Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

عذاب بعذاب


عارف كام مره أنا قولت عليك قاسي
عارف اني في يوم ندمت علي احساسي
عارف بجد ولا هتعمل فيها ناسي
لو ناسي أفكرك ما أنا أصلي علي أخري
وناويه أدمرك وأكون سبب لفخري
لأني قتلت حبك من غير أي عدوان
بطريقه تبين انك بجد صحيح غلبان
لأن من صغر سنك قلبك قلب جبان
وبيتظاهر بشجاعه وكأنه 100 تعبان
وطريقتي هي اني ألفت عنك كتاب
كاتبه فيه حقيقتك عنوانه عذاب بعذاب
بحكي عن طفولتك لأيام الشباب
أد ايه كنت ظالم وأد ايه كداب
وهأديه للناس مجاني يلا اكسب ثواب
بس اطمن هيكون مش بسهوله يتجاب
مش أي حد يدخل ياخده دا يبقي انسياب
لازم قبل الدخول يخبطلي علي الباب
وساعتها أديهوله وأديه عليه كادوه
وهي كام نصيحه علشان اسمك ينسوه
وبكده خلاص هأكون انتقمت منك
وخليت الناس بسهوله قوام تبعد عنك
وهأكون مرتاحه قوي لأني مش ظلماك
دأنا مش كاتبه كتير يعني كمان كرماك
وأوعدك أول ما قلمي يخلص كتابه
هاديك منه نسخه ماهو كله بحسابه

21 التعليقات:

بلقيس يقول...

مساء الورد ساسو



ما اجمله من ابداع
هل هاذا الرجل سفاح ؟!
لاتبكي حروفك خلي نفسك ترتاح
هذه الدنيا وكل يهدي الكل الجراح
لربما هي طباعنا كبشر الله يهدينا
ياوفية اسعدني الوجود
وشكرا على الطلة من هناك

كوني بسلام
والحزن زائل
وشمسك ستشرق
باذن الله

سلامي لأجمل أخت

غير معرف يقول...

لأ لأ ياساسو
إيه اللى بيحصل ده ؟؟؟!
وليه القسوة دى كلها ؟
لأ طبعا مش دى ساسو اللى نعرفها أبدا
الطيب أحسن وبلاش الأسية مش يمكن تكونى ظالماه المسكين ولا تكونى فهمتيه غلط هههههههههههههه
أنا شايف انك تديلو فرصة تانية قبل منقوله نفسك فى ايه قبل ما تموت هههههههههه
شايفك بقيتى ( أمير الانتقام يا ساسو ) ههههه
بس بجد قصيده فى الجووووووووون
برافوا عليكى يا ساسو يا قمر
مساء الفل أختى الكريمة ..

مضاد حيوي

ساسو يقول...

اخي العزيز مضاد حيوي
مساء الفل
اشكرك علي كلامك الجميل
وانا عارفه ان الطيب احسن وكل حاجه وانا اكتر واحده طيبه في الدنيا كلها ومش شكر في نفسي والله بس انا قولت اجرب القساوه شويه لما اشوف كده ايه اللي هيحصل ولو منفعتش معايا أمري لله ارجع للطيبه تاني هههههههههه
بس حرام عليك امير الانتقام مره واحده لأ بالعكس والله
بس بجد بجد نورتني اوي
تحياتي وياريت تكون قريب متغبش كده

ساسو يقول...

مساء الجمال اختي الحبيبه بلقيس
بشكرك جدا علي التواصل والكلام السكر دا كله
يارب يخليكي ليا يا اجمل بلقيس في الكون كله

غير معرف يقول...

شكرا لكلامك الجميل يا ساسو
دمتى بالف خير
فتحى المزين
مدنة حالة من الشجن

غريب الدار يقول...

صباح الورد

قرات حرف عتاب مؤلم جدا
لقد جعلت هذا الوسيم
يتسكع كليل اضاع من خوفه النجوم
وبقى وحيدا

صديقتي
عزفك على الحرف هو الجمال
ان كان حرفك للحب او للعتاب
انت اكثر من رائعة

لله در اللحظة التي فيها تكتبين

باقة ورد جورية

abdo.m يقول...

وهأكون مرتاحه قوي لأني مش ظلماك
دأنا مش كاتبه كتير يعني كمان كرماك
وأوعدك أول ما قلمي يخلص كتابه
هاديك منه نسخه ماهو كله بحسابه
_________________

الاخت العزيزة ساسو
انا بجد معجب جدا بالقصيدة دي و بكل صراحة شايفها من احسن القصايد اللي قريتها في مدونتك الجميلة والابيات اللي فوق دول احسن الابيات بالنسبة لي ...
تقبلي تحياتي

ساسو يقول...

اخي الغالي فتحي المزين
اهلا بيك بجد نورتني جدا جدا وياريت تفضل تنورني دايما

ساسو يقول...

اخي العزيز غريب الدار
كلماتك كلها نور وفرح وسعاده
نورتني يا باشا

ساسو يقول...

اخي الغالي عبده
شكرا جدا يا صديقي العزيز علي وجودك
وتعليقاتك تهمني اوي وبجد منورني

modcena يقول...

بعد كلامك الجميل دة كلة
لسة قاسى عليكى؟؟

اعتقد لالالالا
تحياتى
قلماوى

ساسو يقول...

اخي الغالي قلماوي
شرفتني ونورت مدونتي

غير معرف يقول...

الاخت ساسو
صباح الخير
المرة دى بجد برافو عليكى
تحياتى ق
دمت بخير
شريف

ساسو يقول...

اخي العزيز شريف
نورتني يا صديقي
وبشكرك علي وجودك الرقيق

غير معرف يقول...

القموره ساسو
اشبهك بالقمر يامن سكنتي القلوب
فظيع هذا الشعر

عـــــــزيـــــز مـنـيـر يقول...

أشـــــــــــــــــكــرك

جوري يقول...

لا بجد جمييييييل يا ساسو
كلماتك رائعه مؤثره معبره محسوسه
ربنا يوفقك يا قاااااااااااااااسي

محمود العزاوي يقول...

القسوه مش طبعي
الطيبه نهري ونبعي
انا ورده بزرع فرح
لما تشوفني العين
ولو كف قاسي قطعني
اذبل مع المساكين
ولا عمري عرفت اجرح
رغم اني شفت جراح
ومهما فلبك قسي
ومهما ظلمني ونسي
هفضل انا مرتاح
اظلمني واجرح براحتك
ولاعمري استسلم واموت
عذبني زي معايز
هعذبك بالسكوت

ساسو يقول...

محمود العزاوي الغالي
ايه يا عم الجمال ده انت كده غطيت عليا
دمت بألف خير

محمود العزاوي يقول...

انتِ الأصل
أنا مجرد ضيف أحاول أن أجاري احساسكِ الجميل
وأسجل إعجابي بهذه اللهجة التي تستثير القلم
وتدفعني أن أترجم مشاعري باستخدامها
وعذرا إن أخطأت بمفردة ما ولكنني سأدرب قلمي أن يكتب بها

أرجو لكِ أسعد الأوقات

ساسو يقول...

ياباشا انت الاستاذ والله
وبجد كلامك جميل أوي وبيسعدني جدا
ومرورك بيشرفني
ده كفايه ان فنان زيك بيقرا لمبتدأه زيي
بجد نورتني يا صديقي
كن بالقرب دائما