Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

هحبك بس بشروطي


هحبك بس بشروطي

ومراكبك هترسي ع شطوطي

هقول للناس بحبه

وهقولها بعلو صوتي

يا أول حبيب في حياتي

علشانك تبان ضحكاتي

بحبك بكل ما فيا

وهعيشلك عمري الأتي

بس شروطي وافق عليها

وبنود حبي ارضي بيها

خليك معايا واحده واحده

وقصه حبنا نبتديها

عيزاك كده واد رومانسي

من أولها تفهم درسي

خليك معايا في طريقي

مش تمشي في طريق عكسي

نركب سفينه غرام

وهناك يحلي الكلام

وتتوه يا حبيبي في عنيا

م الشوق وم الهيام

وكمان عيزاك حساس

تعيش ع مبدأ الاخلاص

تكون صادق في حبك

مش بتحب وخلاص

وعيزاك تكون غيور

واد كاجول أمور

أشاور عليك للناس

وأقول اجمل عصفور

انت جينتل وشيك

دايما العين عليك

بتديني المحبه

وأنا م الحنان أسقيك

شروطي أه حنينه

وأدي العينه بينه

لما تقرب أكتر

تلقا الهنا عندنا


52 التعليقات:

باحث عن حب يقول...

ساسو
ايه الجمال
د\ه
والله
انتى
فى
الفرح
كلامك
احلى بكتير
من الحزن
بلاش
حزن
بقه
وخليكى
كده
فرحانه
والواد ده
لازم
يسمع كلامك
يارب يريح بالك
يارب
ويبارك
فيكى
يارب

ツSmiLeY AnGeLツ يقول...

السلام عليكم
ربنا يفرحك ويسعدك يارب
ولاتشوفي يوم حزين واكيد هيفرحك
كلمات جميلة وبسيطة ورقيقة زي الي كتبتها
تقبلي مروري
سلامي لاجمل واطيب وارق بنوتة.

Admin يقول...

جميلة جداً
ورائعه والله يا ساسو
رغم بساطة الكلمات
رسمت صورة تضاهى أجمل اللوحات
جميلة جداً

أمير البلانكو يقول...

ساسو

أول تعليق يا قمر

كلمات جميلة جدا جدا وكلها أمل لبكرة

وشروطك بسيطة خااااااااااااااااااااااالص

نظرة لينا ياعم

تحياتي ليكي

Carmen يقول...

روعة ياساسو العنوان كله كبرياء والخاطرة قوية جدا تسلم ايدك حبيبتي

سمير الطاهر يقول...

هحبك بس بشروطى
جميله جدا يا ساسو

ساسو يقول...

صديقي محمود ( باحث عن حب )
الجمال كله جمالك انت
اوك خلاص الفرح جه
ولازم اعيشه واكتب عنه
بجد بفرح بوجودك جدا
وبتنور المدونه كلها
ربي يخليك يا اطيب الناس

ساسو يقول...

حبيبه قلبي رشا
وعليكم السلام
اللهم امين
وانتي كمان يا جميله
يارب يفرح قلبك
والاحزان تبعد عنك
مرسي يا اموره
دمتي بحب

ساسو يقول...

صديقي علي ŁŏşĥД
مرسي كتير ليك
بجد انت زوق جدا
وانا بفرح بتعليقك ومرورك
دمت بود

ساسو يقول...

صديقي امير البلانكو
دا بس من زوقك
اه شروطي حنينه
لان حبيبي احن انسان
فلازم اكون حنينه معاه
نورتني جدا يا امير
دمت بود

ساسو يقول...

حبيبتي كارمن
مرسي يا حبيبتي
دا بس من زوقك
تسلميلي يا قمري

ساسو يقول...

صديقي سمير الطاهر
حمدالله علي سلامتك
بجد نورتني من جديد
وانا فرحانه جدا برجوعك
تحياتي

سندباد يقول...

الله عليكي
بسم الله ما شاء الله سلاسة وتعبيرات بسيطة في منتهي الجمال
الله ينور عليكي دايما العامية بتطلع كلام حلو خاصة لما تكون صاحبته متمكنة
تحياتي ليكي
تقبلي مروري وربنا يرزقك باللي تتمنيه

ساسو يقول...

صديقي سندباد
الله علي تعليقك انت
بجد دي مجامله اعتز بيها جدا
انت زوق اوي
مرسي كتير ليك
تحياتي لسندباد التدوين

جايدا العزيزي يقول...

ساسو

خاطرة رائعه حقا راقتنى جدا

ولكن الشروط لا تروقنى كثيرا

انا من رائ ان من يحب لا يضع شروط

يعنى بالبلدى بياخد الشروه كده كلها على بعضها

لاننا بشر وليس هناك بشر كامل

اشكرك

تحياتى

Dr/ walaa salah يقول...

عسل والله يا ساسو

حلو اوي اخر جزء في الخاطره

بس بجد شروط عسوله وجميله اوي

مشكوره يا حبيبتي

2alam_Rosas يقول...

