Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

كنت

انت كنت في يوم حبيبي

وردي وشمسي وطبيبي

كنت مالك كل حاجه

كنت بحبك قايد لهيبي


كنت ليا فجر جديد

بدايه لكل يوم سعيد

كنت الحضن الحنون

وليك بس كتبت اناشيد


كان زماني الحلو انت

كان كلامي كله عليك

كنت اتعب يا حبيبي

اداوا بنظره عنيك


كنت صبحي وكنت ليلي

كنت دايما بتغنيلي

لو في يوم قلبي انجرح

في صلاتك بتدعيلي


كنت حاجه كبيره حلوه

ارق اسم واحلي غنوه

كان حبك بخليني

في عز خوفي ابقي اقوي


كنت عايشه معاك في جنه

كل الناس بيحكوا عليها

كان املي انك انت

تحس بعنيا وتراضيها


كنت رسمه لنفسي صوره

جوه حضنك ودا منايا

كنت احس اني مكسوره

لو مكنتش يوم معايا


كنت احضن الزمان

لما القا عنيك عليا

كنت احيا بس علشان

تحضن عنيك عنيا


كنت احب الدنيا بس

علشانك معايا فيها

وبحلو الايام احس

لما يبقي نورك ماليها


كنت فعلا فرحه عمري

نجم رقيق في كل ليل

كنت قمرك وانت قمري

والفراق بقي البديل


يلا اهلا بأكبر عذاب

في دنيا مفيهاش احباب

وداع يا كل لحظه حب

يا كل احساس عنا غاب


أوهام بلا أحلام أم أحلام بلا أوهام !!!

الخاطره دي تأليف صديقي الشاعر الجميل ( نور مصر )

ياريت تقولولي رأيكم فيها






إلي قلب قمر العاشق

تسالت كثيرا الي اين يكن وكان من مكان الي زمان بلا كلام في عالم الأحلام ؟

أه من حيرة تسكن شباك حياتي

أه من كلمات بلا كرات نحو الهدف غير واضحة المعالم

أه من لحظات حيرة لا هي واضحة بأنها أحلام أم أوهام..

أتسال هل قلب القمر يعرف بما أفكر فيه ؟؟ ..صرت له حبا أم أنها مجرد أوهام ولا يوجد هناك حبا في هذا الزمان .

يغلب عقلي قلبي كثيراً ,، ولكن
هل يغلب قلبي هذه المرة عقلي بلقاء القمر؟؟
!!
ما هذه الحيرة
!!
وما هذا التفكير القاتل
!!
دوما أفكر و أصل للحل ،، لكن
ليس كل مرة يكون حل منطقي
!!
وهل نفذت حلولي
!!
أم شل تفكيري
!!
أم يا تري أن حيرتي تجعلني أتخبط هنا وهناك
!!!
كم أتمنى أن أرى حيرتي تنجلي
..
مثل البدر يجلي كل ظلام
..
أم أبقى في ليلي تائها لا أعرف
إلى أين أذهب أو إلى أي طريق أعود
!!

قمر الوجود
حتى كلمتي الأخيرة لم أتمكن من إيصالها إليك
لماذا ؟؟
!!
هل هو
..
الخوف من جرح
.
أم من الأوهام

حقا يا لها من حيرة !!!

تعجبت حروفي
انهارت كلماتي
بل حار مداد قلمي

أي نعم
حيرة تملكتني
ولا أعرف كيف أبديها ؟؟
كيف لي أن أصف شعوري نحوك ؟؟
وكيف أوصل لك ما بداخلي؟؟
وكيف أناديك بحبيبي ؟؟
كيف أدعك أن تصدقني ؟؟
وكيف لي بقلبك أن يملكني ؟؟
وكيف لهواي أن يأسرك ؟؟

لازالت الحيرة تمتلكني
..
كيف لي أن أغزل لك حروف عشقي لأطوقك بها ؟؟
وكيف لكلماتي أن تجرف سيولها نحوك ؟
لتنتشلك نحوي ؟؟
كيف لي حبيبي بك

وأنا لا اعرف إذا كانت تلك أوهام بلا أحلام أم أحلام بلا أوهام ؟؟
أعذرني

فلست بأناني
بل أنا عاشق
وعشقي محاط بغيمة من الأشواق
فكيف لي أن أبددها ؟؟

يامن تربعت على عرش القلب
يامن رفرفت في سماء الروح
يامن نسجت له عذب البوح
ويامن أسمعته همس الصوت
ويامن أسرني هواه
أعذرني إن كنت اقتحمت حياتك دون استئذان

لا تلمني إن أحببتك
ولا تلمني إن ضعفت وناديتك
ولا تلمني إن أعلنت لك حبي

وعن كل الناس أغليتك

صدقني لو قلت حان وقت الرحيل

لن ألومك

وسأرحل في صمت

ولكني

سأرحل قبل سماعها ..فقط عندما اشعر بقرب نهاية

زعلان ولا أنا زعلانه


زعلان ولا أنا زعلانه

ندمان ايوه أنا ندمانه

حيره.... وخوف.... عذاب

أكيد إحساس جوانا

معقول قدرت تنسي!

