Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

هأحكي حكايتي

هأحكي حكايتي آه ...

وقصتي الجميله

أد ايه لذيذه الحياه !

بأغاني كل ليله

لو شفت حبيبي يوم !

وكنا ساعه مغربيه ...

تفكيري فيه يدوم

والنوم يطير من عنيا

وأسهر طول ليلي أغني

ويسمعوني اخواتي ...

أنا منه وهو كمان مني

ما هو بلدياتي

وأقول امتي يجي النهار !

علشان يصبح عليا ...

لو غاب يجيلي انهيار...

وأرفع عليه قضيه

وأقوم له أرق محامي ...

وهما عيوني البريئه

ياعيوني اوعي تنامي !

قبل ظهور الحقيقه

ويتحدد ميعاد الجلسه

فأوصي عيوني عليه ...

تقوللي أنا بيكي حاسه

وحاسه برعشه ايديه ...

قولتلها يطلع براءه

ويدخل قوام في قلبي

ردت بكل جراءه !

سمع وطاعه هألبي

ويحكم القاضي لصالحه ...

ويخرج زعلان شويه !

وأنا عليا أصالحه

ما أنا اللي رافعه القضيه !

58 التعليقات:

Ramy يقول...

ساسو

اية الجمال دة

بجد مش عارف اقول اية بس

الأبتسامة لا تفارقنى طول القراءة

دة انتى مدلاعة على الأخر

و لا علشان بلدياتك (:

ربنا يفرحك دايما يا ساسو

و ينور لك طريقك

أسامة يقول...

رائعة جديدة من روائعك
مبدعة أنتِ دائما
تحياتي لكِ

اميرات الاسرار يقول...

الله الله

ايه الجمال دا بجد كلام حلو اوى

احييكى على احساسك الرائع دا

ياريب يديم عليكى السعادة والفرح

زهراء

هوبتي يقول...

عجبتني موووووووووووووووت

الحب الجميل يقول...

ساس و
صباحك حب

الله الله على اللـالجمالــــــــه

الله على جمال كلماتك حلوه اوى يا ساسو
وأقول امتي يجي النهار !
علشان يصبح عليا ...

احيكى بجد تسلم ايدك وحلو اوى البيتين دول

احكى يا ستى واحنا هنسمعك كمان وكمان

حكايه جميله

ربنا يسعدك

دمتى فى حفظ الرحمن

Tarkieb يقول...

شكلك دارسة حقوق ....ياخوفي تقلبي عليه ويلبس قضية سقع....جميلة والله وكلام غير تقليدي ....

ساسو يقول...

صديقي رامي
ربنا يخليك
دا بس من زوقك
أه أكيد لانه بلدياتي فدلعته زياده
ولو سببلي حزن هقلب عليه زياده
ودا كمان لانه بلدياتي هههههه
نورتني جدا يارامي
ومرسي كتير

ساسو يقول...

صديقي اسامه
مرسي كتير لزوقك
وبجد وجودك بيسعدني جدا
ربنا يخليك

ساسو يقول...

حبيبتي الرقيقه زهراء ( اميرات الاسرات )
وحشتيني يا قمر
ومرسي بجد
انتي رقيقه وزوق جدا
وبجد بفرح جدا بمرورك

ساسو يقول...

السكره حبيبه قلبي ( الحب الجميل )
مرسي يا حبيبتي
دا بس من زوقك
ربنا يخليكي يا قمرايه التدوين

ساسو يقول...

حبيبتي هوبتي
ازيك ياقمر
يارب يخليكي
نورتيني جدا

ساسو يقول...

صديقي تركيب
ابدا والله انا تجاره مش حقوق
نورتني جدا يا تيكو
وبجد انا سعيده جدا بكلامك الجميل

كلام من قلبي يقول...

ايه يا الحلاوة دي
كلامك رائع
تسلم ايدك يا قمرايا

محمود(باحث عن حب) يقول...

الله اكبر
ايه الجمال ده كله يا ساسو
معلش والله
انا مدخلتش نت الا من التليفون لان النت كان فاصل عندى معلش يقه
بس انتى
ترفعى القضيه ليه؟
(ملحوظه فنيه )ياريت فاصل ولو سطر بين كل سطر وسطر علشان الكلام ميدخلش فى بعض
كلماتك رائعه
وارفعى القضيه عليه تانى وانا هسجنهولك
ومقبلش حد يزعلك

ساسو يقول...

حبيبتي الرقيقه ( كلام من قلبي )
وحشتيني جدا يا سكره
ومرسي كتير لزوقك ورقه كلامك

ساسو يقول...

صديقي محمود ( باحث عن حب )
لا لا مش مصدقه
اخيرا رديت عليا
حمدلله علي سلامتك

نورتني جدا جدا جدا
وبجد انا فرحانه أوي بمرورك
ومرسي كتير لزوقك

وخلاص انا اول ما هأحتاج ارفع قضيه هلجألك
وانت بقي تسجنه براحتك
واكيد هتكون القضيه دي قريب أوي

خالص تقديري واحترامي

ساسو يقول...

