Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

حوار عاشقين

أنا قولتلوا

أنا كل ما أقول هنساك بنساك
ترجع تصالحني أدوب في هواك
تجرحني أكره كل ساعاتك
والعن أيامي في اوقاتك
واتمني تضيع وتحس بنار
وتدوق زي ما دوقتني مرار
تصالحني وتتأسف ليا
والاقيك تسكن جوا عنيا
وابدل قساوتي بسماح
وقلبي ليك أوي يرتاح
تبعد أقول خلاص
بكره سيرته يا ناس
وملوش في قلبي مكان
ولاهو حبيب زمان
ترجع تاني وتصالح
علشان الحب نتصالح
....................
....................


رده عليا

اسمعيني ........اسمعيني
يللي حبك زاد في قلبي وصدقيني
عمري ماحبيت في عمري
أبقي لحد غيرك طول سنيني
حبك طريق مفروش بالنور
ولو ألف سد ومليون سور
هتمني انك تضميني
يللي علشانك البحور أعديها
وادوس في النار وأخطي عليها
دا بعدك والله بيبكي عيني
لما تقوللي بينا حواجز
احس اني مكسور عاجز
وبكلامك بتموتيني
بس حبك حب غالي
حب سهرني الليالي
بحنان عنيكي بتملكيني
هأدعي ربي وفي صلاتي
انك انتي يا حياتي
عمرك لحظه ما تسبيني
ّّّّّّ

ملاكي البرئ


بعد ماكان ورد حبي
بيطرح شوق في الجنينه
نما في قلبي وقلبه الشوق
وبفروعه ضلل علينا

ملاكي البرئ

يا جنينه الحب الورديه
يا نسمه هوا معديه
ياضحكه ملاك برئ
وغنوه عشق رومانسيه

هوصي عليك نجوم الليل
هوصي عليك قمري
ما انت قمري

كل دقه في قلبي حلوه
فيها اسمك
كل رعشه في ايدي تبقي
وأنا جنبك

كل نظره شوق بشوق بتناديك
كل همسه حب فيا دايبه فيك

يا حبيبي

شوف كام سنه
بحبك وأنا
قلبي شاريك

بتحبني
دوبتني
بنظره عنيك

كل كلام الحب
مش كفايا
يوصف احساس
واحد جوايا

خطفت قلبي
بأربع حروف
افرح ياقلبي
كفاياك كسوف



قاسي عليا ليه يا زمان


كل ما أقول وفرحت خلاص
القا الفرحه بتبعد تهرب
حتي الحب في عيون الناس
بيبعد كل ما منه بقرب
كل ما أرسي قلبي علي بر
ويتهيألي انه امان
القا زياده في قلبي المر
والقا الفرح كأنه ما كان
كل ما صوت الحب ينادي
وفي مكاني القاه موجود
يحزن قلبي الدافي الهادي
وقت الفرح ليه محدود
كل ما فرحه تدق علي بابي
أقول غلطانه في العنوان
راح اللي كان أغلي أحبابي
قاسي عليا ليه يازمان

اسمعها مني

اسمعها مني
وحياه من خلق جمالك
عمر قلبي ما يصفالك
ولا حبي في يبقي ليك
وهغني
غنوه جديده علي اللي خان
واللي باعني من زمان
وانا بالغالي كنت اشتريك
وغصب عني
أخدت قرار فراقنا النهائي
من غير وعود أو شرط جزائي
ومش هقول الاه بعديك
وهسيبك
تدوق بقي مر الأحزان
وتقاسي من كتر الحرمان
تكسرك دموع عنيك
وكان عيبك
انك في يوم جيت عليا
كسرت قلبي جرحت فيا
وجرحي ازاي كان يرضيك
ولو نصيبك
كان معايا مكنتش تبيع
وتسيب قلبي منك يضيع
بس خلاص هندم عنيك

لأني عنيده

مش بتعرف غير تبقي أناني
تسبني قلبي وحداني
تعيشني في دنيا غريبه
وفي حيره ودموع من تاني

