Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

كلام في الحب


يا شمس تعالي دفي لحبيبي طريقه

وانت يا نجم أمانه في الليل تبقي عشيقه

وان طلب حبيبي نور

امانه يا سما

توصي نجومك تبقي نوره وبريقه

يا ليل يا مجمع العشاق

يا حاضن السهرانين

زيدنا كمان أشواق

واروي العطشانين

دا الحب بيحكوا عليه

وكتير كلام بيقولوه

لكن اجمل معانيه

كل الحبيبه سمعوه

الحب يعني ضل

الحب يعني دفا

الحب يعني قمر

ينور في ليله صفا

الحب يعني قرب

ما يعرف طعم الجفا

وانت في حاله حب

جرح قلبك اختفا

الحب يعني نار

في قلب كل هاوي

الحب دا اصرار

ولازم تبقي ناوي

الحب دا بركان

يهز قلب الحبيب

يعني روتانا زمان

وشغل العندليب

الحب يعني هوا

وجراح في قربه تطيب

الحب هو الدوا

وصفه كل طبيب

عرفت معني الحب

ياريت تقول حبيت

60 التعليقات:

سمير الطاهر يقول...

كلام بسيط وجميل
راااااااائع

ツSmiLeY AnGeLツ يقول...

السلام عليكم
الله الله على اجمل كلمات
والله حساها انها نابعة من صميم فؤادك
تعرفي مهما كان الحب مش ضروري يكون بين رجل وامرأه
يمكن يكون حب صديقة لصديقتها
كده زي ماانا بحبك ياقمر
عشت بين كلماتك وانا اقرئها
احسااااااااس عالي جدا
تقبلي مروري
سلامي لاجمل وار واطيب بنوتة وصديقة ليا.

محمد التركى يقول...

السلامو عليكم

ساســـــو
الفنانه الكبيره

ايه ده ايه الجمال ده كله
والحب ده كله
والرقه والاحساس الدافئ ده كله
ربنا يجعل ايامك كلها حب فى حب

ايوه كده خلينا على الوتيره دى
كلام فى الحب

أجمل كلام فى أجمل احساس من أجمل انسانه فى الدنيا

البوست كله روعه من روائع الجميله ساسو
بس وقفت عند جمله واحده

الحب دا بركان يهز قلب الحبيبي

قلبى اتهز قوى اول ماعينى شفتها ونطقها لسانى

ياااااااااه
نفسى احب من تانى نفسى اعيش الشعور والاحساس ده من جديد

تسلمى ياقمر التدوين

تحياتى لارق شاعره

محمـــد التركـــى

شوية قهوة يقول...

الحب احساس جميل
اليقع فيه ميعرفش يسيبه
كلامك جميل اوي تسلم ايدك يا قمر

tamer يقول...

السلام عليكم ورحمة الله وبركاته ...
احلي حاجة في الكلام اللي كتبتيه .. انه طالع من جوا القلب ..
مش متزوق .. ولا متزيف ...
طالع زي الواحد ما بيحسه ..
عشان كده الواحد بيحسه جداً ..
ربنا يديم الفرحة ...
والي كتابات اخري اشد فرحاً ..
واشد احساساً ..
وربنا يوفقك .. دائماً ..
بأخلاص ..

اقدم عاصمه فى الحب يقول...

السلام عليكم

انا حبيت
.
حبيت انى اكون متواجد بينكم
حبايبى المدونين
مابقتش عارف ما ازوركمش كلكم كل يوم
.
جميله هذه اللوحه التى رسمتيها .
.
الى الامام
انا متابع بإستمتاع :)

جايدا العزيزي يقول...

ساسو

شعرك الغنائى رائع وموزون بجد جميل

بس اوصل واشدك معايا

http://httpjaedacom.blogspot.com/2010/12/blog-post_11.html#respond

يهمنى رائيك بغض النظر عن الصور داخل الكليب

لانه يتم حاليا تغيرها فى اقرب وقت

المهم الصوت واللحن

تحياتى

يمين فى يمين يقول...

ياريت اكون انا قول تعليق

يمين فى يمين يقول...

