Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

كنت

انت كنت في يوم حبيبي

وردي وشمسي وطبيبي

كنت مالك كل حاجه

كنت بحبك قايد لهيبي


كنت ليا فجر جديد

بدايه لكل يوم سعيد

كنت الحضن الحنون

وليك بس كتبت اناشيد


كان زماني الحلو انت

كان كلامي كله عليك

كنت اتعب يا حبيبي

اداوا بنظره عنيك


كنت صبحي وكنت ليلي

كنت دايما بتغنيلي

لو في يوم قلبي انجرح

في صلاتك بتدعيلي


كنت حاجه كبيره حلوه

ارق اسم واحلي غنوه

كان حبك بخليني

في عز خوفي ابقي اقوي


كنت عايشه معاك في جنه

كل الناس بيحكوا عليها

كان املي انك انت

تحس بعنيا وتراضيها


كنت رسمه لنفسي صوره

جوه حضنك ودا منايا

كنت احس اني مكسوره

لو مكنتش يوم معايا


كنت احضن الزمان

لما القا عنيك عليا

كنت احيا بس علشان

تحضن عنيك عنيا


كنت احب الدنيا بس

علشانك معايا فيها

وبحلو الايام احس

لما يبقي نورك ماليها


كنت فعلا فرحه عمري

نجم رقيق في كل ليل

كنت قمرك وانت قمري

والفراق بقي البديل


يلا اهلا بأكبر عذاب

في دنيا مفيهاش احباب

وداع يا كل لحظه حب

يا كل احساس عنا غاب


31 التعليقات:

نور مصر يقول...

ساسو خاطرة روعة جدا
كالعادة ولكن المرة دي مع الذكريات الجميلة ..احيانا بتكون ذكريات مؤلمة واحيانا بتكون مفرحة بس أصعب احساس ذكريات اللي فيها فرحة و اصعب ألم أكتر مقطع اثر فيه كان دي

يلا اهلا بأكبر عذاب

في دنيا مفيهاش احباب

وداع يا كل لحظه حب

يا كل احساس عنا غاب

فعلا دنيا من غير احباب اكبر عذاب أن شاء الله ربنا هيعوضك يارب

وأيامك تكون كلها فرح


نور مصر

ساسو يقول...

صديقي (نور مصر)
دا بس من زوقك والله
مرسي كتير علي مجاملتك الرقيقه

ذكرياتنا كتير بتوجعنا
واما نفتكرها نتعب
وخصوصا الذكريات المؤلمه
بس في ذكريات بتكون جميله
وبتبقي عايشه جوانا
ومجرد اننا نفتكرها تملانا الفرحه

يارب ايامك تكون كلها فرح وامان

نورتني كتير يا نور
وبجد فرحانه كتير بوجودك

سندباد يقول...

الذكريات وما ادراكي ما الذكريات عندما تاتي بلا هوادة او رحمة خاصة وانت بمفردك في ليل طويل ليس له نهاية
احسنتي كالعادة يعجبني اسلوبك السهل البسيط
تحياتي الخالصة

قمرين يقول...

الله عليكى

خاطرة جميلة اوى


ابدعتى فيها

تحياتى

ساسو يقول...

صديقي سندباد
عندك حق يا سندباد
الذكريات بتصحي فينا حاجات كتيره
وعلي رأيك لما يجي علينا الليل
ونفتكر ايام زمان نتألم ونتوجع اوي

نورتني ياسندباد التدوين

ساسو يقول...

صديقي قمرين
مرورك هو الاجمل اكيد
مرسي كتير لزوقك
دمت بكل خير

د.ريان يقول...

مساء النقاء ساسو

ويسعد أوقاتكِ بكل خير

خاطرة عميقة ومؤثرة في تبضها

في كل (كنت) باحس بعبير الذكريات

بيطلع بين السطور

دمتم سيدتي بكل رقة وسعادة

تقبلي ارق تحياتي

تامر نبيل موسى يقول...

الذكريات فى حياة كل انسان موجودة بداخلة

ولها من وقت الى حين الظهور من مخبئها ثم العودة الية


كلمات جميلة ساسو

تسلمى عليها

مع خالص تحياتى

Malooka Yousef يقول...

ساسو حبيبتى خاطرة جميلة اوى بج
د يلا اهلا بأكبر عذابفي دنيا مفيهاش احبابوداع يا كل لحظه حبيا كل احساس عنا غاب

تاكدى ان الىوم الحلو لسه معشناهوش والحب اللى بجد لسة مقابلنهوش
وربنا يكرمك ياقلبى يارب
Malooka Youssef

Casper يقول...

ما شاء الله عليكي ساسو
الكلمات في غاية الرقة والجمال
والقافية زادت الخاطرة بهاء وروعة

تناول أكثر من ممتاز
واستكمال لمسيرة تميز في درب التأليف والابداع

بالتوفيق ليكي ساسو
وأدام الله عليكي موهبتك

تحياتي
Casper

Casper يقول...

انا فاكر اني علقت على البوست ده ^_^

اهه ده عيب الاشراف على التعليقات
هههههههههه

ساسو يقول...

صديقي د.ريان
مساء النرجس
اللهم امين انا وانت
مرسي كتير لزوقك
تعليقك بيفرحني اوي
نورت الدنيا بمرورك
دمت بود

ساسو يقول...