ولا عايش حزين

عارف تبيع وتقسي

وبتجرح قلب مين!

حبيبتك أنا ولا

كنت في يوم وبس

دانا مري معاك اتحلا

ورتني ليه العكس

بحبك ومش قادرة أعيش

من غيرك ولو ثانيه

أؤمر دموعي متجيش

بتيجيني دموع تانيه

لا قادرة ع البعاد

ولا عارفه ازاي اقرب

كرامتي و العناد

بيخلوا حياتي اصعب

يومي لما ابتديه

ملقكش معايا فيه

بيبان عليا حزني

مش بعرف اداريه

اصعب عذاب عرفته

هو بعدي عنك

أنا قلبي لو انت شفته

هيشكي لك منك

بعدت عني ليه

يا أجمل م الغرام

بعدت عني ليه

مش عارفه ازاي أنام

ولا شايفه ازاي حياتي

لما انت مش معايا

صوتي بيمحيه سكاتي

أنا حاسه بالنهاية

بحلم بيك كل ليله

جاي بأحلام جميله

أنا بعدك حاسه اني

تايهه في مشاوير طويله

هنفترق للنهايه


لما انت عايز مني تقرب

ليه كنت زمان بتتهرب

دلوقتي لما اشتقتلي

فكرت تيجي وتجرب

انا في بعادك كنت بعاني

وكان قلبي مكسور وحداني

كل لحظه تمر عليا

تبان وتكتر أحزاني

كنت عايشه علي أمل

ترجعلي واقول محتمل

تحن يوم لهوايا

ولو غبت ايه العمل

افضل أأسي واقول يا نار

ابعدي عن قلبي المحتار

لكن دي بتحرق فيا

بس اخدت خلاص قرار

أبعد عنك ولو هموت

قتلني بجد والله السكوت

بس هقولك هنسااااااك

وهقولها بعلو صوت

بكيت عيوني كتير وأنا

نسيت أوام معني الهنا

دفنت حبك جوايا

بعد عشره كام سنه

جيت علي نفسي ياما زمان

وحبيتك أنا حب جنان

حبيت فيك حنيتك

ودفا روحك في كل مكان

أتاريني بجد موهومه

حبيتك وبقيت مهمومه

ولما بانت لي حقيقتك

كنت أول مصدومه

بس أنا ندمانه علي الايام

وأجمل حب وأقوي غرام

ندمانه اني سقيتك عشق

وسميتك فارس الأحلام

غيرت اسمك وخليته

ناكر حب حبيته

استاذ في الخداع

ياقلب جاحد أنا نسيته

مين يستاهل

مين يستاهل حضني الدافي

ولا في يوم افكر فيه

انا لو ليا قلب اضافي

كنت بايدي هموت فيه

كنت زرعت الفرحه أنا

كنت بدأت أدوق الهنا

كنت رسمت لنفسي

أمل لتحقيق المنا

يلا ياقلبي اقوي وجرب

دوس ع المر ولا تتهرب

واجه ظلمك اكسر ألمك

حدد هدفك واياك تتعب

خلي مصيرك يبقي سعيد

احلم بشمس يوم جديد

اتغلب علي ألمك ياقلبي

وانسي بقي دقات تنهيد

حب العمر هتلقا الكون

بوكيه ورد بأجمل لون

احضن الفرحه أوي

ومتسبهاش مهما يكون

خليك واثق دايما ان

المستقبل أيامه أحن

والدنيا هتحلا في عيونك

مهما هتكبر بقي في السن

الزمن دا كتاب مفتوح

باديك لحلوه تروح

هتلقاك دايما شايف

عطره يوماتي بيفوح

خليك عارف للسعاده مكان

وجوا حضنك دا العنوان

فرح نفسك بنفسك

مهما اتغير بيك الزمان

انسي الماضي بكل جراحه

وخلي الحاضر يبقي صباحه

ضحكه مرسومه ع الشفايف

والدعوه عامه للقلب وأفراحه