Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

عذاب بعذاب


عارف كام مره أنا قولت عليك قاسي
عارف اني في يوم ندمت علي احساسي
عارف بجد ولا هتعمل فيها ناسي
لو ناسي أفكرك ما أنا أصلي علي أخري
وناويه أدمرك وأكون سبب لفخري
لأني قتلت حبك من غير أي عدوان
بطريقه تبين انك بجد صحيح غلبان
لأن من صغر سنك قلبك قلب جبان
وبيتظاهر بشجاعه وكأنه 100 تعبان
وطريقتي هي اني ألفت عنك كتاب
كاتبه فيه حقيقتك عنوانه عذاب بعذاب
بحكي عن طفولتك لأيام الشباب
أد ايه كنت ظالم وأد ايه كداب
وهأديه للناس مجاني يلا اكسب ثواب
بس اطمن هيكون مش بسهوله يتجاب
مش أي حد يدخل ياخده دا يبقي انسياب
لازم قبل الدخول يخبطلي علي الباب
وساعتها أديهوله وأديه عليه كادوه
وهي كام نصيحه علشان اسمك ينسوه
وبكده خلاص هأكون انتقمت منك
وخليت الناس بسهوله قوام تبعد عنك
وهأكون مرتاحه قوي لأني مش ظلماك
دأنا مش كاتبه كتير يعني كمان كرماك
وأوعدك أول ما قلمي يخلص كتابه
هاديك منه نسخه ماهو كله بحسابه

من أنا


من أكون أنا وكيف أعيش
أنا التي تضحي من أجل الحبيب
أنا التي تؤمن بالقدر والنصيب
أنا التي تساعد حتي الغريب
أنا كالشمس لحظات المغيب
وأعيش وحدي كالشخص الغريق
وأخاف دوما من حتي الرفيق
وأطير وأبعد كالطير الطليق
عندما أشعر بأني كالشئ المفقود
وأسمع أسئله وردود
وأستحي من حتي الورود
أسأل نفسي ومن يجيب
قلبي مجروح وليس له طبيب
عندما أعطش من يرويني
أشرب من ذل عذاب سنيني
وأغرق ومن ينجيني
ويأتي وحنانه يسقيني
وربي هو وحده يكفيني

من


من يسهر من أجل انسان
من يحمل في قلبه الحنان
من يضحي بحب كان
من يعامل بالاحسان
من بعينيه دموع الندمان
من يمحي من قلبك الأحزان
من يروي ظمأ العطشان
من لك الحياه والوجدان
من يعيش وهو حيران
من تكون له الابتسامه
من حبه تارك علامه
من يدعو لك بالسلامه
من يراك في صحوه ومنامه
من تكون له فارس أحلامه
من تكون له سعاده أيامه

يا قاضي الغرام


ياقاضي الغرام
قوللي حكمك ايه
هو الحب حرام
ولا قاسي ليه
لو حبيت انسان
بضحي بعمري علشانه
هو دلوقتي وزمان
وكل وقت مكانه
قوللي ليه ياقاضي
دقات قلبي مرتفعه
مبقاش خلاص فاضي
بحب وبعشق بسرعه
وحبيبي ايه أحواله
ومكاني ايه جواه
لاببان منفضاله
ولاببان بهواه
ببانله كأنه عادي
زي أي ولد
وكأن حبي هادي
مش مغرق البلد
ولما يكون واحشني
أبقي هتجنن عليه
ألاقي حاجه تحوشني
تقوللي ليه تحبيه
أقف ومشتقاله
شوق مابعده شوق
ولما أكون قباله
أعامله بكل ذوق
بس ولا كأني
بحبه من سنين
كل ما يتقرب مني
بأرجع خطوتين
يبقي بتقل عليه
ولا ايه يا قاضي
بلوع ليه عنيه
دا هو الحاضر والآتي والماضي

أصعب حاجه


أصعب حاجه في الدنيا
انك تلقي نفسك وحيد
وممكن تتباع في ثانيه
واللي يبيعك ده غدار أكيد
يبيعك من غير تمن
ويرميك من غير ماتحس
دا عيب الواحد انه ائتمن
خاين ومش خاين وبس
دا كمان قاسي وغدار
وناكر الحب اللي علشانه
ورميك في أخر المشوار
وناسي اللي عمره ما خانه
ناسي الانسان الطيب
اللي اداله الحب والحنيه
واللي كان لجروحه بيطيب
واللي قالله بجد انت ليا
لكن طلع معيشه في أوهام
وطلع للحب ميستاهلش
وكان كله كلام في كلام
وعن ظلمه أبدا ميتنازلش

طيور السما


وصيت طيور السما
تجيبك لحد عندي
رجع في ثانيه الكروان
وباسني بوسه من خدي
قولتله مالك ياكروان
قاللي لقينا حبيبك
جايلك كله حنان
وحالف عمره ماهيسيبك
ضميت الكروان ليا
بطريقه غير عاديه
وابتدت تبرد ناري
وشوفت العالم جميل
ولو حد حاول يوقع بينا
ولو جاب مليون دليل
خلاص قلبي فتحله الباب
وطلع منه الشك الكداب
وبأ أسعد صفحاته
وطوي صفحه العذاب
مرسي يا أرق طيور
جبتوا لعنيا النور
ولحياتي هنا وسرور
انما انت يا كرواني
ياصاحب الخبر السعيد
ليك عطفي وحناني
يوم بيوم جديد

