Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

قلبي يا مسكين


ازاي بعد قلبي ما اتظلم

جاي تقولي استحمل...

جاي ومعاك ليا ألم

وازاي اوافق أكمل

ازاي علي نفسي ارضي

احب حد خدع فيا

عاملني بطريقه

في منتهي الانانيه

كنت بوهم نفسي

بحب منه كتير

كان واصفلي حبنا

زي الفراش بيطير

يطلع للسحاب

ويغيروا العاشقين

اتاريه ناوي ع العذاب

وعيونه كمان كدابين

كان لما يبص لعنيا

ميهمنيش ايه فيا مجروح

اتاريني في ايديه ضحيه

وباقيلي ثواني وأروح

أروح مع اللي راحوا

وقال كنت عايشه في حب

ازاي عيوني يرتاحوا

وتعبان بزياده القلب

ازاي أبدأ مشواري

بموت لروحي وقلبي

وليه أقبل ناري

قويني ياربي

متنزليش يا دموعي

انت غاليه أوي

خلاص هقتل خضوعي

وضعفي بزياده أوي

هغير من طريقتي

الحنونه البريئه

هتعلم ابقي انسانه

عنديه وجريئه

اعرف اواجه ظلمي

وارفض انكساري

ابتدي أقول لأ

بعزيمتي واصراري

اكون اقوي من الزمن

واقوي من الايام

ابيع المخادع وانتصر

وكفايه بقي استسلام

72 التعليقات:

يوميات شحات يقول...

تقبل مروري

Ramy يقول...

طبعا صعب نقبل الجفا

إلا بكده

بعد ما كان الحب هو هديتى

قابلنى هو بخداع قلبى و محبتى

رائعة كالمعتاد يا ساسو

(:

تويتي فلسطين يقول...

مرحبا

شو الجمال ده كلو والاشعار الرائعه

تحياتي

محمود(باحث عن حب) يقول...

قويني ياربي


متنزليش يا دموعي


انت غاليه أوي


خلاص هقتل خضوعي


وضعفي بزياده أوي


هغير من طريقتي


الحنونه البريئه


هتعلم ابقي انسانه


عنديه وجريئه

كلماتك
رائعه
وجميله
ساسو

momken يقول...

سيدتى

ربما اجمل ما فى الحب كبريائه وتحكمه وسيطرته على المحبين

وربما اجمل ما يغرى فى الحب فى استسلمنا التام له ونجعله يفعل فينا ما يشاء

ومهما اخطأ نحبه وولا نستطيع العيش دونه

جميل ان نلمم شتات انفسنا
ولكن الاجمل ان نحسن الاختيار ونسلم له رقابنا


تحياتى

بــــ الخطاب ــن يقول...

كلمات رقيقة ومنكسره
جميلة جدا القصيده ومعبره
ماعرفش هيا فين من الواقع
بس لو فيها من الواقع فا إن شاء الله تقدرى تتخطى صعابك وتتحدى انكسارك
تحياتى

سندباد يقول...

القلب المسكين خلاص مبقاش مسكين حس بظلمه ويناوي يتمرد
احسنتي وابدعتي كاعادة
تحياتي

كلام من قلبي يقول...

كلامك صعب اوي
مفيش اصعب من جرح الحبيب
طمنيني عليكي
تحياتي

أحــوال الهـوي يقول...

من يتعلم من تجاربه هو القوي
من يتغلب علي ضعفه فهو القادر

من يبغض الحبيب و لا يبغض الحب فهو الفائز بكل جوائز السعادة و الهناء

تحياتي

خابت بك ظنوني يقول...

عندك حق يا ساسو

كفاية فعلا استسلام

لكن برده مش صح إننا نغير من طبيعتنا إلا لو كانت وحشة فعلا

لكن لازم يكون عندنا حذر

ومنتظرةبئى قصيدة فرايحي كدا الله يكرمك

اسعدك الله في الدارين يا ساسو

الحب الجميل يقول...

يا سلام على الكلام يا ساسو هانم
بوست يجنن بجد
اواجه ظلمي وارفض انكساري ابتدي أقول لأ بعزيمتي واصراري اكون اقوي من الزمن واقوي من الايام
حلو تسلم ايدك يا قمر

karmen يقول...

كلمات قوية جدا
في منتهي الحزم
والحزن
حماسك وانتي بتكتبي حسيته بوضوح
حسيت اد ايه الجرح بيولد جوانا دوافع اكبر وثقة اكبر
تسلم ايدك ساسو
تحياتي
¥k¥

عمرو يسرى يقول...

جميله جدا

شيرين سامي يقول...

كلم جميل تحياتي لك

محمد التركى يقول...

