Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

اجيب منين الدوا


أجيب منين الدوا

حزينه والله يا عيني

يامراكب الهوا

لفين هتوديني

يامرسال المحبه

مش بتدق ليه بابي

اسقيني من العشق حبه

أنسي بيهم عذابي

ياسفينه غرام

ماشيه في بحر الشوق

اديني ولو جرام

حب علشان أدوق

يادنيا يللي معنداني

ياحظي يا قليل

اشمعني قلبي وحداني

تايه بين سواد الليل

قلبي اللي شال هموم

ميستحملهاش بشر

انضرب بخنجر مسنون

والوجع فيه انتشر

يوماتي تنزف يا قلبي

وليه أجيب علاجك...

ماخلاص اتقتل فيك حبي

وخنجر مين اللي صابك

عيش ياقلبي واندبح

وانتي ياعيني دمعي

خلاص موافقه أنجرح

ومش هقول يا حنيه ارجعي

63 التعليقات:

Dr/ walaa salah يقول...

ساسو يا ارق ساسو ايه الكلام العسل ده

عجبني اوي الجزء ده

قلبي اللي شال هموم

ميستحملهاش بشر

انضرب بخنجر مسنون

والوجع فيه انتشر



روووعه يا ساسو بجد

ربنا يبعد عنك اي وجع يا حبيبتي

منتظره جديدك يا قمر

جايدا العزيزي يقول...

ساسو

حلوووووووه اووووووووى الخاطرة

تسلم ايديكى

تحياتى

باحث عن حب يقول...

ساسو
الدنيا لسه حلوه
شويه تفائل

باحث عن حب يقول...

لازم حزن وألم
الحب اجمل ما
فيه الشجن
بس شويه
فرح

أحــوال الهـوي يقول...

اسجل حضوري
اعجابي
و اعتراضي

اعجابي بسياق و حلاوة الكلمات
واعتراضي الدائم علي الحزن الدفين و التشائم المستمر

يا بنيتي الحياة لم تفتح لك يديها بعد لتري حنانها و حبها

تحياتي

باحث عن حب يقول...

ليه بس الصوره دي دم
واللي قبليها
قلب مجروح
وانا ياساسو
كنت باعتقد
انك عايشه حب
بدون اسقاطات
ارجوكي
شويه تفائل

باحث عن حب يقول...

يارب يوفقك يارب
ويكرمك
بمن يستحقك

سندباد يقول...

الدوا عند من نحبهم وهما في حياتهم سائرون مستمتعون ساهون
ونحن نتعذب بمفردنا في كل لحظة
احسنتي كالعادة
تحياتي

ツSmiLeY AnGeLツ يقول...

السلام عليكم
ازيك ياسكرة انتي
ربنا يبعد عنك الخنجر المسنون وتعيشي اجلل لحظات عمرك كل يوم كل دقيقة كل تانية كل جزء من الثانية
خاطرة تحفة
ربنا يوفقك ومتزعليش من اي شي اهم شي انتي تكوني مبسوطة ياسكرة
سلامي ياراق بنوتة

Tarkieb يقول...

مال لونك حازيني يافسواني....حلوة اوووووي بس حزينة ....ربنا يقلل احزانك

Mostafa Ali يقول...

مساء الورد ساسو

كلمات جميلة،
وإحساسك رائع فى الأبيات

بس سؤال، إزاى مش لاقية دوا ؟
أكيد فى أى صيدلية عشق وغرام
هههههههه

بالتوفيق دائما،،

همسات وبحــ الحياه ــر يقول...

اول تعليق

همسات وبحــ الحياه ــر يقول...

طيب مش اول تعليق اوى

بس هروح اقرا واجى

همسات وبحــ الحياه ــر يقول...

يابت بتجيبى الكلام الجميل دا منين خافى على نفسك بقة لاحسدك ههههه

beautiful mind يقول...

ساسو
ازيك
دايما متالقه كعادتك
احساسك بالكلمات جميل اوي
بس يارب ميكونش حقيقه
تسلم ايدك
تحياتي

ساسو يقول...

حبيبتي الرقيقه Dr/ walaa salah
والله ما عسل غيرك يا حبيبه قلبي

يا جميل بجد انا طايره من الفرحه بمرورك
وكمان ان كلماتي بتعجبك
ربي يبارك فيكي يا ارق عسوله

ساسو يقول...

حبيبتي جايدا العزيزي
بجد انتي الاحلي
مرسي يا قمرايه كتير

ساسو يقول...

