Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

يا قاضي الغرام


ياقاضي الغرام
قوللي حكمك ايه
هو الحب حرام
ولا قاسي ليه
لو حبيت انسان
بضحي بعمري علشانه
هو دلوقتي وزمان
وكل وقت مكانه
قوللي ليه ياقاضي
دقات قلبي مرتفعه
مبقاش خلاص فاضي
بحب وبعشق بسرعه
وحبيبي ايه أحواله
ومكاني ايه جواه
لاببان منفضاله
ولاببان بهواه
ببانله كأنه عادي
زي أي ولد
وكأن حبي هادي
مش مغرق البلد
ولما يكون واحشني
أبقي هتجنن عليه
ألاقي حاجه تحوشني
تقوللي ليه تحبيه
أقف ومشتقاله
شوق مابعده شوق
ولما أكون قباله
أعامله بكل ذوق
بس ولا كأني
بحبه من سنين
كل ما يتقرب مني
بأرجع خطوتين
يبقي بتقل عليه
ولا ايه يا قاضي
بلوع ليه عنيه
دا هو الحاضر والآتي والماضي

29 التعليقات:

جوري يقول...

حبيبي ايه احواله
ومكاني ايه جواه
لا ببان منفضاله
ولا ببان بهواه
ليه بس الحيره دي يا ساسو هههههههههه
كلماتك بجد بتدخل القلب والله من غير ما تدق الباب هههههههههه

غير معرف يقول...

ايه يا واد ياساسو الكلام الجامد ده ؟
بجد حيرتينى مش هتقولى انتِ مين بقه ؟!
ومع ان الكلام بسيط وسعات بيضحكنى
بس المعانى والله فظيعه فظييييييعه آخر حاجه ..
وبتحكى مشاعر صادقه جدا جدا
كأنك يا بنت يا ساسو عايش حالة حب مستعصيه مش كدا ولا ايييييييييه ؟ ..
مضاد حيوى .

أميره يقول...

السلام عليكم
انا هعتبر نفسى قاضى الغرام وهرد عليكى
الحب يابنتى مش راسى على شط
بيخلى قلوبنا تنشال وتنحط
لما بنحزن ولما نفرح
ولما تبقى الحاله تسمح
وحتى لو كان مستحيل
دايما ندور ع البديل
عشان نموت الفراغ
لان الحب دا كل حاجه
وكل الناس اليه محتاجه
ياريت يابنتى تكونى فاهمه
من ردى دوت اى حاجه

غريب الدار يقول...

مساء الورد / ساسو

ما احلى هذا الوصف
صديقتي ابدعت ورب محمد
حروفك عن الحب
تهز اغصان الفؤاد


ياحسناء
انت تخطفين من صفار الشمس
لون البرتقال

فيصبح للحب ورودا جميلة
في بستانك الجميل
المليء بالنصوص الرائعة

معك اجمل احساس
شكرا لك
ياباذخة

وردة لقلبك الطيب
كل الود

غريب الدار

غريب الدار يقول...

مدونتك رووووعة
وكتاباتك باذخة بالجمال

انت ف مفضلتي يانقية

ساسو يقول...

مضاد حيوي
بشكرك جدا علي ذوقك وكلامك الرقيق
أنا بجد اسمي ساسو
وأنا فرحانه جدا لأني سبب ضحكك
وعلي فكره مش كل اللي بكتبه ببقي فعلا عيشاه
منور مدونتي جدا

ساسو يقول...

أميره
طبعا يا استاذه كلامك كله وصلني وفهماه أوي
سعيده بوجودك لأول مره
وياريت متغبيش كده

ساسو يقول...

غريب الدار
شرفتني يا استاذي الغالي
وأنا طبعا مجيش نقطه في كتاباتك الساحره
وبجد كلامك الحلو ده كتير عليا أوي
كن بالقرب دائما

ساسو يقول...

غريب الدار
ده شرف ليا استاذي اني أكون في مفضلتك
بس ياريت متطولش الغيبه

akram_akram304 يقول...

مساءك فل
اشكرك جدا جدا على التواصل
وانا زرت الموقع من فتره وحتى خليته على صفحتى فى الفيس بوك
لانه فعلا كلماتك رقيقه وجميله
واحساسك غايه فى الصدق
تحياتى لكى
اكرم

محمود قلماوى يقول...

ساسو
كلمات جميلة سهلة وبسيطة
اتمنالك التوفيق
محمود

abdo.m يقول...