محمود نسيت أقولك حاجه
طلباتك أوامر

محمود(باحث عن حب) يقول...

ايون كده
انتى كده ميه ميه
جميله قوى كده
الكلمات اقصد
ربنا يسعد ايامك
يا ساسو

ساسو يقول...

صديقي محمود(باحث عن حب)
مرسي كتير
دا بس من زوقك
بجد انت اللي مدوناتك وكلماتك
رقيقه جدا
بصراحه كوكتيل جمال

أتنين حبيبين يقول...

ماشاء الله

كلمات رقيقه لمست قلبى
بالتوفيق ان شاء الله
دمتى بكل الخير
توتا

ساسو يقول...

صديقتي توتا ( اتنين حبيبين )
مرسي كتير لزوقك
ونورني مرورك
وربنا يخليكي بجد

لـــولا وزهـــراء يقول...

ايه العسل ده خلي بالك يا ساسو اي قضية زهرة تسد مدني وجنائي واحوال شخصية ونص عربية نقل مليانة محاميين كمان زهرة ف الخدمة :d

لولا

MR.PRESIDENT يقول...

بعد السلام والتحية ..
الكلمات طيبة ..
وإن كنت مش بعرف ارد علي
كلمات الحب .
لكن
مشاء الله عندك قصة .
ويمكن انا مش عارف اقرا الكلمات بنغمة ما
بس تحياتي لكتابتك

ساسو يقول...

لولا السكره حبيبه قلبي
مرسي ياقمر انتي والله اللي عسوله طحن
وربنا يخليكي ليا انتي وزهراء
وميحرمنيش من تعليقاتكم الجميله

ساسو يقول...

صديقي MR.PRESIDENT
نورتني جدا لاول مره ويارب دايما
ومرسي جدا لمرورك وزوقك
وبجد تعليقك فرحني جدا
دمت بكل خير

دموع القمر يقول...

ازيك ساسو
نورتى المدونة وياااارب تنوريها على طول

ايه الجمال دا عجبنى اوى اسلوبك فى الكتابه ماشاء الله
مش مجاملة

تسلم ايدك
حطيت بوست جدبد ابقى شوفيه اوك
تحياتى

صوت من مصر يقول...

جميل
بس

الحب الجميل يقول...

صباحك سكر

انا عامله تجمع فى اسكندريه هتيجى ولا لااااااااا ياساسو

ابقى ردى علياااااا

هستناكى يا بنت بلدى
لانى نفسى اشوفك
سلام

موجة يقول...

ابيات رائعة كالعادة
انتا مبدع
خالص تحياتي
موجة

محمود(باحث عن حب) يقول...

طمنينا عليكي اخبارك
وجديدك
مش متعودين كده
منتظرين الجديد

ذكري رحيل قلم يقول...

السلام عليكم

جميلة كلما كمان فكرة العرض حلوة قوي قضية ومحامي وقاضي بس من نوع جديد

دمتي بأحساسك الرقيق
تحياتي

كلام على بلاطة يقول...

السعادة تتواجد فى عقل السعيد لا فى الواقع الجميل المجيد/

فكم من سعيد لا يملك من مقومات السعادة من قديم او جديد/

وعايش متهنى ولا يملك الا البساطة وكل شىء عنده مفيد/

بالبشاشة والسماحة والرضا شايف كل يوم من ايامة عيد/

ويرى ما ينقصه من ضروريات كتمرين من العاب الحديد/

تزيده لياقة وصحة وعقل سليم فى جسم حليم وكل له رصيد/

ومن يحمد الله ويشكره على القليل يبارك الله فيه وينمو ويزيد/

فاسعد نفسك بنفسك وخليك كل يوم شخص متفائل بفكر فيه تجديد/

محمود(باحث عن حب) يقول...

حبيت امسي على الشاعره
غايبه
ليه

ساسو يقول...

الجميله ( دموع القمر )
انا بخير الحمد الله
مرسي كتير لزوقك ورقه كلامك
وبجد انتي اللي نورتيني جدا
وباذن الله هاقرأ جديدك يا عسوله

well يقول...

حب متخرج من كلية الحقوق

تحياتى لكلماتك

الحب الجميل يقول...

دعوه عامه للتجمع فى الاسكندريه

ودعوه خاصه ليكى
البوست موجود فى المدونه
الحب الجميل

ساسو يقول...

صديقي ( صوت من مصر )
نورتني جدا
وانت كاتب كلمه واحده
بس بجد بأجمل المعاني
دمت بكل خير

ساسو يقول...

السكره ( الحب الجميل)
بجد كان نفسي جدا
بس صدقيني ظروفي حاليا مش تسمح ابدا
لو في اي فرصه بعد كده
بجد هأكون فرحانه
وبجد انا هموووووووووت واشوفك

ساسو يقول...