السلامو عليكم


ساسو يااختى وصدقتى العزيزه

قلبى يا مسكين
ياخبر ابيض
ياه يابنتى ده
بجد انتى حاجه كده وتركيبه مش قادر اوصل ليها
بجد فنانه فنانه قوى كمان

شاعره البلوجر ياست ساسو
يارب تكونى بخير يارب
بجد بتوحشنى قوى مدونتك
بس سامحينى اليومين دول


تحياتى لقلمك الجميل
وقلبك الطيب الرقيق


محمـــد التركـــى

خواطري مع الحياة يقول...

السلام عليكم
ازيك ياسوسو
كلامك فيه جرح كبير سوسو لو كانت هذه الخاطرة كلام بس
تبقى جملية وروعة
لكن لو كان هذا حالك الايام هذه
ربنا يبعد عنك الحزن والظلم والعذاب ويفرحك سوسو عيش الحياة الي ميحبكش لاتحبيه خليك قوية وعيشي
ربنا يوفقك وسعدك ويبعد عنك الحزن
سلامي لاجمل واحلى بنوتة.

BNT ELISLAM يقول...

ايه الجمال ده
وايه الاحساس ده


بس تعرفى فكرتينى بلحظه كنت زيك فيها والضعف عندى وه وهو اللى خلانى عيشه دلوقتى
ربنا معاكى
ويقويكى

mrmr يقول...

وكفايه بقي استسلام
ده اهم شئ لازم نقدم عليه

خاطره جميله يا ساسو

جايدا العزيزي يقول...

رائعه غاليتى

دمتى دائما متالقه

اشكرك

تحياتى

well يقول...

"زي الفراش بيطير"

اصل الفراش بيموت

كفاية استسلام .. وسلام

تحياتى

يمين فى يمين يقول...

يسعدنى انى اكون صاحب اول تعليق على البوست الجميل دا

اكتر حاجة عجبانى ( اقوى من الايام)

تعبير جميل مايوصلوش غير انسان موهوب

بجد البوست دا كلماتو جميلة ياساسو

تحياتى ليكى

ودى واحترامى الى امبراطورة الخيال الحزين

محمود(باحث عن حب) يقول...

أخبار ك ايه
سعيد جدا بحضورك ودخولك مره اخري

أتنين حبيبين يقول...

وحشششششتينى ياقمر

يعنى لو مش اسئل عنك مش تسئلى لالالا زعلانه

بس والله ليكى وحشه كبيره اوووووووووى
ومفتقده كتباتك الرائعه
يارب تكونى بخير ويطمنى عليكى مبسوطه انى هنا
معلهشى راجعه من غياب كبير
قلت اسلم على اصدقائى الغالين

تحياتى
توتا

Dr/ walaa salah يقول...

كلماتك رقيقه يا ساسو لكن اجمل ما فيها انها تحمل في طياتها عزيمه واصرار على مواجهه ما يقابله القلب من صدمات


اشكرك حبيبتي

محمد التركى يقول...

انتى يابنتى فين
ايه بس الحكايه ينفع الغيبه ديه
طيب انا مش عارف بجد اقولك ايه
طيب طمنينى عليكى

طيب لو ينفع نطمن على بعض
ارجوكى سبيلى الاميل بتاعك او اى وسيله اتصال مباشر بيكى
ممكن
ولو مش هينفع يبقى ارجوكى طمنينى عليكى برضو باى طريقه بقى
خلاص
خلى بالك على نفسك

Tarkieb يقول...

حسدوكي يا ساسو ...يالا شوية الكلام دول اكيد عشان يضيعو العين..صح؟ عيني في عينك ههههههههههه؟...حلوة بس مش مصدقك هههههههه

ساسو يقول...

صديقي ( يوميات شحات)
مرورك اسعدني جدا
وزاد للمدونه نور
تحياتي

ساسو يقول...

صديقي رامي
نورتني كتير يا رامي
وبجد وجودك بيفرحني جدا
دمت بكل خير

ساسو يقول...

حبيبتي ( تويتي فلسطين)
مرحبا بيكي يا جميله
دا بس من زوقك ورقتك
ربي يخليكي ليا يا عسوله

ساسو يقول...

صديقي محمود ( باحث عن حب )
مرورك الاجمل بجد يا حموده
ربي يبارك فيك

اميرات الاسرار يقول...

الله جميله اوى
ومش لازم تستسلمى لان اللى خدعك مرة اكيد هيخدعك تانى

بجد كلماتك جميييييييييله اوى اوى

سلمت يمناكى
مستنينك فى التوبيك الجديد

زهراء

مدونة الأمل يقول...

كلمات رقيقة ومنكسره
جميلة جدا القصيده ومعبره

تقبل مروري

florieda يقول...

كلماتك طبعا جميلة ووصلتلى جداا
بس نفسي بقى كفاية حزن

ساسو يقول...

