Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

قعدت لوحدي مده


قعدت لوحدي مده

افكر في حالي وأقول

حبيبي بناري ليه يرضي

ويخلي الليل عليا يطول

ايه ذنب قلبي معاه

سلمتهوله بسهوله رماه

وعطف قلبي أوام نساه

وايه حصل مني

علشان يبعد عني

ويخلي الدمعه

توجع عيني ونني

اكمني صارحته بالحقيقه

وكنت معاه الهاديه البريئه

وعاملته بمشاعري الرقيقه

خفت عليه من الهوا

وحميته واحنا سوا

واديته اجمل احساس

ومن حبي كمان ارتوا

نيمته جوه عيوني

ضللت عليه بالرموش

كان هو بس كوني

والقلب عنه مبعدوش

كان أهلي وكان ناسي

كان سبب تحريك احساسي

كان اكتر حاجه تفرح

طلع في الاخر ناسي

نكر عطفي وداس علي الحب

بدل الاخلاص بسواد القلب

هجرني بعد عذابي

خلاص هتضيع يا حب

قرر يتخلي عني

رغم انه كان مني

سابلي بعده ذل

والأه بعد ما أغني

دوقني كل المرار

نها بظلمه المشوار

حسسني انه مش انسان

لأ دا أكبر غدار

يارتني ما اتعرفت عليه

ولا عيوني ندهت عليه

ولا قلبي قربته منه

وبقي لعبه في ايديه

28 التعليقات:

محمود(باحث عن حب) يقول...

يارتني ما اتعرفت عليه

ولا عيوني ندهت عليه

ولا قلبي قربته منه

وبقي لعبه في ايديه



ليه
بس
كده
حرام
عليكى

محمود(باحث عن حب) يقول...

كلامك
زى السكر
ايه الجمال
ده
كله
والله مبدعه
يا ساسو \والله

سندباد يقول...

خلاص هتضيع يا حب
سؤال صعب هايقعد المعذب لوحده يساله لنفسه في ليل طويل ما لوش نهاية وهو بيفتكر اللحظات الحلوة اللي مرت عليه خلاص هاتضيع ياحب خلاص هايبقي في فراق
وللاسف مش هايلاقي اجابة
تحياتي

محمود(باحث عن حب) يقول...

ساسو
احنا دايما
مبدعين
فى النكد
بس اقولك على حاجه
مبدعه
دوما
انارالله
طريقك
ونولكى ما تستحيقينه
يارب
يارب
يا قلب طيب
يا ساسو

الحب الجميل يقول...

جميله اووووووووى يا ساسو
تسلم ايدك يا حبى
عارفه انى مقصرة معاكى معليش كنت مشغوله
وحشانى

من كل بستان زهرة يقول...

وكنت معاه الهاديه البريئه
وعاملته بمشاعري الرقيقه

يابنتي مينفعش معاهم الطريقه دي
الراجل عايز الي تبقى ند ليه هيحترمها ويعملها ألف حساب
لكن الحنيه والرقه ....لأ
أسمعي نصحتي ماينفعوش

بس بغض النظر عن النصائح الشريره دي
كلامك جميل جدا
تسلم ايديكي

love is life يقول...

بجد انتى كلماتك فى منتهى الجمال
اسلوبك رائع بسيط لكنه معير جدا
تسلمى بجد عليه
وربنا يعوضك خير

Ramy يقول...

و بالرغم غيابى

لازلتى كما انتى متألقه دائما

ياه لما الواحد يقعد مع نفسه كده

و يفتكر قد ايه حبه ضاع برغم كل مشاعرة الحقيقية

اللى كانت جواه

تسلم ايدك يا ساسو

FAW يقول...

جميله كالعاده :)

محمد التركى يقول...

السلامو عليكم

ساسو ياأختى العزيزه

يابنتى اتنى مش قولتى البوست اللى فات ان البوست اللى جاى هيبقى مش نكد وخفيف وكده

ايه بقى وجعتى قلبى معاكى

بس بصراحه تسلمى ويسلم قلبك
وقلمك
بجد أنتى شاعره جميله
بتكتبى بأحساس عالى قوى
يارب اشوفك شاعره قد الدنيا

عجبنى قوووووى

وايه حصل مني

علشان يبعد عني

ويخلي الدمعه

توجع عيني ونني
اكمني صارحته بالحقيقه
وكنت معاه الهاديه البريئه
وعاملته بمشاعري الرقيقه
خفت عليه من الهوا
وحميته واحنا سوا
واديته اجمل احساس
ومن حبي كمان ارتوا


ايه الاحساس ده

تسلمى ياساسو يابنت بلدى ياغاليه

يارب يبعد عنك الاحزان ويقرب منك الفرح

تحياتى لأجمل شاعره على عرش البلوجر

محمـــد التركـــى

BNT ELISLAM يقول...

احساس جميل وكلمات رائعه
واحلى مافى انه يمس القلب
تقبل مرورى

karmen يقول...

جميلة اوي ياساسو احساس روعة واسلوب جميل
نهاية خطيرةواجمل جملة
يارتني ما اتعرفت عليه
جميلة جدا ساسو
تسلم ايدكاسمحيلي ابقي من متابعينك واضيف مدونتك عندي
خالص احترامي
¥k¥

يوميات شحات يقول...