صديقي تامر نبيل موسى
كلامك جميل
وعندك حق طبعا

الاجمل هو وجودك في المدونه
نورت الدنيا

ساسو يقول...

الرقيقه Malooka Yousef
انتي الاجمل يا حبيبي
بجد نورتيني كتير
متحرمشي من وجودك الرقيقه
يا اموره قلبي

ساسو يقول...

صديقي Casper
مرسي كتير لزوقك
فرحانه اوي ان كلماتي نالت اعجابك
وتعليقك زاد من فرحتي
وبجد احساسك وكلماتك الاجمل
ربي يخليك

ههههههه موضوع الاشراف علي التعليقات دا شئ لازم منه
وانت عارف ليه

نورت الدنيا بمرورك الراقي

خواطري مع الحياة يقول...

كلكات غاية في الجمال
دائما عندما تعود الذكريات تعود عاها الالام
ربنا يوفقك ياعمري ويبعد عنك كل سوء وشر
تقبلي مروري ياقمورة ^_^

الاحلام يقول...

كلماتك جميله وروعه بها مشاعر دفينه فى اعماق القلب ولكنى اردت ان اعرف لماذا
كنت هذه هل حدث شيئا اصبح هذا الحبيب ماضى لم تكن بيوت الشعر قد وضحت هذا ومع ذلك فالكلمات مع انها بيها ماضى يؤلم القلب ولكنها كلمات رقيقه جميله
دمتى دائما متالقه تقبلى تحياتى الاحـــــــــــــلام

mrmr يقول...

الله عليكى يا ساسو يا قمر

احساس وكلمات فى منتهى الروعه

ربى يسعدك

ريــــمــــاس يقول...

كنت احب الدنيا بس

علشانك معايا فيها

وبحلو الايام احس

لما يبقي نورك ماليها
؛؛
؛
كنت كل حاجة ليا
كنت مالي الدنيا عليا
كنت بحس بوجودي
لما تقولي يانور عيوني
انت دنيا حلوة ليا
وانت اجمل حاجة فيا

؛؛
؛
ساسو
كنت ولازلت مبهورة بعبير حرفك
عذراً على خربشة إحساسي البسيط
وربنا قرأت حرفك أكثر من مرة
وكنت استشعر الروعة في كل ( كنت ) منك ِ "
؛؛
؛
لروحك عبق الغاردينيا
كانت هنا
reemaas

faroukfahmy58 يقول...

وردة الجنة
ما اوجع الفراق .. فراق الحبيب
يرحل وبرحل معه معسول قوله وجميل لفظه ويرحل الدفءالذى يشعر به المحب وهو يطوق ذراع محبوبته فالحب ارفع مراتب المشاعر واقدس منازلها

mena يقول...

حلوة اوى يا ساسو كلمات جامده

واحساس عالى اوى بجد خاطرة ولا اروع

يسلم قلمك الرقيق الحساس اللى زى صحبتو

وحشانى موووووووت يا رب تكونى بخير

سمير الطاهر يقول...

كلامك جميل جدا جدا
روعه تسلم إيدك يا ساسو
كنت رسمه لنفسي صوره

جوه حضنك ودا منايا

كنت احس اني مكسوره

لو مكنتش يوم معايا

الجوكر يقول...

لحظات الوداع لها جروح توغل فى الروح

وتصل الى عمق الجوف

جروح تمتد إلى الذرات الدقيقة

في تكوين الشعور والإحساس

وتفعل ما لا تفعله جروح البدن

ساسو

مودتى

الشاعر الفنان أحمد فتحى فؤاد يقول...

اختي الصغيرة ساسو

الحب أبدا لا يفني و لا ينتهي

فقط حين ينجرح ينزوي في ركن داخل الذكريات و القلب

و أبدا لا يموت

ساسو

لان احساسك بالكلمات جميلا و راقيا مازلت أطالبك ان تدرسين الشعر و بعض العروض

لكي تتبدل كلماتك الرقيقة من خواطر الي أشعار

انتي في رأيي تستطيعين و اكثر

اقول ذلك لأجلك و لك

تحياتي و تقديري 

محمود(باحث عن حب) يقول...

خاطره
بديعه
بجد
اهلا بالعوده
يارب
ما تغيبى تانى

كريمة سندي يقول...

خاطرة مليئة بالأحاسيس العمسيقة تقبلي مروري

فارس الاندلس يقول...

رائع ماكتبتى


احيكى علية

تحياتى

daloo3a يقول...

ساسو

الخاطره جدااااا جميله ^^

موفقه ان شاء الله

عاد ماعرف أعلق نفس الكل ^^

تقبلوووني =)

Samoura يقول...

كنت ..كنت ..كنت

للأسف كنت مش بترجع الماضي
لكن بتذكرنا بذكريات جميلة..
وتعذبنا بألم الفراق والوحدة
في نفس الوقت

...
جميل يا ساسو :)

ساسو يقول...

حياه قلبي خواطري مع الحياة
انتي الاجمل يا روحي
بجد منوراني دايما
ربي يخليكي ليا يا ارق روشا

model يقول...

ما احلاها خاطرة
ليتني اكتب كتلك
تحياتي

موديل