Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

أيوه


ايوه أنا هبدأ أصحي وأفوق

وأطلع بقي من وهم الشوق

وأعرف ان مافيش مخلوق

يستاهل الحب في يوم

أيوه أنا هعرف ان الناس

فيها الفضه وفيها الماس

فيها اللي معندوش احساس

واللي لازمله بجد اللوم

أيوه حياتي عندي أهم

وروحي ليه أعيشها في غم

أيوه هخلي الفرح يعم

في قلبي وهزيل الهموم

أيوه أنا هبدأ صفحه جديده

عمري ماهبقي في يومي وحيده

وأفراحي هخليها عديده

وحياتي ولا فيها غيوم

أيوه حياتي هتبقي كتاب

فيه هختار كل الاحباب

وعمري ماأدق في يوم علي باب

الحزن وأخليه ما يدوم

49 التعليقات:

Carmen يقول...

اول زيارة لي في المدونة وان شاء الله مش هتكون الاخيرة
اعجبتني بشدة اسلوبا ووصفا
اسلوب بسيط وجميل ومباشرة
عجبني اوي البوست ده حسيت فيه بكبرياء
ربنا يديم عليك موهبتك
احترامي وتقديري
¥k¥

بلال عادل رجب. يقول...

كلمات جميله
جدا جدا جدا
وخارجه من القلب
ولكن الانسان ثلاث انواع
انسان كالغذاء لا يمكن الاستغناء عنه . وانسان كالدواء لا نحتاجه الا حين بعد حين .
وانسان كالدواء لانحتاج اليه ابدا

سندباد يقول...

تغيبين ثم تاتين بقنبلة تفجرينها بين المدونين
قوة وحزم وثقة بالنفس
كلماتك تزداد نضج وبريق
احييكي علي كلماتك القوية
بس متطوليش تاني في الغيبة
تحياتي

شوية قهوة يقول...

هوة ده الصح اللمفروض نعمله
لاكم نكون اقوى من الحياة
كلامك جميل اوي
تحياتي

love is life يقول...

بجد من اروع ما قرات
بجد بحييكى عليه جدا
واكيد احنا لو فى حاجه
وقفتنى او اى حاجه حلمنا بيها
مش حصلنا عليها اكيد مش هتكون اخر المطاف ولازم نبدا من جديد
ربنا يوفقك ويوفقنا

باحث عن حب يقول...

وأعرف ان مافيش مخلوق

يستاهل الحب في يوم


ابدا
فى
ناس كتيره تستحق الحب
حولينا بس
احنا مش شايفينهم

لآ
انا معاكى
ان الواحد يبعد عن الغم
والنكد
والهم
بس
برضوا
عيب قوى انه
يكره الناس والناس كلهم
مفهومش حد كويس
ساسو

كلامك كله
اسى وزعل
مش عارف ليه
مينفعش
عاوزين
شويه فرح
ده
ميكس
بين
الفرح
والحزن
والاسى
جميله
ورائعه دوما
الحب ما زال موجود
بس احنا مش شايفينه
حولينا
انتى قلبك طيب وحنين قوى
ياربيحافظ عليكى يارب

mrmr يقول...

ايووووووووه كده
نخلى حياتنا ورديه
من غير حزن وانانيه
نعيش حياه متهنيه
ونشوف حياتنا المستقبليه

كلمات جميله يا ساسو وكلها تفاؤل
سلمت يداكى

Dr/ walaa salah يقول...

حجز اول تعليق لاحلى بوست لاحلى ساسو


بوست جميل يا ساسو وفيه شموخ واعتزاز بالشخصيه


رائع يا ساسو


تقبلي زيارتي

الغاردينيا يقول...

ايوه ونا معاكي في دا ^_^

احساس جميل وصلني , ^_^

Tarkieb يقول...

هو ده اللي كنتي طالعة بيه السما؟ ده ما لحقشي يابنتي...معلش انت لسه انن وبكرة تقابل واحد يستاهل....طبعا عارف انه اغنية ومش حقيقي بس برد على اللي بتغني...الله ينور ياساسو

محمد التركى يقول...

السلامو عليكم

وحشانى يا أميره شعراء البلوجر

جميل قوى كلامك
نفسى أعمل كده
نفسى أهرب من الزكريات
ومن الماضى

نفسى تبقى حياتى كتاب واختار انا احداثه
واشخاصه
وتواريخه
وعناوينه

بس صعب قووووووى
أحنا مسيرين وليس مخيرين
ولا انا غلطان
نفسى ابقى صح
مش عارف

عجبنى قوى كلامك
يسلم قلبك وعقلك وقلمك وايدك
تسلمى من كل شر
ربنا يبارك فيكى
ويبعد عنك كل الاحزان


تقبلى تحياتى ياأجمل شاعره على عرش البلوجر

محمـــد التركـــى

سندباد يقول...

