Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

مين فيهم حبيبي


محتاره أنا وخلاص
والحيره بقت نصيبي
أبقي في حالي والناس
تسمي حد حبيبي
علي أي اساس سموه
يعني ايه بشوفه بتوه
يعني ايه مغرمه صبابه
وأقول لأ يقولوا كدابه
طب ايه بيحصل مني
أول ما بشوف عنيه
علشان يقولوا عني
اني دايبه فيه
ولا أنا فعلا كدابه
ودا احساسي بيه
طب في واحد تاني
معاه بنسي أحزاني
بفرح لوشيفاه
وفي نفس الوقت عادي
واحساسي مش عارفاه
لو ميكنش قصادي
ولما بكون معاه
ساعات بنسي حبيبي
ولما أتعب عيزاه
يكون هو طبيبي
يبقي مين حباه
فيهم الاتنين
ومين لو هنساه
هيكون قلبي حزين
ماأنا لو بحب اتنين
أبقي ما بحبهمش
لأن مليش قلبين
وقلبي حلف ما يخونش
أنا بفكر أنساهم
وأبعدهم عن قلبي
وأحاول أنسي هواهم
ويروح سبب تعبي

28 التعليقات:

غير معرف يقول...

كلمات جميلة صديقتي
هي اقرب للشعر الغنائي
وبالفعل هناك قلب واحد ...
ممكن يتسع الجميع لكن! يحب واحد حتما ،،.
دمتي بخير يا ساسو ..
عبد الخالق زامل الساعدي .

عـــــــزيـــــز مـنـيـر يقول...

سـاسـو الحيرانه
ليه دايما قلقانه
إن كان ده ولا ده
المهم قلبك فى الوقت ده
بيحب ومشغول
مش فاضي ومهمول
سيبي قلبك يختار
مش ممكن راح يحتار
هو عارف فين حبيبه
ويعرف أزاى يجيبه.
ــــــ بشوفك وكأنى لأول مره بأشوف
ــــــ شمعه واقفه حوليها ألوف وألوف
ــــــ حاطة بأديها كل حياتها
ــــــ بعد ما شالت منها كل أهاتها
ــــــ بالحب قلبها كان منور
ــــــ فى الكون عليك كان بيدور
ــــــ لمحتك آه شافتك فى يوم من الأيام
ــــــ بعد ما كنت ورا بقيت قدام
ــــــ ندهت عليك بعلو الصوت
ــــــ قرب منى خد الملكوت
ــــــ كنت قبلك حيرانه وقلقانه
ــــــ خلاص لاقيتك وبقيت فرحانه
ــــــ فكرك هأسأل أنت مين ؟
ــــــ أكيد راح أعرف بالحنين .
تحياتى ساسو

غير معرف يقول...

صباح الفل ساسو الرائعة
على فكره محدش حيعرف يجاوبك عن تساؤلاتك ولا يخرجك من حيرتك الا نفسك ...
بس بجد كلامك جميل أوى ومشاعرك بتعبرى عنها بطريقة السهل الممتنع ..
برافو عليكى بجد .

مضاد حيوى .

ساسو يقول...

صديقي الغالي عبد الخالق
وجودك نورني وشرفني جدا جدا جدا
وفعلا كلامك صحيح
دمت بألف خير

ساسو يقول...

استاذي الغالي عزيز منير
هي الحيره كده لازم تصاحب الواحد شويه هنعمل ايه بقي
كلامك كله جميل
وبجد منورني دايما يا استاذي الغالي
تحياتي

ساسو يقول...

صديقي العزيز مضاد حيوي
صباح العسل
ياعني أفهم من كده انك مش هتنصحني
يالله بقي أعمل ايه
بس المهم انك نورتني وبجد فرحت جدا جدا برجوعك تاني بعد غياب طويل
دمت بألف خير يا صديقي العزيز

غريب الدار يقول...

صباح الورد ساسو


قرات نص لذيذ جدا
اعجبني
كما عهدتك
عندما تكتبين للحب
كلماتك تاتي كالصباح
كالفجر الجديد
كلماتك
جميلة عذبة تنساب كشلالات هادئة
تاخذنا معها للبعيد

صديقتي : الحب لايمكن اخفاؤه
انت كاتبة رائعة ياحسناء

لك جل احترامي وتقديري
باقة ورد
كل الود
الغريب

غير معرف يقول...

ساسو
تسلم ايدك
دمت مبدعه
شريف

ساسو يقول...

صديقي العزيز غريب الدار
صباح الفل
شكرا علي مجاملتك الرقيقه وكلامك الجميل أوي
بس أنا أجي ايه في كتاباتك يا باشا
منورني دايما
دمت بألف خير
تحياتي

ساسو يقول...

صديقي العزيز شريف
شكرا لمرورك الجميل
نورتني جدا جدا جدا
تحياتي

modcena يقول...

جميلة جداااااااااااا
بجد يا ساسو ماينفعش اتنين
تحياتى لروعة كلماتك البسيطة
والموضوع دة بالذات يروق لى
اشكرك وواصلى العزف
قلماوى.

ساسو يقول...

صديقي الغالي قلماوي
شكرا علي مرورك الجميل
نورتني
دمت بألف خير

بلقيس يقول...