صديقي momken
الحب جميل
وهو متعه الحياه
برغم عذابه ولوعته
وزي ما انت قولت منقدرش نعيش من غيره

بجد نورني مرورك جدا
وكلماتك الجميله اسعدتني
ربي يبارك فيك

ساسو يقول...

صديقي بــــ الخطاب ــن
القهره والانكسار اصبحوا وسيله باستخدمها في كل شئ
الحزن سيطر علي حياتي
بس الحمد لله

مرورك الرقيق فرحني كتير
وبجد نورتني

ساسو يقول...

صديقي سندباد
القلب المسكين صدقني يئس من كل حاجه

نورتني جدا يا سندباد التدوين
وبجد بفرح بكلماتك جدا

خواطري مع الحياة يقول...

سوسو حبييبتي
طمنيني عليك كل هذه غيبة وهنا عليك اسبوع تغيبي فيه
طيب طمنيني برساله حتى على الميل
ولو بكلمك
لو زعلانة مني قولي لي وانا هصلاحك
مش ممكن اجلس والقمر زعلان مني
سلامي لاجمل وارق سوسو.

يمين فى يمين يقول...

ساسو

فينك وحشتنى تعليقاتك

اتمنى تكونى كويسة ويارب تكونى بخير

وانا مستنى موضوعك الجديد

ودى واحترامى الى امبراطورة الخيال الحزين

حـــــــــــب الملائكه يقول...

سلام عليكم ............
عودة الجزاااااااااار F
طمنينى عليكى الاول ؟
انا مش معلق لانك خلاص عدت معاكى بقيتى حاجه من الصعب انى اعلق عليها مع انى معروف بالجزااار بس ايام الكورة في الملعب
يلا مش هاطول عليكى
انا راجع واللى خايف يروح ويستغطى
سلام FATHY
عودة الجزااااااااااااار F
......................

أسمعنى شكراًً يقول...

جاي تقولي استحمل...


جاي ومعاك ليا ألم


وازاي اوافق أكمل


ازاي علي نفسي ارضي


احب حد خدع فيا


عاملني بطريقه


في منتهي الانانيه

بجد كلمة صعبة فى أحساسها متعبة فى معناها

أسف انى بقالى كتير مش بمر من هنا بس الظروف وحشة شوية
ودايما الأغنية تكسب
وكلماتك هى روح الأغنية المتميزة

ساسو يقول...

حبيبتي ( كلام من قلبي )
انا بخير يا جميله
بجد نورني مرورك الرقيق
دمتي بود

ساسو يقول...

استاذي وصديقي ( احوال الهوي )
كلامك كله بيريح قلبي
وبيسعدني
ربي يبارك فيك
نورتني جدا يا استاذي
في رعايه الرحمن

ساسو يقول...

حبيبتي ( خابت بك ظنو ني )
ان شاء الله يا جميله هحاول اكتب حاجه فيها ولو شويه من الفرح

مرسي يا حبيبتي
نورتيني جدا
دمتي بكل خير

ساسو يقول...

حبيبتي ( الحب الجميل )
انتي الاجمل يا قمرايا
ربي يخليكي ليا
بجد بفرح جدا بمرورك الرقيق
تحياتي

ساسو يقول...

حبيبتي كارمن
مرسي يا عسوله
بجد انتي زوق اوي
وبجد نورتيني اوي
ويفرح بوجودك في المدونه
دمتي بود

ساسو يقول...

صديقي عمرو يسري
مرسي جدا
مرورك الاجمل بجد

ساسو يقول...

حبيبتي شيرين سامي
انتي الاجمل والارق يا سكره
نورتي المدونه كلها

ساسو يقول...

صديقي محمد التركي
وعليكم السلام

بجد انا فرحانه جدا بكلماتك
ومجملتك الرقيقه
بجد كتير عليا
ربي يخليك

ومرسي كتير لسؤالك عني
بجد ظروفي وحشه اوي دلوقتي
شويه تعبانه
بس علي أد ما اقدر بحاول مش اغيب علي اجمل اصحاب

ربي يبارك فيك
ومرسي تاني
بجد انت زوووووووق جدا

ساسو يقول...

حبيبتي رشا ( خواطري مع الحياه )
انتي اللي اجمل واحلي واطعم وارق رشروشه في الوجود
ربي يخليكي ليا يا عسوله
بجد وجودك في مدونتي له شكل تاني

ساسو يقول...

حبيبتي ( بنت الاسلام )
الجمال كله جمالك يا سكره
ربنا يبعد عنك الحزن
وايامك كلها تبقي سعاده وحب
نورتيني يا قمرايا

ساسو يقول...

حبيبتي مرمر
انتي اللي جميله يا مرموره
ومرورك جميل جدا
ربي يبارك فيكي

ساسو يقول...