صديقي احمد (موجه)
مرسي كتير لزوقك
وبجد مرورك اسعدني جدا
وبجد نورتني أوي

في رعايه الرحمن

ساسو يقول...

صديقي محمود (باحث عن حب)
مرسي كتييييير لزوقك
وسؤالك الجميل عني
وبجد دي حاجه اعتز بيها جدا
وان شاء الله اول ما احس ان مودي اتظبط
هاكتب جديد

مرسي تاني لزوقك

ساسو يقول...

الجميله ( زكري رحيل قلم)
وعليكم السلام ورحمه الله وبركاته
مرسي جدا يا قمر
دا بس من زوقك ورقتك
انتي اجمل بجد

ساسو يقول...

صديقي ( كلام علي بلاطه)
نورتني جدا جدا جدا
وبجد انا سعيده جدا بمرورك
ومرسي علي كلماتك الجميله
دمت بكل خير

ساسو يقول...

صديقي well
نورتني جدا
وبجد انا فرحانه جدا بمرورك
ومرسي كتير علي كلماتك الجميله
ويارب دايما منورني

علاء المصرى كل يوم يقول...

مرحبا ساسو

خواطرك براقة

تحياتى

ساسو يقول...

صديقي علاء
مرحبا بيك
بجد نورتني
وسعيده بوجودك
ومرسي كتير لزوقك

محمود(باحث عن حب) يقول...

الف سلامه عليكى والله ياساسو
ربنا يبعد عنك الوحش يا رب
خلى بالك من نفسك
واكتبى عن تعبك ده
وحاولى تخرجى من مودك ده
وخليكى طبيبه نفسك
ومتستنيش حد يطلعك من المود ده
الا
ساسو

منتظرينك
انا اصلا
مش لاقى حاجه اكتبها
بجد
علشان كده
عاوز اقرأ
ولا ايه
متحرمناش
من
قلمك

ساسو يقول...

صديقي محمود ( باحث عن حب )
بجد مش عارفه اقولك ايه
انت انسان جميل جدا
وزوق لأبعد الحدود
وبجد مرسي كتير لسؤالك الجميل عني
وباذن الله قريب أوي هتشوف جديد

ربنا يخليك

كلام من قلبي يقول...

بجد تحفة

تسلم ايدك

ايه الحاكم ده اكيد محدش هيحكم احسن منو

Malooka Yousef يقول...

كلام جميل ياحبيبتى بجد انتى فنانة ويابخته بيكى لانه مش هيلاقى حد يحبه كده ويخاف عليه كده جميل اوى ربنا يوفقك يارب

ذكري رحيل قلم يقول...

ايه يا قمرايا اول مرة تغيبي كده كان ليك تقريبا كل يومين بوست جديد
انت فين بطمن عليكي

ساسو يقول...

حبيبتي الجميله ( كلام من قلبي )
ربنا يخليكي يا سكره
وبجد نورتيني جدا
وسعيده بمرورك الرقيق

ساسو يقول...

الرقيقه حبيبتي Malooka Yousef
مرسي يا حبيبه قلبي
بجد انتي اللي فنانه جميله جدا
وبجد بفرح جدا بكلامك ومرورك الجميل
ربنا يخليكي يا قمر

ساسو يقول...

حبيبق قلبي العسوله( ذكري رحيل قلم)
بجد انا كمان مضايقه جدا اني مش بكتب
بس والله كانت نفسيتي تعبانه جدا
لكن قريب أوي هكتب جديد
تسلميلي يا حبيبتي

amirelhob يقول...

بوست جميل اوى بجد كلماته خفيفه اوى ومسيه حتى فى القراءه بتاعته جميل السطور بتحكى على اللى بينها يمكن كلامه مش جامد زى اشعار تانيه بيبقى كلامها جامد ومعانى كتير فيها مش مفهومه بس بجد البوست دا فى معانى وافكار حلوه اوى فى طريقة السهل الممتنع ودا اكتر حاجه شدانى فيه

يا رب تكملى على كدا وتكتبى حاجات اكتر واكتر تخلى البلوجر يبقى فيه نسبه فرح ولو قليله شويه


ربنا يوفقك ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

صوت من مصر يقول...

فينك وفين جديدك

ساسو يقول...

صديقي amirelhob
بجد نورتني جدا جدا جدا
ومرسي كتير لزوقك
وكلماتك الجميله بجد بتسعد قلبي
دمت في رعايه الرحمن

ساسو يقول...

صديقي ( صوت من مصر )
انا موجوده
كنت بس تعبانه شويه
بس خلاص الحمدلله بقيت تمام
وهكتب جديد
مرسي جدا لسؤالك الجميل
وبجد انت زوق جدا

AbDeLrHmAn SaMi يقول...

جميله يا ساسو