قولي بأعلي صوت

قوللي بأعلي صوتك
سبب زعلك ايه
وايه أخره سكوتك
وبعدي قادر عليه
لو ليا عندك خاطر
جاوبني وقوللي مالك
ده كده الفراق شاطر
غيرللك قوام حالك
وانت بسهوله أمنتله
مفيش فايده فيك
مسكت فيه وندهتله
وعرف يتغلب عليك
اشرب بقي لوحدك
ذل ووجع البعد
وحط ايدك علي خدك
لما الموضوع يبقي جد
لو روحك مش عيزاني
ابعدعن قلبي شويه
بس انت بجد أناني
حرمتني من الحنيه
كنت بتمثلها عليا
وأنا قال فكراها في طبعك
بس كشفت التمثليه
وقلبي من الليلادي مش سامعك

عندما تنام العيون


عندما تنام العيون
والقلب بالحب كالمجنون
ويدق بصدق لن أخون
لاني امتلكت الحنون
عندما ترتوي الروح
وتطيب أيضا الجروح
وأقول أحب بأعلي صوت
رغم أنه مبحوح
عندما يتحسن الحال
بابتسامه ابن الحلال
ولو سؤلت تحبي
لن أقول احتمال
بل أقول نعم
وحبيب القلب علي البال

وعاد الفرح

وعاد الفرح من جديد
وبات قلبي مسرور سعيد
وتبسمت عيناي
كأنها تستقبل العيد
ما الذي كان يحدث من قبل
ولكنني تجاهلت الماضي
وأمسكت في حاضري
فلا أتذكر سوي
أن الدنيا أعطتني الكثير
وأن السعاده من حقي
وكأن دوامه كانت تأخذني
لكن بفضل من الله نجوت منها
فبت أعشق الحياه
وعندما أتأمل ماهو حولي
أجد الازهار تبتسم
والبلابل تغني
والعصافير تغرد
فأحب الحياه أكثر
وأنعم بما فيها من رونق وجمال
فأصبحت لا أعترف بالحزن
فأنا قلبي ملئ بالحب
وأبادله لمن حولي
وأعيش أسعد الأوقات

آه منك يا زمن


آه منك يازمن
الحب فيك بتمن
والكره هو اللي انتشر
واتزرع في قلوب البشر
الكلام الحلو فين
الرحمه عند مين
ليه الواحد حزين
بجد يا قلبي مسكين
هتتحمل ايه ولا ايه
الناس بيقسوا عليك ليه
دايما تطلع غلطان
مش بتتعامل بحنان
والحب مفيش كمان
كانوا الناس زمان شايفني
ان مفيش أحسن مني
بقي دلوقتي كل العالم
كارهني ده زمن ظالم
مش زمن الخوف علي حد
ده زمن الوقوف ضد
عيون وقلوب بريئه
وأهي بانت كل الحقيقه

بان عليه

بان عليه علطول
الهجر والخداع
بان من قبل مايقول
كلمه سلام ووداع
ويوم ما قالهالي
صح مكنتش جديده
بس اتغير حالي
وبقيت عنه بعيده
حسيت وقتها احساس
دمر قلبي في ثواني
وشافوا كل الناس
أد ايه أنا بعاني
وقاللي بكل بساطه
أيوه أنا البادي
ابتديت بحاجات كتيره
أولها جرحي وعنادي
بس انتي كنتي غفلانه
ومش عارفه جوايا ايه
طلعت أنا الغلطانه
وطلع الحق مش عليه
ضيعت سنيني معاه
كنت بحبه وبهواه
لوقلبه في يوم اتظلم
يلاقيني علطول دواه
أنا صونت حبه
وهو باعني رخيص
عمري ماهجرت قلبه
عرفت خلاص انه خسيس
عمره ما اعترف بحبنا
قصدي أقول بحبي
الوهم كان جنبنا
والويل أصبح لقلبي


ليه يادنيا

ليه يادنيا معايا غبيه
بتذليني ومفتريه
بقيت أول ضحيه واعلني ياللا خبر انتصارك
مفييش قوه أدافع بيها
الدنيا سجناني والبركه فيها
بتحسب كام خطوه بمشيها
وان اتكلمت تقول اختيارك
مش بايدي اغير زماني
لكن مسيري أبدل حناني
ولازم أقول الحق
ويبقي علي لساني
وانت ياقلبي خد قرارك
اتظاهر انك شجاع
وحش في الدنيا طماع
ليك صوت وبتتكلم
وكلامك للناس يتزاع
أنا عرفاك ياقلبي خجول
صابر علي الذل وحمول
يائس بس مش بتقول
وايه جزاءك بيتلعب بيك
الناس والدنيا معيشني
في الآه ومخليني
أنام يوماتي وأنا ببكي
ولنفسي في همي بشكي
ولاحد واحد حاسس بيا
عماله أهاتي من الوحده
وبتحمل ومغلوبه وساكته
ونفسي يرتاح بالي
يادنيا حني عليا ولو ثواني
مش ضامنه أعيش دا العمر فاني
ونفسي قبل ما أموت أعيش متهنيه
أتعرف علي السعاده وتتعرف عليا
وأحس اني انسانه
مش زي الورقه مرميه