Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

زعلان ولا أنا زعلانه


زعلان ولا أنا زعلانه

ندمان ايوه أنا ندمانه

حيره.... وخوف.... عذاب

أكيد إحساس جوانا

معقول قدرت تنسي!

ولا عايش حزين

عارف تبيع وتقسي

وبتجرح قلب مين!

حبيبتك أنا ولا

كنت في يوم وبس

دانا مري معاك اتحلا

ورتني ليه العكس

بحبك ومش قادرة أعيش

من غيرك ولو ثانيه

أؤمر دموعي متجيش

بتيجيني دموع تانيه

لا قادرة ع البعاد

ولا عارفه ازاي اقرب

كرامتي و العناد

بيخلوا حياتي اصعب

يومي لما ابتديه

ملقكش معايا فيه

بيبان عليا حزني

مش بعرف اداريه

اصعب عذاب عرفته

هو بعدي عنك

أنا قلبي لو انت شفته

هيشكي لك منك

بعدت عني ليه

يا أجمل م الغرام

بعدت عني ليه

مش عارفه ازاي أنام

ولا شايفه ازاي حياتي

لما انت مش معايا

صوتي بيمحيه سكاتي

أنا حاسه بالنهاية

بحلم بيك كل ليله

جاي بأحلام جميله

أنا بعدك حاسه اني

تايهه في مشاوير طويله

34 التعليقات:

الاحلام يقول...

جميله ساسو هذه الكلمات والمشاعر كلمات رقيقه نابعه من احساس مرهف من انسانه ذو حس رومانسى جميل تحياتى لكى على كلمتك الجميله سعيد بقراءتها تقبلى تحياتى الاحــــــــــــــلام

ツSmiLeY AnGeLツ يقول...

جميلة الخاطرة
والاجمل ان فيها عتاب للحبيب
ربنا يوفقك يارب ويسعدك
تقبلي مروري ^_^

سندباد يقول...

افضل تعبير فعلا اننا بدون احبابنا بنحس اننا تايهين في مشاوير طويلة وصعبة
احسنتي وسلمت بنات افكارك
لقد استمتعت هنا

Unknown يقول...

بجد والله والله والله حلوة اوى اوى اوى

وعجبتنى اوى وحستها اوى ومش بقول

كده عشان انتى صبحتى ولا مجامله

ليكى بس بجد ده رأي

وحشانى مووووووت ويا ترى زحلانه ليه

بقى يا قمر هو ان اقدر على زعل الجميل

ساسو يقول...

صديقي (الاحلام)
مرسي كتير لزوقك
بجد تعليقك الاجمل
ومرورك الاجمل
ومجاملتك الرقيقه اعتز بيها جدا
نورت الدنيا بجد
تسلم يا جميل

ساسو يقول...

حبيبه قلبي رشا
(خواطري مع الحياه)
الاجمل هو انتي وتعليقك يا حبيبي
تسلميلي يا اموره

ساسو يقول...

صديقي سندباد
الحب بيحسسنا بأمان وراحه دايما
ومن غيره بنفضل تايهين
يارب كل ايامك حب في حب
نورتني يا اجمل سندباد
دمت بكل خير

ساسو يقول...

روح قلبي mena
انتي يا حبيبي لازم تقوللي كده
ولو مقولتيش كده هتنضربي علطول ههههه

لا بجد فرحت كتير بتعليقك
يا اجمل منه عرفتها في حياتي

وسبب زعلي يا بطتي اعرفيه لوحدك
يلا اجننك شويه وادلع عليكي

نورتيني يا منون

Tamer Nabil Moussa يقول...

كلمات جميلة ساسو

تسلمى عليها

يعجبنى دائما اسلوب عرضك لاافكارك


مع خالص تحياتى

ساسو يقول...

صديقي تامر نبيل موسى
تسلم يا جميل علي تعليقك
مرسي كتير
بجد انت زوق اوي
وشرف ليا ان كلامي عجبك
دمت بود

ابراهيم رزق يقول...

جميلة كلماتك

من يستحق مثل هذا الحب

تحياتى لابداعك

Malooka Yousef يقول...

جميلة اوى ياحبيبتى بتعجبنى اشعارك اوى بجد ربنا يوفقك ياجميلة

ساسو يقول...

صديقي ابراهيم رزق
انت الاجمل والله
ربي يخليك
نورت الدنيا بوجودك

ساسو يقول...

حبيبه قلبي Malooka Yousef
تسلميلي يا حبيبي
انتي اللي جميله يا سكره
دا بس من زوقك
ورقه عيونك يا حياتي

لــــ زهــــــراء ــــولا يقول...

"أؤمر دموعي متجيش

بتيجيني دموع تانيه

لا قادرة ع البعاد"
ساسو القمراية ... كلاااام رقيق زيك وفيه كبرياء... الحب لازمله كرامة وكبرياء

ويارب تشوفي الدموع التانية دموع الفرح والسعادة
لولا

Beautiful girl يقول...