ممكن اكون اخر تعليق

كلامك جميل جدا يا ساسو

ولونك اختلف فى الكتابة

وممكن دلوقتى القبك بأمراطورة الخيال والحب


تحياتى الى ساسو
ودى واحترامى

مدونة رحلة حياه يقول...

السلام عليكم
شكرا لك على جمال كلماتك ورقة عباراتك
أضفى اليها الاحساس تبدو افضل بذلك
http://ourlife-accountant.blogspot.com/
ادعوك لزيارة مدونتى ربما تعجبك

ساسو يقول...

صديقي سمير الطاهر
الاجمل مرورك بجد
مرسي كتير لزوقك

ساسو يقول...

حبيبتي روشا
وعليكم السلام
الله علي جمال تعليقك انتي يا قمري
ربنا ما يحرمني منك
وانا بجد اكتر انسانه فرحانه اني كسبت ارق صديقه واخت في الدنيا

ساسو يقول...

صديقي محمد التركي
بجد انا فرحانه كتير انك مبعدتش عنا
ويارب دايما كل ايامك جميله
مرسي كتير علي تعليقك الرقيق
وكلامك الجميل
بجد بيسعد قلبي جدا
ويارب تقابل الحب
اللي يهز قلبك
وتفرح بيه
وتعيش اجمل حياه
مع اللي قلبك يختارها

ساسو يقول...

حبيبه قلبي ( كلام من قلبي )
اه بجد هو اجمل احساس في الكون
يارب يا حبي ايامك كلها تبقي حب في حب
نورتيني يا عسوله

ساسو يقول...

صديقي تامر
وعليكم السلام ورحمه الله وبركاته
مرسي تمور علي تعليقك الرقيق
بجد نورتني كتير
وانا فرحانه جدا بمعرفتك

ساسو يقول...

صديقي ( اقدم عاصمه في الحب )
وعليكم السلام
بجد بفرح جدا جدا جدا بمرورك وتواجدك في مدونتي
وبجد كلماتك كلها بتسعدني
نورتني جدا
ومرسي كتيير لزوقك

ساسو يقول...

حبيبتي جايدا
ارق جايدا في الكون
مرسي ي قمري
دا بس من زوقك
من عنيا يا روحي
اكيد هزورها
واكيد لذيذ
يا ارق جايدا

ساسو يقول...

صديقي احمد ( يمين في يمين )
اول ولا اخر تعليق مكانك محفوظ بجد
وبجد بفرح جدا بوجودك هنا
وبتنورني
ومرسي علي اللقب الجميل دا
ربي يخليك يا حماده

ساسو يقول...

صديقي ( مدونه رحله حياه )
وعليكم السلام
نورتني جدا
ويارب دايما
ومرسي كتير لزوقك
ربي يخليك
شرف ليا طبعا اني زورت مدونتك
وبجد جميله
ومواضيعك هادفه
في رعايه الرحمن

سندباد يقول...

دايما كلماتك بسيطة ورقيقة تسلم بنات افكارك مفيش اجمل من كلمات صادقة تخرج من قلب صادقي
تقديري واحترامي

Carmen يقول...

وحشتنا كلماتك ياساسو ياحبيبتي
رقيقة مثلك تماما
تحياتي لك ياقمر

باحث عن حب يقول...

صباح الخير
فينك
طمنينى عليكى
لعلك بخير

غير معرف يقول...

طبعا مش محتاجه كلام
انتى عارفه رأى فى كلماتك الرقيقه الجميله
روعه يا ساسو
معليش حبيبتى جيت متأخر اوى
وانتى كمان وحشااانى
مرسيى ليكى يا حبى
صباحك فل

خابت بك ظنوني يقول...

السلام عليكم ورحمة الله وبركاته

ازيك ساسو؟؟؟
كيف احوالك ؟؟
بئالي زمان مجيتش هنا !!

جمييييييل جدا اللي كتبتيه
وبالذات دي عجبتني اوي

الحب يعني ضل

الحب يعني دفا

الحب يعني قمر

ينور في ليله صفا

الحب يعني قرب

ما يعرف طعم الجفا

وانت في حاله حب



سلمت ايدك يا قمر
ولا عدمناكِ

أسمعنى شكراًً يقول...

بصراحة مش قادر أوصفلك أد أية أنتى

وصفك جميل .....