حبيبتي جايدا العزيزي
مرسي يا حبيبتي
ربي يخليكي ليا
وبجد بفرح جدا بمرورك السكر دا

ساسو يقول...

صديقي well
نورتني جدا جدا
وبجد بفرح جدا بمرورك
دمت بود

ساسو يقول...

صديقي احمد ( يمين في يمين )
انت اللي موهوب يا حماده
مرسي كتير لزوقك
وبجد نورت المدونه كلها

ومرسي كتير لزوقك وسؤالك عني
ربي يخليك
كنت بس تعبانه شويه
بس خلاص الحمدلله
وانا مقدرش اغيب عنكم
انتوا ارق اصحاب في الوجود

ساسو يقول...

صديقي محمود ( باحث عن حب )
انا تمام الحمدلله
مرسي جدا ياحموده لسؤالك الجميل عني
ربي يبارك فيك

ساسو يقول...

حبيبتي توتا ( اتنين حبيبين )
انتي وحشتيني اكتر يا سكره
وبجد في بالي دايما
بس ظروفي الفتره اللي فاتت دي كانت وحشه اوي
انا مقدرش ابدا علي زعل الجميل

ساسو يقول...

حبيبتي Dr/ walaa salah
بجد انتي اللي جميله وسكره كمان
نورتيني جدا يا ارق انسانه
ربي يخليكي ليا

ساسو يقول...

صديقي تركيب
ههههههههه
والله انت عسول اوي يا تيكو
نورتني جدا جدا
وبجد كلماتك بتسعد قلبي

ساسو يقول...

حبيبتي زهراء ( اميرات الاسرار )
عندك حق يا سكره
بجد انتي جميله اوي
وانا بحبك اوي
وبفرح بمرورك اوي اوي
دمتي بكل خير

eng_semsem يقول...

اوكى انا معاك انك ما تصبريش على الظلم والغدر بس ليه تبقي عنديه بيعي اللي بايعك برخص التراب بس ده مش معناها ان كل الناس زيه قابلتي الوحش وده من سوء حظك بكره ربنا يكرمك بالاحسن ليك واللي يعرف يقدرك ويحميك
تقبلي تحياتي

هـــرشــــه دمــااااااااغ "3mr wa2el " يقول...

كفايه بقى استسلام
ساعات لما الجرح بيجي من اقرب حد كنت ممكن متتخيلش انه يجرحك اصلا في يوم من الايام بيبقى الجرح له معني بجد

الشاعر الفنان أحمد فتحى فؤاد يقول...

كفاية بقى إستسلام

هو ده اللى لازم يكون أول ما نحس إننا بننجرح

و هو ده خلاصة القول

دائما كلامك جميل

دمتى بخير

تحياتى

ساسو يقول...

صديقي ( مدونه الامل )
مرورك الاجمل والاحلي
ربي يخليك
نورتني جدا جدا

ساسو يقول...

حبيبتي florieda
صدقيني يا سكره بحاول اقلل من حزني بس مش بايدي
انتي اللي جميله
ومرورك جميل

ساسو يقول...

حبيبتي رشا
بجد بعدكم علي عيني
مقدرش اغيب عنكوا
بس اعمل ايه
ما باليد حيله
بس بحاول علي اد ما اقدر اني ارجع من جديد

مرسي يا حبيبتي علي سؤالك الرقيق
يارب ما يحرمني منك ابدا

ساسو يقول...

صديقي فتحي ( حب الملايكه )
حمدالله علي سلامتك
ونورت المدونه من جديد
انا بخير الحمدلله
وبجد مرورك بيسعدني جدا
ومرسي كتير لزوقك
ومجاملتك الرقيقه

ساسو يقول...

صديقي (أسمعني شكرا )
نورتني جدا من جديد
وحمدالله علي سلامتك
ورجوعك اسعدني جدا
مرسي كتير لزوقك
ويارب تتحسن ظروفك
وتبقي اسعد الناس

Tamer Nabil يقول...

ازيك ساسو

اخبارك اية


كلمات رائع

والجرح مهما يكون صعب

تكون فترة ومع الوقت يطيب

مع خالص تحياتى

الازهرى يقول...

الجرح الذى يأتى من الحب يكون أقوى وأعمق لأنه يأتى من حيث يرتجى الأمان

تحياتى دوما

موجة يقول...

انا متشكر لسءؤالك
واسف على غيابي
ابيات رائعة كالعادة
خالص تحياتي
موجة

الــحــــنـــــــــــــــــــين يقول...

جميله منكاوى يا ساسو بجد اسف ع التاخير فى التعليق

سواح في ملك الله- يقول...

ثورة عاشقة

اخسنتي ياساسوا

تحياتي