتابعتك اجمل شيئ في الدنيا
يارب يخليك يا صديقي