العنوان يخض :
هحبك بس بشروطى
انا قولت هتعلنى الحرب خلاص
بس انتى كدة بتطبطبي عليه
بس الحب مفيش فيه شروط

Casper يقول...

خاطرة جميلة جدا واسلوبها بسيط وسلس
دائما متميزة ساسو

بالتوفيق دائما
وفي انتظار ابداعات أخرى

BNT ELISLAM يقول...

ايهالجمال والحلاوه
دى
ربنا يخققلك اللى بتتمنيه

كلماتك حميله وقمرايه زى صاحبتها
تقبلى مرورى

BNT ELISLAM يقول...

جميل يادودى
زى العثل

ونقل واختيار ممتاز
ربنا يوفقك
على طول

بيتنا القديم يقول...

والله في الزمن الصعب اللي احنا فيه محال ان تجدي من يقبل شروطك..الا لو مولود وفي ايده معلقة دهب وقابض على دفتر شيكات متورمة الرصيد..!
(:
على العموم بالتوفيق..

ساسو يقول...

حبيبتي جايدا
نورتيني يا جميله
وبجد فرحت جدا بتعليقك
بس يا جايدا انا شروطي كلها دلع وحنيه
اي انسان يقدر عليها
دمتي بحب

ساسو يقول...

حبيبتي Dr/ walaa salah
انتي اللي عسوله
اه شوفتي انا حنينه ازاي
هههههه
ربي يخليكي ليا يا جميله

ساسو يقول...

حبيبتي florieda
ههههههه
اه بطبطب وبالقوي كمان
عارفه ان الحب مفيهوش شروط
بس دي مش شروط دا شويه حب ودلع
نورتيني جدا يا ارق بنوته

ساسو يقول...

صديقي Casper
دا بس من زوقك
ربي يخليك
ومرورك الاجمل والله
دمت بود

ساسو يقول...

حبيبتي ( بنت الاسلام )
منوراني يا قمرايا بجد
مرسي كتير لزوقك
وانتي الاجمل والله
دمتي بحب

ساسو يقول...

صديقي ( بيتنا القديم )
عندك حق والله
بس انا شروطي مش شروط خالص
دي كلها رقه
اي انسان يقدر عليها
نورتني كتير
وبجد بفرح جدا بمرورك

غير معرف يقول...

ايه داااااااا
انا جايه متأخر اوى
معليش اعذرينى مشغوله الفترة دى اوى

جميل البوست طبعا يا ساسو
تسلم ايدك

يارب يفرح قلبك دايما
ويكون البوست اللى قبل الاخير اخر بوست الاحزان

والبوست دا بدايه الافراح

قولى يارب

Ahmad يقول...

ده ايه الحب السهل ده
حلوة أوي ..كنت مبتسم جدا
وانا بقرأها

تسلمي يا ساسو
قلمك جميل

تحياتي

هيثــم رمضـــان يقول...

إزيك يا ساسو

أولاً أعذريني علي الغياب عن مدونتك بس والله الغياب كان علي الكل وبعتذر لكل أصدقائي علي التقصير.

ثانياً : البوست لذيذ حسيت إنه فيه شقاوة بنات وفي حب بس حب دمه خفيف وخصوصاً في الجزء ده:-
عيزاك كده واد رومانسي

من أولها تفهم درسي

خليك معايا في طريقي

مش تمشي في طريق عكسي

والبدايه كانت بتدل علي قوة شخصية الحبيبه وسيطرتها:
هحبك بس بشروطي
ومراكبك هترسي ع شطوطي
وكلمة هترسي فيها حزم وتأكيد ,الجمله مش رجاء ولا حتي أمر دي متأكده وبتجزم بكده, وبعدين إتحولت الشخصية القويه إلي شخصية رومانسيه خفيفة الظل .

الكلمات حلوه فيها خفه والموسيقي كانت حلوه في معظم الخاطره.

بالتوفيق يا ساسو

تحياتي

Dr Ibrahim يقول...

تنفع أغنية :)

mrmr يقول...

خاطره جميله يا اجمل ساسو
ربنا يفرح قلبك ديما

ساسو يقول...

حبيبه قلبي ايمان (الحب الجميل )
ربنا يكون في عونك
ومكانك اصلا محفوظ يا قمري
مرسي يا حبيبتي
ربي يخليكي
وباذن الله مش هيبقي في حزن كتير

ساسو يقول...

صديقي احمد Samoura
هو دا الحب
لازم يبقي كله رقه ودلع
علشان نعرف نعيشه صح
ولا ايه ؟
بجد انا فرحانه ان الكلمات عجبتك
ربي يخليك
يسلملي مرورك الجميل

ساسو يقول...

صديقي هيثم رمضان
حمدالله علي سلامتك
بجد فرحت برجوعك من جديد
بجد دي مجامله رقيقه من اجمل شاعر
وشهاده اعتز بيها جدا
بجد كلامك فرح قلبي جدا
ربي يبارك فيك
ومتغبش عنا تاني

ساسو يقول...

