Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

لأني عنيده

مش بتعرف غير تبقي أناني
تسبني قلبي وحداني
تعيشني في دنيا غريبه
وفي حيره ودموع من تاني

تفرح لما تشوف دموعي
وتستني لحظه رجوعي
تخطط في جرح جديد
يهزمني ويطفي شموعي

كنت باديلي بقلب طيب
حبك كان مني قريب
أتاري حبك اكبر غلطه
وأكتر حاجه تتعيب

يا اول كدبه صدقها قلبي
أندم عليك لا وربي
انت حد مايستاهلش
أسلملو لو مره حبي

انت يا أناني راحت عليك
وبكره بعادي هيبكيك
لأنك خلاص خسرتني
شوف بقي مين يداويك

خسرت قلب اشتراك
وكتير كان بيستناك
وقدرت ابعد عن قلوب
واختارتك بس اختارت هواك

بس عارف أنا سعيده
لأني بقيت في دنيا جديده
الدنيا اللي انت مش فيها
هعيش فيها لأني عنيده

21 التعليقات:

الشاعر الفنان أحمد فتحى فؤاد يقول...

ساسو

لا يستحق الحياة ابدا من عاش لنفسه فقط

و لا يستحقنا من فكر حتى مجرد التفكير فى الغدر بنا أو الإستهانة بإحساس أو شعور واحد جمعنا به

برافو عليكى

كلامك دايما جميل

تحياتى

ツSmiLeY AnGeLツ يقول...

ايوة كده خليك ق وية وعنيده
كلام جميل جدا وحده مكسورة من بعد حبيبها بس مش مبينه له تظهرت له بشجاعتها وقوتها

استمري بابداعاتك ياعثل ^_^
تقبلي مروري

faroukfahmy يقول...

بينى وبينك هو لا يستحق هذه الاشعار الرقيقة ولا الوقت الذى استغرق فى اعدادها ولا حتى التعليق على ما فعله
مع تحياتى الخالصة
الفاروق

ابراهيم رزق يقول...

جميلة و احساسها جميل

لكن مش عارف ليه روح الانتقام و الهجر اللى مسيطرة على احساسيك فى الاغنية دى و الاغنية السابقة
عايزين روح تفاؤل و امل و سعادة

تحياتى

غير معرف يقول...

صباح الغاردينيا ساسو
ورغم العناد يبقى الحنين
ورغم وجع الحرف يبقى إبداعك"
؛؛
؛
لروحك عبق الغاردينيا
كانت هنا
reemaas

هبة فاروق يقول...

العند صفه رائعه ..احبها لانها جزء منى وجزء اساسى
جميله اشعارك
تحياتى

ساسو يقول...

الشاعر الفنان احمد فتحي فؤاد

فعلا لا يستحق حبنا الا من كان جدير به
ولا يستحق لحظه تفكير
ولا حتي لحظه ندم

نورتني كتير يا اجمل شاعر في الكون

ساسو يقول...

خواطري مع الحياه

روشا حبيبي طبعا انا قويه زي ماتعرفيني

بس انتي اكتر واحده عارفه ان كلامي دا خواطر مش اكتر
انتي عارفه ايه في القلب ههههههههههه

نورتيني يا روشا يا قمرايا

ساسو يقول...

faroukfahmy58

استاذي الجميل فاروق
فرحت كتير بمرورك الرقيق
وكلماتك وسام علي صدري
نورت الكون يا استاذي العزيز

ساسو يقول...

ابراهيم رزق

والله لا روح انتقام ولا حاجه
دي هي مش اكتر من خواطر

نورت الكون يا استاذي
وبجد فرحت كتير بوجودك هنا

ساسو يقول...

ريمااااس الجميله

صباحك جميل يا ريموووو
نورتيني كتير يا قلبي
وبجد انتي الاجمل

بحبك كتير

ساسو يقول...

هبه فاروق

هوبه الجميله
نورتي الدنيا كلها يا بسكوتايا
انتي الاجمل بجد
كلك زوق

سواح في ملك اللــــــــــــــــــه- يقول...

ساسو الرقيقة العنيدة

انا مبسوط جدا انك رجعتي

تمتعينا من تاني بكلماتك

تحيتي لشاعرتنا ساسو

شهووووده يقول...

جميله قوي وبسيطه ... سلمت اناملك

الاحلام يقول...

وهل يوجد فى الدنيا انسان تحبه حبيبته مثل هذه الحب ويبخل عليها بالحنان والحب
اذا هو انسان انانى ولا يستحق ولو نظره حنان واحده
عموما كلماتك دائما جميله ودائما يروق لى قراْة كلماتك فانها تؤثر فى داخلى كثيرا جدا
يسلم قلمك الجميل وتسلم صاحبه القلم الجميله الرائعه ساسو
تحياتى ابوووووووووووووووووداود

جايدا العزيزي يقول...

عام مضى.... بكل ما فيه من اعمال خيرها و شرها .. جعل الله جميع اعمالنا مباركة صالحة .. وأن يغفر الله خطايانا و ذنوبنا..
و عام نستقبله بكلّ الأماني .. و تجديد النيّة فيه بان تكون جميع أعمالنا خالصة لوجه الله .... و العزم على التقرب لله تعالى .. في الصالحات من الاعمال و الافعال

اسمى آيات التهانى و التبريكات الى جميع الاخوة والاخوات ... و الامة الاسلامية و العربية .. بهذه المناسبة العظيمة .. جعلها الله سنة خير و بركة...

و نصر الاسلام و المسلمين ... في شتى بقاع الأرض
كـــــــــــــــــــــــــل عــــــــــام وأنتم بخـــــــــــــير

ساسو يقول...

محمد سعد القويري
باذن الله
وبالتوفيق دايما

ساسو يقول...

صديقي سواح في ملك الله
اجمل حاجه في الدنيا هي وجودك هنا
لان دي فعلا حاجه كبيره بالنسبالي
نورت الدنيا بكلماتك
دمت بود يا اجمل سواح

ساسو يقول...

حبيبه قلبي شهووووده
كلك زوق يا قمري
نورت الدنيا
دمتي بحب

ساسو يقول...

صديقي الاحلام
بجد كلماتك جميله اوي
عندك حق في كل حرف كتبته
اللي ميقدرش الحب وميعرفش يحافظ عليه يبقي ملوش مكان في حياتنا
وميستاهلش اي دمعه حزن عليه

نورتني كتير
تحياتي لاجمل ابو داوووووووود

اشعار يقول...

جميل جدا جدا