صديقي محمود (باحث عن حب )
أه ياحموده الدنيا حلوه بس ساعات بتيجي بزياده علي القلب الطيب
بجد الصوره دي انا حساها اوي
وهي منطبقه جدا مع الكلمات
خلاص يا حموده اوعدك اللي جاي هيبقي في شويه تفاؤل

بجد مرورك بيسعد قلبي كتييير
في رعايه الرحمن

ساسو يقول...

صديقي ( أحوال الهوي )
بجد نفسي اكتب حاجه مفرحه
بس اعمل ايه مودي كده دايما مايل للحزن
انا لسه صغيره
بكره الدنيا تضحكلي
مفيش حد بيفضل حزين طول العمر

دايما كلماتك لها رونق متميز
وبجد بتريح جدا
دمت بود

ساسو يقول...

صديقي سندباد
الفرح بيبقي جامع الكل
لكن الحزن والجرح بيبقي مالك صاحبه وبس

ربي يخليك يا سندباد التدوين
وتنورني دايما

ساسو يقول...

حبيبتي رشا ( خواطري مع الحياه )
وعليكم السلام
بعد كلامك الجميل دا الزعل كله يرووووووح
بحبك أوي يا رشروشه يا سكره

mrmr يقول...

ايه الكلام الجميل ده
نفسى اعرف بس من هو ملهم كلماتك
ياسلام يا ساسو

قلبي اللي شال هموم
ميستحملهاش بشر
انضرب بخنجر مسنون
والوجع فيه انتشر

جميله يا ساسو
ربنا يسعد قلبك يا غاليتى

FAW يقول...

جميلة قوي
هم البنات كلهم بيخروا مشاعر وأحاسيس كده . . !!!
بس روقي شوية مش كده . .

well يقول...

وليه توافقى تنجرحى ...

..(يامراكب الهوا

لفين هتوديني )

لفين ياساسو ده مشوارها طويل ..

تحياتى لمشاعرك الجميلة

داليـ ـ ـ ـ ـ ـ ــــا يقول...

يامرسال المحبه

مش بتدق ليه بابي

اسقيني من العشق حبه

أنسي بيهم عذابي

رهيبه ياساسو
احلا مافى كلامك البساطه وسهل النطق ويوصل للقلب بسرعه

ساسو يقول...

صديقي ( تركيب )
فينك يا تيكو من زمان
بجد رجوعك فرح قلبي جدا
وياريت متغبش تاني

مش عارفه ليه الحزن بقي وسيلتي
اداه بستخدمها في كل حاجه
حتي لو امن جوايا مش حزين
خلاص ياتيكو اوعدك هقلل الاحزان شويه

دمت بكل خير

ساسو يقول...

صديقي أسباني
مساء السكر

بجد أنا مجيش حاجه في رقه احساسك وروعه كلماتك انت فنان

هههههه
والله عسل يا اسباني
خلاص هأروح الصيدليه بس قوللي عنوانها

ربي يبارك فيك

ساسو يقول...

حبيبه قلبي ( همسات وبحر حنان )
ياسلام انا اطول ان حبيبتي الرقيقه تحسدني
بجد انا بفرح جدا لما كلماتي بتعجبك يا سكره التدوين

ساسو يقول...

صديقي (beautiful mind)
انا بخير الحمد لله
مرسي كتير لزوقك
وبجد مرورك اسعدني جدا
ونورتني جدا جدا
ويارب دايما
في رعايه الرحمن

ساسو يقول...

حبيبتي مرمر
الجمال كله جمالك يا عسوله
بتنوريني جدا يا مرمروه قلبي
مرسي يا عسوله كتير
بحبك اوي

ساسو يقول...

صديقي مصطفي (FAW )
بجد انت اللي كلماتك جميله ومدونتك رقيقه ودمك زي العسل
انا بعد التعليقات الجميله دي ومش عايزني أروق
ربي يخليك

ساسو يقول...

صديقي well
نورتني جدا جدا جدا
وبجد مرورك بيسعدني أوي
اه والله مشوارها طويل ومتعب جدا
بس نستحمل بقي
دمت في رعايه الرحمن

ساسو يقول...

حبيبه قلبي داليا
مرسي يا حبيبتي
بجد انتي اللي جميله وعسوله أوي
وبجد بتنوري المدونه والعالم كله

غير معرف يقول...

مش محتاجة دوا
لانك لسا فى مقبل عمرك
دعى الحزن جانبا
وانظرى للأشياء الجميله
من حولك
جميلة دايما يا ساسو
ربنا يفرح قلبك يا حبى

عمرو يسرى يقول...