انا علقت هنا بس مش عارف تعليقي راح فين

همسات وبحــ الحياه ــر يقول...

أيوه أنا هبدأ صفحه جديده

عمري ماهبقي في يومي وحيده

وأفراحي هخليها عديده

وحياتي ولا فيها غيوم

جمييييل

بجد بوست جاى فىوقته يااحلى ساسو

جايدا العزيزي يقول...

حلووووووووه اوووووووى ساسو

يسلم احساسك

وفوق بقى ياجميل

تحياتى

ツSmiLeY AnGeLツ يقول...

السلام عليكم
ازيك ياحبيبت قلبي
يارب تكوني بخير
ايه الاكم هذا انا مش قدوا
والله كلامك بمحلة ليه الحزن الصديق مايطلع صديق
خليك سعيده ومبسوطة وفحانة دنيا ماتستاهل دمعة وحده
لكن نحن بدمع الف دمعة على كل شي يرجع بشريط الذاكره
قلبتي عليا الالام
ربنا يوفقك ويسعدك
سلامي لاحلى بنوتة.

داليـ ـ ـ ـ ـ ـ ــــا يقول...

ايوه انا معاكى
خدينى معاكى
المفروض والله نعمل كل الا قولتى عليه ده

روعه روعه روعه الكلمات ياساسو

عجبانى بشكل رهيب

beautiful mind يقول...

كلامك عين العقل
انا متفق معاكي في كل كلمة
لازم واحنا عايشين للناس وبس
نفكر شوية في نفسنا بردو بيجي لما بننسي اننا نقدر نفسنا كويس
تحياتي

Tamer Nabil Moussa يقول...

ازيك ساسو

اخبارك اية

كلمات رائعة

وجميل ان الانسان يحدد هدفة ويسعى الية

مع خالص تحياتى

2alam_Rosas يقول...

بجد بجد جميلة
بقالى كتييييييير مش قرأت حاجة فيها تفاؤل كدة
كل المدونين عندهم حالة اكتئاب حتى انا كدة برده ههههههه
يارب دايما متفاءلة كدة
وايامك كلها بخير

eng_semsem يقول...

ليا الشرف اني اكنب اول تعليق والبيت التاني اكيد كنت عايزه تكتبي من وهم الشوق بس بجد تمام الفكره هو ده الامل اللي نعيش بيه بكره وانا بعد اذنك هطبعها لانها فعلا عجبتني وانا محتاجها دلوقتي
تقبلي تحياتي

أحمد زاهر يقول...

حلو كتيير

تسلم الأيادى

تحياتى

باحث عن حب يقول...

السلام عليكم
انا علقت هنا
تعليقى
راح
فين
ساسو

ساسو يقول...

حبيبتي كارمن
اول مره وبجد فرحت قلبي كتير
ونورتيني كتير
ومرسي يا سكره
بجد دا من زوقك ورقتك
ربي يخليكي

ساسو يقول...

صديقي (قلــ"بـــلال"ــــــب فارس)
مرسي كتير لزوقك
وبجد مرورك الاجمل
وفعلا انت لخصت المعني في 3 جمل
وعلينا اننا نحسن الاختيار في التعامل
ربي يبارك فيك

ساسو يقول...

صديقي سندباد
بجد دي شهاده اعتز بيها جدا من سندباد التدوين
بجد انت زوق كتير اوي
وكلماتك الاجمل والاجمل
ربي يخليك

ساسو يقول...

حبيبتي ( كلام من قلبي )
اه هو لازم نكون اقوي من الحياه
ونتحمل الصعاب
لكن صدقيني في ساعات الدنيا بتيجي علينا اوي
وساعتها القلب بيفيض بيه

نورتيني يا عسوله
وبجد انتي الاجمل

ساسو يقول...

صديقي love is life
مرسي كتير ليك ولزوقك وكلامك الجميل
اه لازم نبدأ من جديد ونعيد حسابتنا ونفوق علشان نقدر نكمل الحياه
نورتني كتير جدا
وبجد بفرح بمرورك

ساسو يقول...

صديقي محمود (باحث عن حب )
عندك حق اه في ناس كتيره تستاهل الحب واكتر من الحب
بس ممكن منبقاش شايفنهم

الناس فيها الحلو
وفيها الوحش
بس احنا علينا ننشن علي الحلو
عجبتني اوي ننشن دي ههههههه

مش عارفه ليه يا حموده مودي بقي كله حزن
ببقي اوقات كتيره فرحانه لكن غصب عني بلقاني بكتب حزين
بس خلاص اوعدك الجاي هيبقي في شويه فرح

ربي يخليك
بجد بتنورني جدا جدا جدا
وبفرح جدا بمرورك
وانت اللي حنون وقلبك صافي

ساسو يقول...