مساء الورد ساسو


انتي مو كذابة ...
انتي محتاجة حبيب يحسسك بوجودك
اختاري الوفي الي يبادلك الشعور
ولاتجري ورا السراب
قصص الحب معقدة
ويوم في نصيب كل شيء يكون اسهل
حرفك الشفاف يذهلني
سلمت اناملك صديقتي

غير معرف يقول...

معلشي يا ساسو كاتب والله الرد بسرعة علشان ورايا
مذاكرة كتيييييييير بس والله مقدرش اقولك غير انك مبدعة
وربنا يوفقك دايما
وخليكي ماشية واحنا معاكي
هههههه
لا بجد روعة يا ساسو
abdo.m

ساسو يقول...

صديقتي الحبيبه بلقيس
فعلا لازم أختار صح ياللا ربنا معايا هههههههههه
بجد نورتيني وكلامك فرحني كتير اوي
شكرا لمرورك الجميل

ساسو يقول...

صديقي الغالي عبده
ولا يهمك ياباشا المهم انك علقت واهتميت
وده طبعا شرف ليا والله
وبالنسبه للمذاكره ربنا ينجحك ويوفقك
ومستنيه الحلاوه
نورتني يا صديقي العزيز
تحياتي

جوري يقول...

ساسو يا جااااااااااامد اكيد عرفتيني
ايه يا باشا الحلاوه دي
بقولك ايه اهدي كده واختاري صح والا.....علشان بعدين ماتقوليش اصحابي ومش اصحابي انا عن نفسي ساعتها ولا اعرفك ولا قلتلك حاجه هههه
وعلي فكره انا لسه متابعه البريد فكراه اياااااااااااااااااااكي!!!!

نزف الحروف يقول...

الاخت ساسو
مساء الخير ...
قصيدة جميلة ومعبرة ... الناس يا سيدتي لا تترك احدا ... ولكن كيف نشعر نحن ... نعم اخيرا تقررين ان تنسي الاثنيين ... لانك لا تحبين هذا او ذاك بدليل ان اتحترت ان كان المحيط بك صادق وانت تدارين ... ام العكس وبدليل انك ترتاحين لاخر ..ز فالحب ليس كذلك ... انتهيت للصواب .
دمت

محمود العزاوي يقول...

خلي الحيرة
وبصي بعينك جوه الشمس
وردة امل اتزرعت فيها
بتقلك انسيه الامس
وشوفي الجاي وسيبي الدمعه
وطيري وزوري النجمه اللامعه
هتفتحلك ابواب الفرحه
وباذنك تهمسلك همس
وتقلك بصي لقدام
روقي ومتعذبيش النفس

دمتِ بخير

ساسو يقول...

حبيبتي الجميله جوري
طبعا عرفتك وحتي لو مكتبتيش اسمك بردك هأعرفك
الحلو مش ممكن يتنسي
شكرا لمتابعتك
واطمني اكييييييييييييد هبعتك
وخليكي في انتظاره

ساسو يقول...

اخي العزيز نزف الحروف
اولا حمدلله علي السلامه بعد الغيبه الطويله أوي
بس بجد وجودك نورني وشرفني وياريت تنورني دايما
وشكرا علي كلامك الرقيق
بجد كل كلمه قولتها صح
دمت بألف خير صديقي العزيز

ساسو يقول...

صديقي الغالي محمود العزاوي صاحب أرق كلمات
بجد مش عارفه أقول ايه بعد كلامك الجميييييييييييل دا
نورتني جدا جدا جدا

مجرد انسان يقول...

الله عليكى بجد والله جامده جدا
انتى احسن من رئيس التحرير بتاعى بس اوعى تقوليله احسن اترفد خليها فى سرك
والله عجبانى جدا لانها عيشتنى الموقف وحسيت بالواقعيه
واحسن ما فيها انا بوصلنا لاحساسك الحيره
تحياتى

مجرد انسان يقول...

معلش كترت عليكى بس نسيت اقولك حاجه
يا ريت لو تلغى الكلمات اللى بتيجى بعد ما اى حد يعمل تعليق بيتيهالى هتكون كده احسن
يعنى اعمل تعليق من هنا الاقى فيه كلمات لازم اعيد كتابتها وبتكون مش واضحه اوى فلو مش عايزاها الغيها احسن

ساسو يقول...

صديقي العزيز ( مجرد انسان )
نورتني جدا جدا جدا
بس أنا عيزاك تقوللي اسم رئيس التحرير بالظبط علشان عايزه أوصله حاجه كده ههههههههههه
اما بالنسبه للموضوع التاني
طلباتك أوامر يا باشا

samy يقول...

ساسو

حقيقى جميلة جدا جدا

احساس الحيرة اتنقلى بجد

انت بتكتبى بأحساس عالى جدا

ربنا يوفقك

ساسو يقول...

صديقي العزيز سامي
مرسي لزوقك ورقه كلامك
نورتني يا صديقي
تحياتي

الــحــــنـــــــــــــــــــين يقول...

انا عجبتنى اوى اوى القصيدة دى انا حسيت انى لقيت نفسى جوه معانيها انتى احساسك جميل اوى يا ساسو ربنا يديمه يارب