يا شمس تعالي دفي لحبيبي طريقه

وانت يا نجم أمانه في الليل تبقي عشيقه

وان طلب حبيبي نور

امانه يا سما

توصي نجومك تبقي نوره وبريقه

يا ليل يا مجمع العشاق

يا حاضن السهرانين

زيدنا كمان أشواق

واروي العطشانين

كلااااااااااام وجعنى أوى !!

مع خالص تحياتى .

Tamer Nabil Moussa يقول...

كلام جميل

تسلمى ساسو علية


مع خالص تحياتى

2alam_Rosas يقول...

عرفت معني الحب

ياريت تقول حبيت



انا اكيد عرفت معنى الحب
بس لسة مش هقول حبيت دلوأتى

هيثــم رمضـــان يقول...

إيه يا ساسو الجمال والتألق ده ,ما شاء الله فيه تقدم كبير جداً ,الكلمات سلسه وسهله وموسيقتها حلوه , معلش أعذريني علي عدم تواجدي بإستمرار لكن بجد البوست هاااايل.

تحياتي

الشاعر الفنان أحمد فتحى فؤاد يقول...

كلماتك دائما جميلة

و احساسك اجمل

دائما مشرقة

تحياتى لك

momken يقول...

رائع جدا ما تكبيه يا ساسو
تسلم ايدك بالفعل مبدعه
ومتالقه
ودائما تتوقين على نفسك

عجبنى اوى اوى الجزىء ده



وان طلب حبيبي نور

امانه يا سما

توصي نجومك تبقي نوره وبريقه


حسيته حقيقى اوى وصادق اوى

تحياتى

Admin يقول...

جميلة جدأ يا ساسو يا قمر
تسلم أيدك
وبجد كلمات رغم خفتها غاية فى الروعة
ومع سهولة استخدامها غاية فى البلاغة
أسعدنى مرورى هنا
أنتى مبقتيش بتزورى مدونتى ليه فينك ؟

Dr/ walaa salah يقول...

يا سلام يا ساسو ايه الجمال والوصف الجميل ده

ربنا يسعدك كمان وكمان

مشكوره يا حبيبتي

BNT ELISLAM يقول...

كلا م حلوا اوى
ونا متاكده انه من القلب
وعلى فكره انا قراته اول مانزلتيه واسفه على تاخيرى فى تعليق
وغصب عنى والله



تقبلى مرورى

Unknown يقول...

وحشاااااااااااانى موت مع انى زعلانه منك طلبتى منى الميل بتاع كتبتهولك على المدونة ف تعليق على اخر بوست استنيت تكلمينى ومحصلش لعل المانع خير

بالنسبه للبوست تحفه بجد وتسلم الايادى يا امورتى ويارب اسمع عنك خير قريب

Tarkieb يقول...

اغيب شوية عن البلوج ارجع الاقيكي بتحبي تاني ولا اولاني....ايه احنا وشنا وحش عليكي ؟ طول ما كنت موجود كان نكد وعتاب وارجع الاقي فرح...ماشي يا ستي ربنا يهني ساسو من ساسو لراسه...ونطلع منها احنا بقى....حلوة اوووووي يا ساسو ايوة كدة بلاش نكد ...اصله مش لايق عليكي

محمد التركى يقول...

السلامو عليكم

ساسو

وحشتينى جدا جدا جدا
ايه بقى الغيبه الطويله دى
انتى هتعملى زاى ولا ايه

لالالا ارجوكى طمنينى عليكى

ومستنى الجديد

تحياتى لقلبك الطيب

محمد التركى

غير معرف يقول...

شعر متميز يا ساسو
دمتي متألقة

modcena يقول...

السلام عليكم

مبدعة ومتالقة دايما يا ساسو

وياريت روتانا زمان وافلام وكليب كمان

تحياتى ومودتى

أحــوال الهـوي يقول...

كلمات البراءة الجميلة
نغمات رقيقة و عميقة

المرة دي قريت كلامك بصوت عالي و باحساسك و قد ايه استمتعت

لانك تحدثتي برقة و بساطة و براءة سنك
ترجمتي الحب بقلم بنوته بنعومة الزهور و عمر الضحكة الصافيه

تحياتي

Admin يقول...