شعر حلو

خواطري مع الحياة يقول...

السلام عليكم
ربنا لايوفقة ولايعرف طريقة
والله انه بلا احساس ومايستاهل منك دمعة
الي نسانا ننسيه
ربنا ينور طريقك ويبعد عنك هذا الشاب
ويعوضك باحسن واحلى واجمل وارق منه
تقبلي مروري ياعسولة
صح مقلتيليش
ازيك ياحلى وارق واجمل صديقة
سلامي ليكي.

جايدا العزيزي يقول...

الله الله يافنان

دايما الحب بيعذبنا

ويحيرنا ويتعب قلوبنا

خاطرة رائعه

اشكرك

تحياتى

جايدا العزيزي يقول...

حلوووووووووه اووووووووى ساسو

يسلم احساسك

اشكرك

تحياتى

الــحــــنـــــــــــــــــــين يقول...

حلو يا ساسو وحزين جيتى على الجرح بكلامك ده تحياتى ليكى ياساسو وديما مبدعه بافكار جديده

يمين فى يمين يقول...

انا سعيد ان انا او ل تعليق

اية ياكبير الكلام دا

بجد برافو

وعلى فكرة حسسنى انو مش انسان اجمل تعبير فى البوست


تحياتى الى امبراطولية الخيال الحزين

ودى واحترامى

الازهرى يقول...

مش عارف أنا أول تعليق ولا لأ
بس يمكن ؟

الكلمات ميلة وفيها الكثير من المعانى المتناسقة

تحياتى دوما

mrmr يقول...

وايه حصل مني علشان يبعد عني
ويخلي الدمعه توجع عيني ونني

( ذنبى فى حبك انى بحبك ليه وحدى احبك وانت لا ) ( اغنيه صباح لا )

واديته اجمل احساس
ومن حبي كمان ارتوا
نيمته جوه عيوني
ضللت عليه بالرموش

قمه الحب والاحتواء
كلماتك جميله يا ساسو
سلمت يداكى
فقد اعجبت بها حقا

اقدم عاصمه فى الحب يقول...

السلام عليكم

عندما يخرج الكلام من القلب يصل الى القلب سريعا
فحقا احسست كلامك لدرجه كبيره
.
وعلى فكره
كتير ادخل هنا ومش بعلق اكتفى بالزياره لمجرد ان وقتى ضيق مش بلحق اعلق عند كل الناس والله
وعموما
كنت هنا اليوم :)

كلام من قلبي يقول...

كلماتك معبرة واحساسك رائع
تسلمك ايدك
تحياتي

Asbany يقول...

إزيك ساسو ؟

كلماتك جميلة، أحس فيها بطيبة وبراءة الأنثى
إنتى مبدعة فى إظهار الجانب ده من الإنثى، أعتقد هو تعبير عن شخصيتك برده

تحياتى الغالية،،

الــحــــنـــــــــــــــــــين يقول...

ساسو مش باينه ليه لعله خير

القصيده اسمها قعدت لوحدى صحيح بس حنا عايز نطمن عليكى

Amr Essam يقول...

زرت مدونتك بمحض مصادفة و أعجبنى ما قرأت هنا من محاولاتك الزجلية .. واسمحي لى أن أناقش موضوعكِ هذا فى إطار العمل الأدبى
الفكرة فى حد ذاتها ليست بالجديدة وهى فكرة إبتعداد المحب عن (الآخر) ومعاناته من أشواقه ومشاعره .. ولكنكِ إستطعتِ بكلماتكِ البسيطة والتلقائية أن تضيفي على الفكرة طابعاً جميلاً محبباً ..
معالجتك الأدبية للفكرة جيدة إلى حد ما فقط تحتاجين إلى الإهتمام كثيراً باللغة وتلافى الأخطاء اللغوية والإملائية .. ونصيحتي لكِ الا تحصرين أفكارك فى البحث عن كلمات لها نفس القافيه فى نهاية كل جزء ..
سعيد بزيارة مدونتك وأعدكِ بتكرار الزيارة إن شاء الله .. تقبلي مرورى!

Dr/ walaa salah يقول...

يارتني ما اتعرفت عليه

ولا عيوني ندهت عليه

ولا قلبي قربته منه

وبقي لعبه في ايديه




(ياريتني) كلمة صعبه اوي يا ساسو لانها بتحسسنا بالعجز


كلماتك جميله اوي يا ساسو وانا بموت فيها لانها طبيعيه اوي


في انتظار جديدك يا حبيبتي

اميرات الاسرار يقول...

السلام عليكم

والله وحشتنى اشعارك جدا اللى بحبها اوى دى

جميله اوى كلماتك والله

تسلم ايديكى
زهراء

خواطري مع الحياة يقول...

السلام عليكم
سوسو فينك غايبة عنا
اخبارك ياعسولة
يارب تكوني بخير وصحة وسلامة
قلقتيني عليك
طمنيني عليك
سلامي لاجمل واحلى سوسو
طمنيني عليك