تفرح لما تشوف دموعي
وتستني لحظه رجوعي
تخطط في جرح جديد
يهزمني ويطفي شموعي

كنت باديلي بقلب طيب
حبك كان مني قريب
أتاري حبك اكبر غلطه
وأكتر حاجه تتعيب

يا اول كدبه صدقها قلبي
أندم عليك لا وربي
انت حد مايستاهلش
أسلملو لو مره حبي

انت يا أناني راحت عليك
وبكره بعادي هيبكيك
لأنك خلاص خسرتني
شوف بقي مين يداويك

خسرت قلب اشتراك
وكتير كان بيستناك
وقدرت ابعد عن قلوب
واختارتك بس اختارت هواك

بس عارف أنا سعيده
لأني بقيت في دنيا جديده
الدنيا اللي انت مش فيها
هعيش فيها لأني عنيده

بم يفسر قلبك

بما يفسر قلبك وكيف تجيب عليه
اذا سألك حبك عن شوقك اليه
أتحدث بالحقيقه بمشاعري الرقيقه
عن شوق يزيد بي دقيقه بدقيقه
الا تخاف اللوم أو العتاب في يوم
لا لم يكن تفكيري فتعاملي بضميري
فقلبي حاكمي ووجداني أميري
واذا ظلم الحاكم وفتحت أبواب المحاكم
محاكم الغرام واتهامات تتراكم
سأقول يا قاضي بحكمك أنا راضي
ولكن استمع لما حدث في الماضي
سيدنا وقاضينا دب الشوق فينا
ودخل أراضينا سكن مدينه قلبي
واحتل ضواحينا
سيدنا وقاضينا
احببت حبيبتي بدون تفكير
هل ستكون طبيبتي أم ستجرح كثير
هل تقدر لوعتي أم تراني حقير
فسألت عن حالتي فأجبت بضمير
سيدنا وقاضينا
أهذا زمن أعادينا
أم زمن الوفاء
هل الحب يحيينا
أم يسفك دماء
هو زمن التواضع
أم زمن الكبرياء
سيدنا وقاضينا
هل هكذا أجرمت
وأستحق عقاب
ويكون عليا الصمت
وتزوير الجواب
واذا سؤلت عن حب
أقول ياعذاب
أم أستمر بحبي
وعليه الثواب
سيدنا وقاضينا
احكمنا واحمينا
وماذا بعد هذا!!!!
اذا انجرح القلب
وحكم قاضيك
بنسيان الحب
وطرده من أراضيك
سأقول لا للاستسلام
فالحب عندي شئ هام
لا يمكن ان تمحوه الأيام
واذا حكم عليا بهجره أحبابي
سواء أكان الحكم حضوري أم غيابي
سأفتح في وجه الحب بابي
فالحب عندي أقوي وأعز اصحابي
وانت تعلم حال من يترك اصحابه
يعيش وحيدا وكأن الحزن انتابه
ومن يتمني لنفسه بنفسه عذابه
الان تعلمت منك وعرفت كيف الحب
فالمحب لا يحتاج غالبا الي الطب
فالحب يخفف الامه فهو دواء القلب