جميلة أقوالك
وخاطفة تعابيرك
ورائع وصفك
وشكراً لكى

❤ soso ❤ يقول...

لا عدمنا ابداع قلمك

FAW يقول...

فينك يا ساسو !!

محمود المصرى يقول...

على راْى احمد شوبير كلام ولا احلى ولااجمل ولااْروع من كده منتهى الاْحساس والمشاعر
الجميلة
متنسيش تيجى تزورينى وتشوفى موضوعى الجديد ومتنسيش التعليق
اخوكى
محمود المصرى

محمود المصرى يقول...

على راْى احمد شوبير كلام ولا احلى ولااجمل ولااْروع من كده منتهى الاْحساس والمشاعر
الجميلة
متنسيش تيجى تزورينى وتشوفى موضوعى الجديد ومتنسيش التعليق
اخوكى
محمود المصرى

محمد التركى يقول...

السلامو عليكم

ساسو
انتى فين ياستى انتى
والنبى ينفع كده ياعنى
يرضى ربنا البعد ده كله
ايه مش وحشينك ياعنى

يارب يكون خير ياساسو

انا بجد قلقان عليكى ارجوكى طمنينى
والله المدونه عندى ملهاش طعم من غير تعليقاتك بجد

انا جاى اطمن عليكى واقولك كل سنه وانتى طيبه
ويارب سنه سعيده عليكى يارب

تقبلى تحياتى

محمـــد التركـــى

صبح يقول...

جميل جدا كلامك
شعر موزون و قافية متقنة
سعدت بمصادفة مدونتك
اسعدك الله

اتشرف حقا بزيارتك لمدونتي الفتية

السلام عليكم

محمد التركى يقول...

ساسو

انتى فيييييييييييييين
الغيبه طولت قوووووى
برضو ده كلام ياعنى
والله وحشانى ووحشنى كلامك

ارجوكى طمنينى عليكى
ربنا عالم بغلوتك

تحياتى

محمـــد التركـــى

well يقول...

توصيات الى الشمس والنجوم والقمر
تعريفات جميلة للحب ممزوجة بأمثال كـ روتانازمان والعندليب

الحب قمر بينور قلوب ضلمة
الحب هو كلامك منقوش على قمر سهران

تحياتى

غير معرف يقول...

ساسو
انتى فين يا حبيبتى
طمنينى عليكى

يارب تكونى بخير

Casper يقول...

وصف بسيط عن الحب رغم أنه قوي جدا ومعبر في ذات الوقت استطعتي من خلاله تجسيد الحب في صورة حية نستطيع أن نراها أمام أعيننا

________

معذرة على التأخير

_________

خالص تقديري لفكرك وقلمك
بالتوفيق دائما
تقبلي مروري

Casper

الــحــــنـــــــــــــــــــين يقول...

السلام عليكم جميل اوى ياساسو بس ليه الغيبه الكبيره دى اكيد امتحانات ربنا يوفقك يارب تقبلى مرورى

همسات وبحــ الحياه ــر يقول...

ساسو
واحشاااااانى كتيييييييير بجدددد
فينك كدا
بقالك فترة مبتجيش
وانا مقصره معاكى عشان خاطر امتحاناتى
بجد وحشنى وجودك عندى بفرح لما بشوف تعليقك
وايه الاكلام الجامد دا

الــحــــنـــــــــــــــــــين يقول...

مش عارف من حقى اسال عليكى ولا لا بس غصب عنى لازم اسال عنك واطمن مش عارف ليه بس ياريت يارب تكونى بخير وتنورى مدونتك تانى اللهم امين

model يقول...

very nice [ost
regards
model

غير معرف يقول...

ممتاز آخر. استمتعت حقا قراءة بلوق وظيفة الخاص بك.

Unknown يقول...

انا مخصماااااااااااااااااك بس خلاص

أقدم عاصمه فى الحب يقول...

كنت هنا اليوم

غير معرف يقول...

ساسو انتى فين مش باينه ليه نى طمنينى عليكى ولو بكلمه

يارب تكونى بخير حبيبتى

ارجوكى طمنينى عليكى

أقدم عاصمه فى الحب يقول...

فينك ..؟!

موجة يقول...

بوست جامد..
وابيات خلوة أوي
منتظر زيارتك
خالص تحياتي
احمد