كلام جميل

وتعبير اروع

احيكى علية

تحياتى

شريف صابر يقول...

مساء الحب
مشاعرك رقيقه واحساسك عالى وبجد انا سعيد جدا ان دخلت مدونتك واكيد هكون متابع ليكى
اتمنى مزيد من النجاحات والاستمراريه لانك بجد تستاهلى
تحياتى ليكى

د.ريان يقول...

اصعب عذاب عرفته

هو بعدي عنك

أنا قلبي لو انت شفته

هيشكي لك منك

بعدت عني ليه

يا أجمل م الغرام

بعدت عني ليه


صباحكِ ورد وجمال حرف ومعنى ساسو الراقية

ورقيقة جداً كلماتكِ وفيها حروف

الحب بتشرق مثل شمس الصباح

باسعد جداً لما بلاقي إحساس رائع

من قلم راقي مثل قلمكِ

أسعدني الصباح هنا وباتشرف

بكل مرة أزور ركنك ِ الساحر

دمتم بود

ساسو يقول...

حبيبه قلبي اجمل لولا
ربي يخليكي ليا يا بطتي
انت بجد زوق اوي
نورتيني كتير
وبجد بفرح بتعليقك
تسلميلي يا حبيبي

ساسو يقول...

حياه قلبي (Beautiful girl)
انتي الاجمل يا اموره
نورتيني والله
ومرورك فرح قلبي كتير
تسلميلي يا سكره

ساسو يقول...

صديقي شريف صابر
مساء العسل
والله نورت الدنيا
تسلم يارب
دا بس من زوقك يا جميل
وبجد شرف ليا كبير انك تتابعني
مرسي كتير
بجد فرحت اوي بوجودك
دمت بود

ساسو يقول...

صديقي د.ريان
صباحك جميل وكلماتك نغم رقيق
بجد انت زوق جدا
يسلملي كلامك الرقيق
بجد فرحت كتير بيه
نورتني ونورت الدنيا
وبجد الشرف ليا انا
دمت بكل خير

الشاعر الفنان أحمد فتحى فؤاد يقول...

ساسو

إحساسك دائماً جميل

و كلماتك رقيقة فعلا

لكن انتي اقوي و لذلك لا تبقي علي من يبيع

تحياتي لك

nour masr يقول...

ساسو
كلاماتك ساحرة وحروفك نابعة من دموع القمر
هكذا عندما يبكي القمر لا تتساقط منه الدموع بل تتساقط منه نسمات عتاب لا تجرح بل تكتفي بالعتاب ..

كلامات لا اري لها مثيل اقل ما توصف بها انها نقاء الملائكة البشر عندما تبكي كدموع القمر


نور مصر

ساسو يقول...

صديقي الشاعر الفنان أحمد فتحى فؤاد
بجد مرورك الاجمل

مرسي يا اجمل شاعر
دا بس من زوقك

نورت المدونه كلها

ساسو يقول...

صديقي الجميل (nour masr)
بجد انا فرحانه اوي بوجودك في مدونتي
ودا شرف ليا اكيد
وبجد تعليقك رقيق اوي
ومرورك جميل جدا
وبجد نورتني ونورت الدنيا كلها
ودايما يارب
دمت بود يا اجمل نور

Emtiaz Zourob يقول...

حلوة قوي يا ساسو ..

اسعدني مروري واستمتعت بالقراءة..

باحث عن حب يقول...

عدنا
مع
مقاطع الاحزان
من جديد
الدنيا
جمليه
واحلى من
كده
يا
ساسو
المهم
انك
معانا من
جديد

... سعد الحربي ... يقول...

ما شاء الله موضوع رائع

وخاطرة اجمل

دائماً متميزة أختي الرائعة ساسو

الله يوفقكِ ويحفظكِ دائماً ويسعدكِ أيضا.

غير معرف يقول...

مش عارفه ازاي أنام

ولا شايفه ازاي حياتي

لما انت مش معايا

صوتي بيمحيه سكاتي

؛؛
؛
ساسو
للحرف معكِ نغم مختلف وسيمفونية عشق رقيقة جعلتيني أقرأكِ أكثر من مرة
سأكون متابعة لجمالكِ دوماً "

؛؛
؛
لروحك عبق الغاردينيا
كانت هنا
reemaas

Tarkieb يقول...

قلبك ابيض يا ساسو ....مفيش حاجة عن الثورة ؟

شوية قهوة يقول...

جميلة اوي كلماتك
وصعب اوي فراق الحبيب
احساسك رائع
تسلم ايدك

faroukfahmy يقول...

ساسوسامحينى هذه اول مرة ازور مدونتك وساجد فيها نهاية احزانى وألامى

غير معرف يقول...

بجد جميله قوي انا كمان بدور علي بنت نقدر معني الحب والرومانسيه معقول الاقي في الزمن ده