ازاي أتحمل


ازاي عايزاني أتحمل
وأنا شايفك مش شيفاني

ازاي لحياتي أكمل
وعن حبك منعاني

بشوفتك قلبي ينمل
ياهزه كل كياني

وعيزاني أبعد عنك
طب ليه ايه الاسباب

يمكن علشان بحبك
وطيفك عمره ماغاب

عن عيني في قربي منك
ولا حتي في الغياب

سؤال دايما شاغلني
ومش لاقيله جواب

ليه لما تشوفيني
كأنك شايفه سراب

طيب نظره عيونك
مليانه ليه عتاب

ليه لوقولت بحبك
تردي أوام كداب

ياريت علي أي حاجه
عملتها تسامحي

وياريت تديني فرصه
وتداوي بايدك جرحي

والا هتكون نهايتي
اخترتيهالي برمحي

بعديها ترتاحي بقي
والزمن لاسمي يمحي

كنت


انت اصلا مش معايا

ولا حسيت في يوم هوايا

دا فراقنا مكتوب علينا

واحنا لسه في البدايه


حبيتك وبديتلي طيب

دلوقتي بقيت تتعيب

بان قلبك الخاين

وغدرك كمان يشيب


يا بحر طبعه غدار

سقتني مرار في مرار

شوفت الويل معاك

وانا قدامك بقيت بنهار


انت كنت في يوم حبيبي

وردي وشمسي وطبيبي

كنت مالك كل حاجه

كنت بحبك قايد لهيبي


كنت ليا فجر جديد

بدايه لكل يوم سعيد

كنت الحضن الحنون

وليك بس كتبت اناشيد


كان زماني الحلو انت

كان كلامي كله عليك

كنت اتعب يا حبيبي

اداوا بنظره عنيك


كنت صبحي وكنت ليلي

كنت دايما بتغنيلي

لو في يوم قلبي انجرح

في صلاتك بتدعيلي


كنت حاجه كبيره حلوه

ارق اسم واحلي غنوه

كان حبك بخليني

في عز خوفي ابقي اقوي


كنت عايشه معاك في جنه

كل الناس بيحكوا عليها

كان املي انك انت

تحس بعنيا وتراضيها


كنت رسمه لنفسي صوره

جوه حضنك ودا منايا

كنت احس اني مكسوره

لو مكنتش يوم معايا


كنت احضن الزمان

لما القا عنيك عليا

كنت أحيا بس علشان

تحضن عنيك عنيا


كنت احب الدنيا بس

علشانك معايا فيها

وبحلو الايام احس

لما يبقي نورك ماليها

قوللي يا زمن


العيب في مين يازمن
قوللي وريح بالي
انا ليه رخيصه التمن
ويبعني اغلي غالي

ابكي ودمعي نار
علي خدي دايما كاوي
ياقلبي يامحتار
قولي علي ايه ناوي

ليه الحب يا سنيني
فيكي بقي معدوم
ليه تبكي عيني
وتقتلي المظلوم

حكمتي ليه علي قلبي
بالموت يا سنيني
اخدتي ليه حبايبي
يلا بقي جوبيني


عيزاني اتألم انا راضيه
بس اعيش مع اللي بحبهم
تديني الاوكي يا دنيا
احس بحياتي وسطهم

احلفك بسنين عذابي
وحيرتي وضياع شبابي
احلفك بالحب اللي كان
دايما في عيون صحابي

انا بس عايزه القا نفسي
اقبل فرحي ارفض يأسي
لو الناس قسيوا عليا
انتي يا سنيني ما تقسي

عايزه لما يجيني فرح
افرح بس من قلبي

عايزه بحنانك انسي الجرح
واحس بشوق ولهفه حبايبي

عايزه بالي في يوم يرتاح
اموت بايدي اي جراح
عايزه ادوق الحلو فيكي
وانا بستقبل كل صباح