كل الجروح بتنسى مع الوقت
جميله جدا
تسلم الايادى

ساسو يقول...

حبي الجميل
انتي الاجمل يا حبيبتي
يارب
مرسي كتير علي الدعوايه الرقيقه
من ارق حب جميل في الوجود

ساسو يقول...

صديقي عمرو يسري
ان شاء الله
نورتني جدا ياعمرو
ومرسي كتير لزوقك

محمد التركى يقول...

السلامو عليكم

أختى الغاليه
ساسو

أيه ده هو فى ايه
أنتى نزلتى البوستات ديه امتى
هو أنا كانت فين
حسيت أنى كان عندى غيبوبه سكر ولسه فايق

ذنبى ايه
وحرام يادنيا
وكمان الاقى أجيب منين الدوا

سامحينى ياساسو
بالله عليكى تسمحينى
أنا شغلى مخلينى فى دوامه
بدخل ومش باخد بالى خالص من اللى منزل جديد
حتى الرد على التعليقات عندى باخد وقت
متزعليش منى
أنا عارف أنك زعلانه بس عارف برضو أنك قلب كبير وأبيض زى الفل
وهتسمحينى
صح
صح

سيبك بقى سبينى أعلق بقى على البوست النارى ده
بس خلى بالك انا هعلق على كل اللى فاتنى اوك

أنتى كنت فى البوست من اللى فاتو قولت خلاص رجعت بقى بالكلام اللى فى حب وأمل وخلاص الحزن راح
وقولت هاجى هنا وابعد بقى عن الحزن
وياخساره
ملحقتش أفرح أولا اتصدمت بأنى فاتنى كل البوستات
وثانيآ كلها حزينه
وخنجر وسكينه
بس تصدقى وتؤمنى بالله
أنتى شاعره جامده قوى تسلم ايدك ياساسو
كل كلامك بيخلى الواحد يفكر ويفكر فى حاله
قلبى يالى شايل هموم ميستحملهاش بشر
انضرب بخنجر مسنون والوجع فيه انتشر

تسلم ايدك ياأجمل شاعره فى الدنيا

أوعى بقى تزعلى منى انى اتأخرت سامحينى

أنا هروح بقى أعلق على الروائع الجامده اللى فاتتنى من سوء بختى ومن خبتى

تحياتى لأجمل وأرق وأحلى ساسو
بهديكى أجمل ورده من أجمل بستان لأجمل شاعره على عرش البلوجر

محمـــد التركـــى

ساسو يقول...

صديقي محمد التركي
يااااااااه كلامك الجميل دا كله كتير عليا اوي
بجد ببقي في منتهي السعاده وانا بقراه
وبجد اخجلتني ومش عارفه ارد اقول ايه

بجد دا شكر كتير جدا ومجامله كبيره اوي
وشهاده من فنان اعتز بيها جدا

بس انا كنت فكراك نستني
قولت لأ بقي لازم اروح افكره
وبجد جيت ونورت المكان
ربي يبارك فيك
(أجمل شاعره علي عرش البلوجر)
بجد دا كتير عليا
ربي يبارك فيك يافنان يا عظيم

شوية قهوة يقول...

كلامك حلو اوي
وحشتيني انتي فين
طمنيني عليكي

ساسو يقول...

حبيبتي ( كلام من قلبي )
مفيش احلي منك يا عسوله
وانتي وحشاني كتير اوي
بس انتي اللي فينك
بتغيبي عني ليه

admin يقول...

إحساس مرهف راق..

كنت هنا مستمتعا..

أحمد زاهر يقول...

جميل جدا يا ساسو
تسلم الأيادى
تحياتى

ساسو يقول...

صديقي خالد أبجيك
بجد انا سعيده جدا انك استمتعت في مدونتي
ودايما يارب
وبجد نورني مرورك

ساسو يقول...

صديقي بن الخطاب
مرسي كتير لزوقك
كلماتك الاجمل
دمت بود

يمين فى يمين يقول...

ساسو

انتى حقيقى موهوبة


وبجد كلماتك بتعبر عن معانيها

وليكى لون فى الكتابة خاص بى ساساو

وعجبنى جدا اخر سطر فى البوست دا


تحياتى

ودى واحترامى الى امبراطورية الخيال الحزين

وعلى فكرة انا اسمى احمد مش حمادة

الــحــــنـــــــــــــــــــين يقول...

عيش ياقلبي واندبح

وانتي ياعيني دمعي

خلاص موافقه أنجرح

مش هقولك جميل عشان مظلمكيش بس مش لاقى حاجه اعبر بيها غير جميل برضوا والله فنانه ياساسو وشكرا على السؤال رب يخليكى تحياتى ليكى

ساسو يقول...

