Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

هاحط حد


هاحط حد

وأفوق بجد...

وأخلص روحي من حب وهم

من قصه طويله ماكنتش فيها
ولا مره شهم

لكن بغدرك رميت في قلبي
كام ألف سهم

جرحوه كفايه وكانوا البدايه
لعذاب كبير

بانت حقيقتك وبان معاها
موت الضمير

وبان كمان علشان أحبك
شروط كتير

عدم الخيانه لما تخون

رضي بالاهانه وحب بجنون

وأضحي ليه علشان عيون

لاتعرف تحب ولا تصون

بتخدع في قلب طيب حنون

لكن دلوقتي هصدر قرار

وأخلي قلبي له الاختيار

انه يكمل وفي يوم ينهار

ولا يقوي ويكون جبار

ويسيب قلب حبيبه محتار

لا طايل جنه ولا حتي نار

وانا عارفه قلبي ناوي علي ايه

هيسيب حبيبه ويجرح فيه

ويبيعه لكن هيسأل عليه

ويعرف عملت ايه الدنيا فيه

داق المرار زي ما دوقه

ولا الصدمه هتفوقه

ويلاقي نفسه انسان جديد

وقلبه يلين بعد الحديد

لكن ساعتها هيكون وحيد

وهيعرف ليه

29 التعليقات:

ذكري رحيل قلم يقول...

السلام عليكم

بجد جميلة يا ساسو برغم العمية لكنها حلوة

احساس من القلب روعة بجد
دمتي بحب وود

قلــ"بـــلال"ــــــب فارس يقول...

كلامات جميله ومعبرة

علي الطيب يقول...

مساء الخير شاعرتنا المبدعة

لي عودة لاقف على هذا الجمال

Ramy يقول...

ساسو

اولا ربنا معاكى

ثانيا التفكير دة صح جدا ان الواحد يدى فرصة لحبيبة كتير لكن فى الأخر يحط حد

يحط حد لمشاعر مش قادر حبيبه يحس بيها

لحب مش لاقى مكان صح يجرى عليه

جميل حالة الأصرار اللى بتكلمى بيها دى

بالتوفيق دايما يا ساسو

ربنا معاكى

ساسو يقول...

حبيبتي (ذكري رحيل قلم)
وعليكم السلام ورحمه الله وبركاته
انتي اجمل يا روحي
تسلميلي
ويسلملي مرورك الرقيق

ساسو يقول...

صديقي( قلــ"بـــلال"ــــــب فارس)
مرسي كتير ليك
وبجد نورتني أوي
وأسعدني مرورك الرقيق

ساسو يقول...

صديقي علي الطيب
مساء العسل
انا في انتظار مرورك الجميل

ساسو يقول...

صديقي رامي
ربنا يخليك
ومرسي كتير لكلماتك الجميله
وبجد وجودك بيسعدني جدا
ويارب منورني دايما

Tarkieb يقول...

انت لحقتى ياساسو ...كنتى غارقانه من ساسو لراسك ....يالا اتحسدتي والله...بس جميلة رغم الحقن اللي فيها يالا يستاهل اللي يجي على ساسو ما يكسبش....

محمود(باحث عن حب) يقول...

انا مش عارف ازاى
انا مشفتش البوست ده الا تلوقتى
هتجنن مع انى نايم متأخر
والناس دى جاتت امتى
انا هتفرس
حمدا على السلامه

يارب الحاله النفساويه تكون
حديد
واللى يخنقك ابعتلى رقمه فى ام اس ام
وانا ابعتله مينى كول اشلفط وشه فيه وميهميكيش
الشبكه متكفله
بالاصابات
بين الجانبين

لكن دلوقتي هصدر قرار

وأخلي قلبي له الاختيار

انه يكمل وفي يوم ينهار

ولا يقوي ويكون جبار

ويسيب قلب حبيبه محتار

لا طايل جنه ولا حتي نار



ازاى تسألى عليه علشان تشوفيه داق المرار ولا لآ

خلاص اللى يبيع يبيع بيعه واحده
وميفكرش يسال لانه
ميستهلش السؤال

كلمات مبدعه ايوة كده
يلا بقه عاوزين
بوست جديد

على طول
احنا فى اجازه
انتى
فى الدراسه كنتى انشط من كده ولا ايه
ربنا يسعدك

ساسو يقول...

صديقي تركيب
اه اه اه
يالا هاعمل ايه
دا نصيبي
مرسي كتير لزوقك الرقيق جدا
وكلماتك الجميله
ربنا يخليك يارب
وتعيش في سعاده

ساسو يقول...

صديقي محمود (باحث عن حب )
ايه ياعم
فضلت تقوللي فين الجديد فين الجديد
وأهه كتبت جديد
والقا ايه
ألقاك جاي السادس.....
دا كلام
صحي النوم

انا بجد شيلاك للجامده أوي
بلاش المره دي
بس مترجعش تقوللي الشبكات مبهدلاني

اما بقي النفساويه المونيوم
هههههههه

خلاص يا باشا انا حرمت
وهتلقاني كل يومين منزله بوست جديد
بس مترجعش تقوللي كفاياكي خنقه

منورني دايما
وبجد بفرح جدا جدا جدا
بكلماتك ومرورك

دمت في رعايه الرحمن

العيسوى الصغير يقول...