بلا عنوان


من هو ونيس ليلتي

حزني وتسبقه دمعتي

وفراغ يملأ وسادتي

وجراح تقتل فرحتي

فأنا اعيش لوحدتي

لا اجد من اشكو اليه

واطير لامحو أزمتي

من يوقف نزيفي

ويبقي حليفي

وييشعرني بدفء

في شتائي وصيفي

الملم اوراقي

وأرحب بالفراق

ياعيوني الدامعه

لا تشتاقي

اشعر بضيق

وفراق صديق

وبقرب نهايه

للحب الغريق

قلبي مزقته الاحزان

ويشكو من الحرمان

ويتألم لموت الحب

وفقدان الحنان

الي متي

سأظل وحيده الجراح؟

ومتي سأستظل

بأشجار الافراح؟؟؟؟

سمو الأمير


كنت قاعده يوم افكر في جراحي

واقول امتي ياعيني هتنامي وترتاحي


لقيت سمو الامير خطفني في دقايق

أول ما لمحت عنيه قلبي بقي رايق


شدتني طيبه قلبه ولقتني بفكر فيه

لقيت كمان في قربه اللي حلمت بيه


قولت لازم اقوله أوام عن اعجابي

وان من يوم ماعرفته

لقيت العالم كله بقي أهلي واصحابي


قربت منه مره قلبي دق ومال

دا ساكن في احضاني

وعيوني دايما فاكره وكمان شاغلي البال

وليه كل حناني


لقتني بحبه أوي ومنايا أنول رضاه

واكمل حياتي وايدي في ايديه

قلبي بحبه بيرتوي والدنيا وانا حباه

اجمل ورده برقه عنيه


هعترف يا سمو الامير

بحبك وعليك بغير

أيوه حبك حياتي

وعشقي ليك كتير


نفسي اقرب منك

ولا يوم أبعد عنك

وتحس بدفا قلبي

وأبكي وأنافي حضنك


عيونك ياحب عمري

شمسي وليلي وقمري

بشوف النور أنا بيهم

يا أجمل ونيس في سهري


يا هديه من ربنا

ليك عيوني أنا

دا غرامي وجنوني

هما كوكتيل حبنا


علشانك اتحدي الكون

قلبي بحبك بقي مفتون

مش هبعد عندك ابدا

مهما يحصل ومهما يكون

قولت


قولت اعدي جرح قلبي
يمكن اكسب اي حاجه
قال عليا اعز حبايبي
ان اسلوبي معناه سذاجه


قولت اسكت ولو قابلني
حزن يوم في طريقي
بس الألم دايما كاسرني
والعذاب علطول صديقي


قولت أمشي من سكات
وأنا مجروحه بس أخبي
حتي قلبي لو مره مات
أنطق وأقول الذنب ذنبي

قولت أبكي ولا حد يسمع
ولا حد يقول عليا انجرحت
دا العذاب في القلب يدبح
وأنا جامد أوي اندبحت


قولت كفايا يامر سبني
نفسي في يوم احس براحه
في قلبي ليه دايما تاعبني
خلتني أعيش مش مرتاحه

امتي يا ليل هتكون حنون
ومش هأأسي فيك ليله
امتي هتبتسم لي ياكون
وهعيش في دنيا جميله


ولا هفضل طول عمري
أخدني موج عن الفرح بعيد
امتي نور شمس وقمري
يحس بيهم قلبي الوحيد

بحبك بجنون


بحبك بجنون حبيبي الحنون

حلفت ما اخون

وصورتك هشيلها جوه عيوني

حبيبي الوحيد حبك بيزيد

وانت بعيد

بيكتر يا حبي فيا جنوني

حياتي ومنايا قللت بكايا

وحبك جوايا

طيبت جرحي يانني وجفوني

ياشوقي وغرامي ياحلو كلامي

يا فرحه ايامي

قلبك بقي هو مسجوني

يا مالي عنيا يا اجمل هديه

وكل مافيا

بينطق بحب وبدوب فيك

عايشه برضاك وقلبي معاك

يدق لهواك

وهمسي وعشقي دايما لعنيك

يا اجمل بستان يا عزف والحان

يا صوت كروان

بتدوبني لمسه ايديك

رعشه بتموتني كلمه بتسكتني

نظره قتلتني

وحلفت ما انا سيباك

يا ادفا عيون يا مالي الكون

دا مهما يكون

هعيش لهواك

حبك حياتي نساني اهاتي

خلاني ليلاتي

احلم بلؤاك

عيونك بريئه يا اجمل حقيقه

شوفلك طريقه

وخدني معاك

ليله سقوط قمر الاكوان


قبل أي كلام شكر خاص جدااااااا لساسو علي أحلي فرصة للنشر خاطرة في مدونة أجمل أحساس وأصدق أنسان ...

السلام عليكم أهلا بيكم في احلي مكان مع كتاب الأحلام " مدونتا الساحرة " مليئة بالمشاعر الجميلة والكلمات صادقة معا للننسج أحلي خيوط الأحلام في عالم بلا أوهام في هذا الزمان الذي لا ينام في عالم الأحلام في كل كيان كان ومن هنا هنبدأ مع الزمان حدوتة جديدة مع قمر الأكوان ...

....الجزء الأول.... من سلسلة قمر الأكوان

وكان يا ما كان في خاطرة .....

بعنوان
....
سيمفونية ضوء قمر الأكوان ....

