Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

حرام يا دنيا


ليه يا دنيا معايا غبيه

بتذليني ومفتريه

بقيت أول ضحيه

واعلني يالا خبر انتصارك

مفيش قوه ادافع بيها

الدنيا سجناني والبركه فيها

بتحسب كام خطوه بمشيها

وان اتكلمت يقولوا اختيارك

مش بايدي أغير زماني

لكن مسيري أبدل حناني

ولازم اقول الحق

ويبقي علي لساني

وانت ياقلبي خد قرارك

اتظاهر انك شجاع

وحش في الدنيا طماع

ليك صوت وبتتكلم

وكلامك للناس يتزاع

أنا عرفاك ياقلبي خجول

صابر علي الذل وحمول

يائس بس مش بتقول

وايه جزاءك بيتلعب بيك

الناس والدنيا معيشني

في الأه ومخليني

أنام يوماتي وانا ببكي

وفي همي لنفسي بشكي

ولا حد واحد حاسس بحالي

بتقتلني الوحده

وبتحمل ومغلوبه وساكته

ونفسي يرتاح بالي

يادنيا حني عليا و لو ثواني

حرام عليكي دا العمر فاني

ونفسي اعيش متهنيه

اتعرف علي السعاده
وتتعرف عليا

واحس اني انسانه

عايشه علي مبدأ الحنيه

16 التعليقات:

باحث عن حب يقول...

رجعنا لشجن تاني والاسي والحزن بعد الفرح هي الدنيا كده
ربنا يبارك فيكي
كلمات جميله الي الامام دوما

باحث عن حب يقول...

ساسو انتي مش مذلوله انتي صابره والصبر مفتاح الفرج

باحث عن حب يقول...

ساسو
جلال وجمال الكلام لانه طالع من القلب جمال التعبير والاحساس يارب يبارك فيكي

باحث عن حب يقول...

ايوه كده ما تحرمينا من جديدك دائما ودموع قلبك وشجنك ملهاش حل الي الامام دوما

ツSmiLeY AnGeLツ يقول...

السلام عليكم
ليه التشائم ده ياسكرة
انتي الف من تتمنى صحبتك
طنشي كل شي وانتي هترتاحي
سلامي

Unknown يقول...

بجد توبيك ولا اورع يا ساسو يا قلبي

والله يا حبيبة قلبي انتى جايبه اللى

جواياه انا كاتبه توبيك شبه كده هنزلو

قريب بس طبعا مش هيبقى حلو زى بتاع

روح قلبي ساسو ربنا يوفقك يا قمرى

ومستنيه جديدك ..وحشتينى موت

ميرام يقول...

الدنيا حلوة ..
او على الاقل مش وحشة
..
احنا الي بنغير دنيانا وده بجد
بنتعلق بشماعة الحظ والدنيا
عشان منلومش نفسنا ..
(:
ساعات كتير قوي بنبقى محتاجين نبص للامور بمنظور مختلف
(:
وكل الي بييجي من ربنا خير
لازم بجد نثق في كده
تحيتي (:

2alam_Rosas يقول...

صعب اوى الاحساس الحزين دة

كلنا بنحس بكدة فى بعض الاوقات
بس اهم حاجة يا جميل نكمل حياتنا
والضربة الى مش بتموت بتقوى

عيشي حياتك زى ماهى وسيبي الباقى على ربنا
لانك انتى بنفسك قولتى
مش بايدي اغير زمانى 

FAW يقول...

سوري بجد يا ساسو بس أنا إنفجرت ضحك لما قريت أول بيت . . D:

أنا عرفاك ياقلبي خجول

صابر علي الذل وحمول

يائس بس مش بتقول

عجبتني قوي دي . .
تحياتي

Dr/ walaa salah يقول...

ربنا يسعدك يا ساسو ويبعد عنك اي احزان

كلماتك جميله اوي برغم حزنها

حـــــــــــب الملائكه يقول...

احم احم احم
اية يا جماعة انا موجود
عودة(( الجزااااااااااااااار ))
انا مش ناوى اطول خالص لانى
كنت غايب خالص انا كنت تعبان ومشغول
سورى ياساسوووووووو
المهم طمنينى عليكي
مش هاعلق على مدونتك الجميلة
المرة دى ....
باى ....
FATHY
عــــــــودة الجـــــــزار

غير معرف يقول...

حزينه ومؤلمه بس جميله
تسلم ايدك يا ساسو
ربنا يسعد ايامك
وحشتينى
دمتى بخير

سندباد يقول...

دع الاقدار تلعب بنا كما تشاء
ربما يلاقينا علي درب السفر شئ من هناء
وربما نظل هكذا دائما سعداء
والحمد لله علي كل شئ
اعانك واعاننا الله
تحياتي

أحــوال الهـوي يقول...

هو فيه حد يعاند الدنيا
شفتي اللي بيعاندها بتبقي عليه مفتريه

ليه تقسو علي نفسك الطيبه
المتفتحه للحياة
نيجي للنقد الفني
الفكرة جيده و التنفيذ جميل

و تحتاج القليل من اعادة صياغة بعض الكلمات و الجمل لتصل الي حد الامتياز
يتذاع من الاذاعه

انصح لان موهبتك جليه واساعد ابنتي الي حدود الامتياز

تحياتي

أسمعنى شكراًً يقول...

أوعى فى يوم أى شئ يضايقك يأثر عليكى بناتج سلبى حولى تستفيدى وتكتسبى خبرة
من المواقف أللى بتضايقك

محمد التركى يقول...

والنبى ياساسو

أنتى مش واخده بالك من نفسك
والله شاعره ياجدعان
لالالا
انا لزم اقف جنب بنت بلدى
أنا هكلملك وزير الثقافه بذات نفسه
الا ايه انا اعرفه ياعنى
هههههههههههه

تسلم ايدك
وقلبك قبل كل حتى فيكى
يسلم قلبك الحاسس بحال كل المجاريح
يسلم قلمك المعبر عن لسان المظاليم

عجبنى جدآ

أنا عرفاك ياقلبي خجول
صابر علي الذل وحمول
يائس بس مش بتقول
وايه جزاءك بيتلعب بيك
الناس والدنيا معيشني
في الأه ومخليني
أنام يوماتي وانا ببكي
وفي همي لنفسي بشكي
ولا حد واحد حاسس بحالي

ربنا يبعد عنك اليأس والحزن ياساسو
ويجعل قلبك على طول منتصر على الدنيا الغداره

باله عليكى ياشيخه البوست الجاى خليه حاجه كده فيها فرح وأمل
او ايه رايك زكرى لحب غايب عنا

والله انتى لو قلتى ايه
كل كلامك واشعارك جنان ياساسو

تقبلى منى تحياتى لأميره الشعراء على عالم البلوجر

ورده لأجمل لقب كامن جوه ارق واحده

محمـــد التركـــى