صديقي احمد ( يمين في يمين )
بجد اللقب دا اعتز بيه جدا جدا
وبجد متشكره كتير لزوقك
ومجاملتك الرقيقه
بس بجد دي كتيره عليا
انت تستحقها
علي فكره انا عارفه ان اسمك احمد
بس انا بحب اكتب دلع الاسم
نورتني كتيييييير
تحياتي

ساسو يقول...

صديقي محمد ( الحنين )
حمدالله علي سلامتك
والف سلامه عليك
وبجد انا فرحانه كتير برجوعك بالسلامه
بجد مفيش اجمل من كلامك
انت شاعر فنان جدا
ربي يبارك فيك

BNT ELISLAM يقول...

حلو اوى واحساس جميلا جدا
واحلى مافيه انه من القلب

تقبلى مرورى فى المدونه مليئه الاحاسيس مثل هذه واتمنى ان تقبلى دعوتى لزياره مدونتى

الــحــــنـــــــــــــــــــين يقول...

السلام عليكم انا جى اقدم اعتذار يارب تقبليه منى بس بجد والله انا مكنت بقعد على النت خلاص انا اسف مره تانيه خلاص سماح

well يقول...

فين جديدك .. انتظر


تحياتى

موجة يقول...

كلماااتك روعة الروعة..
كالعادة يعني ههههههههه
انا اسف على الغياب بس والله ظروف وان شاء الله ارجع قريب جداً واحتمال انهاردة ببوست جديد
خالص تحياتي
موجة

Abd-Alrahman يقول...

كل الناس عايشة الايام دي تايهة كدة لية

الدوا موجود والهوا موجود والعشق كمان موجود بس بالطريقة بقي
تعرف تخلي كل حاجة بتتمني وجودك
تحياتي
استمتعت كثيرا بقراءة ما كتبتي من كلمات في غاية الاحساس

تحياتي
دمتي متالقة

ساسو يقول...

حبيبتي ( بنت الاسلام )
مرسي يا سكره لزوقك
ويسعدني اني ازور مدونتك
نورتيني جدا
ويارب دايما يا جميله

ساسو يقول...

صديقي محمد ( الحنين )
وعليكم السلام
يا محمد انا كنت عايزه اطمن عليك
لأن مش بحب اصحابي يغيبوا كده
وبتعتذر ليه بجد احنا اصحاب ومفيش بينا زعل ولا اعتذار
ربي يبارك فيك يا فنان

ساسو يقول...

صديقي well
حالا هأكتب جديد
مرسي كتييييير لاهتمامك
ربي يخليك

ساسو يقول...

صديقي ( موجه )
يااااه اخيرا
حمدلله علي سلامتك
رجوعك من جديد اسعدني جدا
وبجد نورت المدونه كلها
وياريت متغبش تاني

ساسو يقول...

صديقي Abd-Alrahman
ربي يخليك
بجد مرورك بيفرحني جدا
اه هو في راحه كتير في الدنيا
بس مش دايما بتدوم
وبتيجي بس بعد صبر كتييييير
واحنا علينا نستغلها صح
ونخليها ملك ايدينا

دمت بكل خير

عصام الشيمى يقول...

العزيزة والصديقة ساسو
مساؤك معطر بأحلى وأعذب الكلمات ..
الكلام جميل وعجبنى اوى ..
الشطر دة فظيع

قلبي اللي شال هموم

ميستحملهاش بشر

انضرب بخنجر مسنون

والوجع فيه انتشر
......
تقبلى تحياتى

عصام الشيمى يقول...

طبعاً بعتذر كتير على التأخير ..
لكن فيه مشكلة عشان ادخل مدونتك انى لازم اجيب الرابط اللى ارسلتيه وبعدين ادخل ..
ادعوكى لعمل مدونه أخرى على مكتوب هذا مجرد اقتراح ولكى الاختيار ..
تقبلى تحياتى واشكرك على تعليقاتك الجميلة بمدونتى خواطر قلب

ツSmiLeY AnGeLツ يقول...

السلام عليكم
صباح الخير
ازيك ياعسولة
مالك غايبة عننا
والله وحشاني
يارب تكوني بخير
حبيت اطمن عليك
اصلك وحشاني
سلامي ياحلى وارق سوسو بدنيا كلها

الغاردينيا يقول...

مؤثره لكن البوست الاخير اجمل

^^

تحية عطره ودمتي بود