وكانت كما كان


أحببت إنسان جميل رقيق وجدته في كل زمان و مكان..
قد تتعجبوا أمري عندما أقول
لكم من يكون من كان
حقا

حب من نوع لا يكان ...

حب تخضع له كل عبارات الحب في عالم الأحلام

وفي حديقة المنزل

وتحت ظل القمر

تبدأ حكاية عشقي أنا

وعلي زقزقة الأحلام

تبدأ حكاية الأيام ...

في ليلة عيد بلا أحزان

في لحظات حب بلا نسيان

عشت أحلي أحلي الأيام

مع حبيب الأيام بلا نسيان في عوالم الأحلام

وعندها قولت في نفسي

اشتقت أليك

نعم أشتقت إليك
أرجوك علمني أن لا أشتاق
علمني كيف أقص جذور هواك من الأعماق
علمني كيف تموت الدمعة في الأحداق
علمني كيف أثور عليك
وأنجو من سيف الأشواق

اشتقت إليك بشكل لا اعرفه
اشتقت إليك كما يشتاق الطفل الصغير لأمه الغائبة
وبأعلى صوتي بدأت أنادي باسمك

وتحت ضوء القمر


وفي ليلة عيد أشتقت إليك ...لمخاطبتك ... لهمسك وضحكك
لم تكن بالوجود ... وليس بالوجود أفضل من
حب لك بداخلي موجود
كلما نظرت الي شيء أمامي وجدتك أجمل وأجمل
نظرت الي الماء وجدتك أصفي أصفي وأنقي
نظرت الي الورد وجدتك أحلي وأبهي
تذكرت الوفاء وجدتك من الوفاء أوفي

فجاءة نظرت لأعلي
رأيت القمر يسير بكبرياء
أمامه نجوم وخلفه نجوم
أعجبني جماله وأهديته سلام
اتبعت سلامي بابتسام
لك أنت مغرور يا قمر
أما تعلم أني املك أجمل منك
لماذا تتكبر ؟؟؟
الم تنظر الي هذه الأرض؟؟؟؟
الم تعلم أن بالوجود أفضل منك؟؟؟؟
لم تعجبه كلماتي
وقف في كبد السماء
وقال لي من يكون ؟؟؟
قلت انه ملك في أرضه
ملاك في سماؤه
وأنا املكه

إذا ابتسمت رأيت برقا يتلألأ من فمه
لا يعرف الكبرياء
فقال اين هو؟؟
فتحت صدري وقلت هنا ساكن
وعلي قلبي نقشت اسمه
وكلمة أحبك دائما علي فمه
تساقطت علي أمطار من السماء
أنها ليست أمطار
بل دموع من عيون القمر؟؟؟؟؟
رأي نور يشع من قلبي
احمله وهو شرف لي
نعم لقد أبكيت القمر
فقال لي فعلا انه شبيه لي
فقلت أصدقت بانك تشبه ولكنه الأجمل
وضياءك مستمد من نوره
فلأجلك حبيبي
بكي القمر
وتتفتح الأزهار
ويفني العمر فانت نور كياني
وأنت زهرة بستاني
انتا أمنية حياتي
أمنية تحققت

جنة بقلبي زرعت
جروحي بك قد شفيت
واحزاني بوجودك دون رحمة دفنت
فقليل بحقك ابكي القمر

فجاءة سقط قمر الأكوان علي الأرض ليبدأ التحدي من الجديد ويثبت بأنه الأروع في هذا الكون وللخاطرة بقية مع الجزء التاني من ليلة سقوط قمر الأكوان .

ملحوظة صغنونة جدا : أنا شوفت فكرة في منتدى عن تحدي القمر وقررت أني أتخيل الفكرة واخدت بعض المقاطع ونسقتها كخاطرة وكمان قررت أني أتعمق في تخيلها علشان اعملها كسلسلة لاسم جديد جدي اسمه ليلة سقوط قمر الأكوان ... رتم الخاطرة غير محدد وأتمني الطريقة جديدة تنجح ...

عاشق الإحساس الصادق :: نور مصر