والله ابداع بجد !! .. الكلمات بسيطة جدا بس معبرة جدا جدا ..
والف شكر على زيارتك المدونة

بلقيس يقول...

مساء الحب ساسو



وصفتي دقات القلب
وصفتي رعشت اليد
..
الحب هو القاضي
وحكمه غير عادل
جميل مثل احرفك
ايادي ماسية كتبت
سطور تلمع بهية
شكرا شكرا

كوني بحب يا رقيقة

ساسو يقول...

استاذي العزيز اكرم
نورتني وشرفت مدونتي
كن بالقرب دائما

ساسو يقول...

اخي الغالي محمود قلماوي
شكرا علي زوقك الجميل

ساسو يقول...

اخي العزيز عبده
بتشكرني علي ايه أنا اللي اشكرك علي وجودك الجميل
ونورتني

ساسو يقول...

اخي الغالي بلقيس
كلامك جميل اوي وبجد انا فرحانه بوجودك
منورني بجد

بلقيس يقول...

مساء الورد ساسو

انا مرأة مو رجال أختي العزيزة
ربي يخليكي على الكلام الي مثل الشهد
وما أجملها من طلة نورتي المكان
كوني قريبة, يسعدني التواصل

لك مني بساتين ورود

sherif يقول...

ساسو
شكرا لزيارتك وتعليقاتك الرقيقه لمدونتى المتواضعه
كلماتك رقيقه وسهله
دمتى بخير
شريف

ساسو يقول...

اختي الجميله بلقيس
انا اسفه جدا متزعليش مني
اصل انتي أول مره تنوريني
وبجد كلماتك رقيقه اوي اوي اوي
ويسعدني تواصلك

ساسو يقول...

شريف
اسعدني تواجدك في مدونتي وبجد نورتها
اتمنالك النجاح والتوفيق

بلقيس يقول...

مساء ملون قوس قزح ساسو


أختي الغالية ليه أزعل
عادي بالعكس حلوة :)
أنا مختارة لقب بلقيس
على اسم ملكة سبأ اصبتي
تسلميلي على الكلام الحلو
يشرفني اكون من صديقاتك

كوني بفرح

غير معرف يقول...

اولا كلامك من بساطته بجد يتحس كلام تلقائى من غير تصنع واتمنى القاكى احسن الموجودين اعتبرينى قاضى وهرد علي
الحب مشاعر جميلة فى الزمن ده بس للى يستاهله واللى يستلهله ده من من السهل تلاقيه بس بجد كلام رقيق جدا

ساسو يقول...

بشكرك جدا جدا علي الكلام الحلو ده
وبتمني تتابعني دايما
بس المره الجايه تمضي باسمك

عـــــــزيـــــز مـنـيـر يقول...

الغالية ســـاسـو
أسف أنشغلت عن مدونتك قليل سامحينى.
ياقاضي الغرام
قوللي حكمك ايه
هو الحب حرام
ولا قاسي ليه
ــــــــــــــــــــــ
ربنا ما يوقفك أمام قاضى
لا مشكو فى حقه ولا شاكى
تتهنى بحياتك وتسعدى
ببال مرتاح وبسر هادي
ــــــــــــــــــــــ
ســاسـوممكن أطلق عليكِ لقب (فراشة الكلمات)
لما أراكى تتمتعين به من رقة وخفة فى تحركك بين كلماتك وبين أسطرك وكأنك بلارينا(راقصة باليه)
تحياتى عزيزتى وودى .

ساسو يقول...

ياه يا استاذي الغالي عزيز
والله كلامك الجميل قليل عليا أوي
وكمان لقب من استاذي
اللقب ده بجد يكسر الدنيا لكن أنا كلماتي بسيطه أوي بس والله أنا سعيده جدا جدا جدا بوجود استاذ عبقري اسمه الاستاذ ( عزيز منير ) في مدونتي
ويارب تفضل تنورني كده علطول

فايز يقول...

ساسو
انت فعلا كلامك ملوش مثيل
ويارب يارب القاضي يكون كويس معاكي
والحب اجمل شئ في الدنيا

ساسو يقول...

صديقي فايز
ربنا يخليك
دا بس من زوقك
دمت بألف خير

غير معرف يقول...

Great post. Ӏ was checking continuouѕlу
this blοg anԁ I'm impressed! Extremely helpful information specially the last part :) I care for such info a lot. I was seeking this particular information for a long time. Thank you and best of luck.

Feel free to surf to my web-site ... payday loans