حبيبه قلبي مرمر
انتي الاجمل يا اجمل مرموره
مرسي يا قمري
دمتي بود

اقدم عاصمه فى الحب يقول...

السلام عليكم


امممممممم .؟
إحنا بنحب ولا حاجه ..؟!
لو كان كده .. ماشى
بس خدى بالك انا بكتب اللى انا بحسه وكمان اللى بقراءه عند اى حد بعتبره هو حاسه وعايشه
وبكلامك ده يبقى استبشر حجات حلوه
صح ....؟
لو انا صح
يبقى استاهل شيكولاته
ماشى :)

شوية قهوة يقول...

ايه يا عم الكلام الجامد دا
ايوة كدة فين الكلام دا بقالوا فترة منقظع عننا
تسلم ايدك يا قمر

عمرو وجيه يقول...

gamela

سواح في ملك اللــــــــــــــــــه- يقول...

ساسو السلام عليكم
انا كنت عارف انك بتكتبي حلو
الانسان ياساسو لما بيكتب لوحده
احاسيسه هو بيطلع الكلام جميل
تحياتي ياساسو

غير معرف يقول...

وظيفة جيدة جدا.

غير معرف يقول...

السلام عليكم و رحمة الله و بركاته

أتمنى أن تقبلوني ضيف خفيف في مدونتكم

تقبلو سلامي و تحياتي و مروري اخواني الأعزاء

باحث عن حب يقول...

صباح الخير
يا ساسو
فينك
غايبه
ليه
لعل المانع
خير

أسمعنى شكراًً يقول...

وقرب على الحلاوة حلاوة.
دى بلدى ونجاوة نجاوة.
------------------

شروطي أه حنينه

وأدي العينه بينه

لما تقرب أكتر

تلقا الهنا عندنا

جميلة الشروط دى

همسات وبحــ الحياه ــر يقول...

كل عام وانتم الي الله اقرب هذا عام جديد وعلى عملك شهيد فبادر بالسعى والتجديد .......اللهم اجعله عاااام يعز فيه الاسلام والمسلمييييييين ......ولا تنسوا احب الصيام الي الله بعد رمضان صيام شهر محرم ولا تنسونا من صالح دعائكم اللهم احسن خاتمنتنا

بعتذر عن تقصيرى معاكم

جايدا العزيزي يقول...

كل عام وانت الى الله اقرب وعلى طاعته ادوم

كل عام وانت واسرتك بالف خير

تحياتى

محمد التركى يقول...

السلامو عليكم

اختى الغاليه قوووى
ساسو

وحشتيييينى جدا والله
ووحشتنى مدونتك
انا بعتزر عن غيابى وعن قرارى اللى اكيد هتراجع فيه بس افوق كده وارضى عن نفسى شويه

كل سنه وانتى طيبه ياساسو
ربنا يجعلها سنه هجريه كريمه عليكى وعلى امه محمد

بشكرك جدا على تعليقك اللى خلانى اعيد التفكير كتتتير فى قرارى

انا هرجع بأذن الله
ابقى ادعيلى

تحياتى لقلب لا ينسى

محمـــد التركـــى

محمد سعد القويري يقول...

تحية عطرة معطرة
Attention Please >>>>
المعذرة .. هذا تعليق خارج النص ..
دعوة للمشاركة في
مشروع مقروءاتي الثالث
للمشاركة ولمزيد من التفاصيل .. هنا
http://qweary555.blogspot.com/2010/12/1431.html
ــــــــــــــــــــــــ
وإن شاء الله تكون هذي بداية سلسلة من الزيارات :)

محمد التركى يقول...

السلامو عليكم

ساسو
وحشتينى جدا ياساسو
يابنت بلدى
اخبارك ايه
يارب تكونى بخير
كل سنه وانتى طيبه
كلامك جميل طول عمرك

وكمك جميل قوى فى الخاطره المشتركه بينك وبين رشا بجد انتى رائعه انتى وهى
تسلمى ياقمر

ابقى طمنينى عليكى

تحياتى لقلب احترمه

محمـــد التركـــى

يمين فى يمين يقول...

هحبك بس بشروطى

والعصمة هتكون فى ايدى

نسيتى الجملة دى ياساسو

اية الكلام الجامد دا

لا ياعم احنا مابقناش ادك

حقيقى كلام جميل جدا يا ساسو

والبوست المشترك اجمل


تحياتى الى امبراطورة الخيال الحزين

محطات ثقافية يقول...

ما اجمل شروطك وما ارقى حبك
واسلوبك الجميل هنا اتحفني
ابدعت غاليتي

محمد محمود يقول...

كلماتك جميلية رقيقة

بس خيالية اكتر من اللزوم صدقيني
لو هينفع نشرط يبقي مش هينفع نحب
تقبلي مروري