حبيبتي مرمر
كلماتك الاجمل
وانتي رقيقه موووت
مرسي يا مرموره لزوقك
وبجد فرحت جدا بيكي

ساسو يقول...

حبيبه قلبي Dr/ walaa salah
يا حبيبتي والله مافي اجمل منك
انت رقيقه اوي
وانا بحبك موووووت

ساسو يقول...

حبيبتي الغاردينيا
نورتيني لاول مره ويارب دايما
وبجد انا فرحانه ان الاحساس وصلك
ربي يخليكي يا سكره

ساسو يقول...

صديقي تركيب
ههههههههه
والله عسل يا تيكو
بجد دمك خفيف موووت
وببقي في منتهي السعاده بمرورك الرقيق
ربي يخليك

ساسو يقول...

صديقي محمد التركي
وعليكم السلام
لا طبعا مش غلطان
كلامك جميييل اوي بجد

بجد مرورك بيسعدني جدا
ربي يبارك فيك
ومرسي كتير لزوقك
ومرسي اكتر علي الدعوايه الرقيقه

بجد بترفع معنواياتي اوي

ساسو يقول...

حبيبه قلبي همساتي الرقيقه
شوفتي بقي انا مواعيدي مظبطه ازاي
كل حاجه في وقتها ههههه
نورتيني يا سكره قلبي

ساسو يقول...

حبيبتي جايدا العزيزي
والله ما في احلي منك
ولا ارق منك
ههههه
خلاص يا عسوله جه وقت الفوقان

ساسو يقول...

حبيبتي رشا (خواطري مع الحياه )
وعليكم السلام
انا تمام الحمدلله
مرسي يا عسوله لاهتمامك

سلامتك يا حبيبتي
وربنا يبعد عنك الالم

نورتيني كتيير ياجميله

ساسو يقول...

حبيبتي داليا
خلاص يالا يادولي
نتحد وننفذ

بجد نورتيني اوي
وانا في منتهي السعاده ان كلامي عجبك يا سكره

ساسو يقول...

صديقي beautiful mind
عندك حق
بجد كلامك جميل
نورتني جدا
ربي يبارك فيك

ساسو يقول...

صديقي تامر نبيل
انا بخير الحمدلله

تحديد الهدف مطلوب جدا
لان علي اساسه بيتبني حاجات كتيره اوي

نورتني جدا جدا
ربي يخليك

ساسو يقول...

حبيبتي florieda
بجد دا مش تفاؤل
هي خطوه للتفاؤل
بس القلب غير كده
القلب دايما الحزن جواه

ربي يبعد عنك الحزن
وايامك تبقي كلها فرح

ساسو يقول...

صديقي eng_semsem
الشرف ليا انا
مرورك اسعدني جدا
وبجد فرحانه ان الكلام عجبك
بس مش فاهمه تقصد ايه

ساسو يقول...

صديقي (بــــ الخطاب ــن )
مرسي كتير
دا بس من زوقك
وبجد كلامك الاحلي
دمت بكل خير

ساسو يقول...

صديقي eng_semsem
مرسي كتير انك لفت نظري للغلطه دي
انا قصداها وهم الشوق
بس اتبرجلت وكتبتها وهو
وبجد ما اخدتش بالي غير لما قولتلي
مرسي كتييييييير

sweet angel يقول...

جميله يا ساسو
بسيطه ورقيقه

ربنا يسعدك
تحياتي

غير معرف يقول...

شكرا على الكلام الجميل

ساسو يقول...

حبيبتي sweet angel
انتي الجميله يا قمرايه
ربي يخليكي ليا
وبجد نورتي الدنيا

ساسو يقول...

صديقي ( يوميات شحات )
انا اللي بشكرك علي مرورك الرقيق لاول مره ويارب دايما
وبجد فرحت كتير بتعليقك
دمت بكل خير

momken يقول...

رغم اختلافى معاكى فى المضمون

الا انى اسجل اعجابى بمفرداتك وفكرتك
وطريقه التعبير عما يعتريكى

استمتعت بموسيقى القصيده وبمعانيها
وبمهارتك فى نظمها

لكنى اؤكد انى اختلف فى الموضوع
فليس هناك حياه
ان لم يكن هناك حب


تحياتى

Admin يقول...

جميل ان تصور ما تشعر بكلمات
والاجمل أن تصف حالة فى لحظات
ورائع أن تبقين بين الالم والامل واقفة بثبات
وأسعدنى جداً وجودى بين تلك النقوشات التى زينت ناظرى منذ قرأتها من لحظات الى هذا الحين أراها
شكراً لكِ ودمتِ بخير