هو كل دا كان مفيش حد

احسن سيبك منه

الحب الجميل يقول...

ازيك يا ساسو
معليش على التاخير
جميله ياماما ربنا يسعدك ويارب متكنش بتمس الواقع
دمتى فى حفظ الرحمن

Asbany يقول...

كلمات جميلة منكِ ساسو

جميل ما فيها من حزن وشيئ من الندم
والاجمل هو التحدى واخذ القرار

تحياتى ساسو
وتمنياتى لكِ بالحب والفرح دائما

محمود(باحث عن حب) يقول...

بموت فى الشاى انا عاشق ليه شكرا يا ساسو
على كوبايه الشاى المظبوطه دى
بجد
عثل من ايديكى
يلا بقه مستنى الجاتوه
وبعد كده
العشا
هههههههههههههه\
ربنا
يفرح
قلبك

ساسو يقول...

الرقيقه ( الحب الجميل )
بخير الحمد لله
مرسي كتير لزوقك
واسعدني مرورك جدا
دمتي بخير

ساسو يقول...

صديقي اسباني
نورتني جدا
ومرسي كتير لزوقك
وبجد انت اللي كل كلماتك جميله
ربنا يخليك

سمير الطاهر يقول...

---------
عدم الخيانه لما تخون

رضي بالاهانه حب بجنون

وانا أضحي ليه علشان عيون

لاتعرف تحب ولا تصون

بتخدع في قلب طيب حنون
----------
أيه الإحساس العالى ده :)

love is life يقول...

الله عليكى بجد
كلماتك رائعه بسيطه ولكن معبره
وما اجملها لانها من انسانه مبدعه
بجد جميل جدا تسلمى عليه

ساسو يقول...

صديقي سمير
مرورك شرفني ونورني جدا
وبجد انا سعيده جدا بيك
ومرسي كتير لكلماتك
دمت بكل خير

ساسو يقول...

صديقي love is life
نورتني جدا جدا جدا
ومرسي كتير لزوقك
وبجد انت اللي استاذ
ومبدع حقيقي
خالص تقديري واحترامي

ساسو يقول...

صديقي محمود( باحث عن حب )
احنا في الخدمه يا باشا
وكويس انها عجبتك
لكن الجاتوه لما النتيجه تظهر
ونفرح بنجاحك
وقتها يبقي جاتوه وشيكولاته

دمت بكل خير

أسمعنى شكراًً يقول...

بجد ماشاء الله
تنفعى كاتبة أغانى يعنى أشعارك تنطق
على نغم وألحان ربنا يوفقك

ساسو يقول...

صديقي (اسمعني شكرا )
نورتني جدا جدا جدا
لاول مره ويارب دايما
ومرسي كتير لزوقك
وربنا يبارك فيك

تحياتي

محمد mtomtolove@yahoo.com يقول...

اسمحيلى ارفع لك القبعه الله عليكى بجد

ساسو يقول...

صديقي محمد
بجد مش عارفه أقولك ايه
انا ياباشا اللي أرفعلك القبعه
انت الشاعر الجميل

خابت بك ظنوني يقول...

ساااااااااااااااسو
لاااااااااااااااا
دبحتي قلبي يا شيخة
بصي يا حاجة كدا يالصلاة ع النبي عليه الصلاة والسلام

الحتة دي خطر جدا جدا جدا يعني
يعني أوعى وشك "وانا عارفه قلبي ناوي علي ايه

هيسيب حبيبه ويجرح فيه

ويبيعه لكن هيسأل عليه

ويعرف عملت ايه الدنيا فيه

داق المرار زي ما دوقه

ولا الصدمه هتفوقه

ويلاقي نفسه انسان جديد

وقلبه يلين بعد الحديد

لكن ساعتها هيكون وحيد

وهيعرف ليه
"

بس احب أقول لحضرتك يا فندم ... انه ممكن في النهاية الغباء عند الصعيد الآخر يطلع متأصل
ولا يعرف ليه ولا عمره هيعرف ليه !!!!

هو ممكن يحس بخسارة
بس حكاية الندم والذي من هدا
لالا .. معتقدش

عامة انا مقتنعة بشيء .... الكاس واحد وداير ع الكل
وزي ما عمل هيتعمل فيه

وقد كان يا جميل

المهم
انا شكلي هبيت عندك هنا النهاردة عشان الوقت اتأخر
فضيلي أوضة في المدونة عندك :)))

ساسو يقول...

حبيبتي خابت بك ظنوني
يا قمرايا الكلام الجامد دا كله
هببتي ليه
بالعكس مرورك بيسعدني جدا جدا
وكلماتك بتفرحني جدا يا سكره