Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

استراحه

بجد انا زعلانه اوي لأني بشيلكم همي
وتعبتكم معايا
حزني بجد غصب عني مش بايدي
قولت اخد استراحه شويه
ومش عارفه هرجع تاني ولا لأ
مش عارفه هتطول ولا ايه؟
لاني بجد أكتر انسانه حزينه علي وجه الأرض
بجد مش عايزه اسيبكوا او ابعد عنكوا ابدا
بس الحزن تعبني اوي وأثر عليا
حياتي وحشه أوي
بجد بحاول كتير جدا افرح وانسي حزني واخرج نفسي من همي اللي بقي عايش جوايا
بس كل ما أحاول تيجي حاجه تمنعني والقا الحزن يسكن قلبي من جديد
مع اني لسه صغيره لكن مش عارفه ليه حظي قليل اوي
كل حاجه حلوه مبقتش ليا
بجد تعبت أوي
انا لو جبل شاف اللي شوفته كان نطق
متزعلوش مني لو اتأخرت عن مدوناتكوا
بس صدقوني غصب عني
مفيش قدامي حل تاني
غير اني ابعد عن كل حاجه
واشوف الدنيا هتاخدني لفين
وهتعمل فيا ايه
بس ابقوا افتكروني
لو مرجعتش تاني ليكوا
وانا عمري ما هنساكوا
مهما حصل
ومهما الزمان اتغير


سلام يا أرق صحبه في الوجود

30 التعليقات:

Carmen يقول...

ليه بس يا ساسو بتقولي كده والله ربنا وحده اعلم ان احنا هنا كلنا اسرة واحدة وبنحبك وبنقلق عليكي فترة وهتعدي باذن الله واحنا مستنينك وفاكرينك دايما ماتتأخريش علينا بقي
وردة لعيونك

محمد التركى يقول...

السلامو عليكم

ليه بس كده ياساسو ليه
طيب هتبعدى هتستفادى ايه
حد اشتكالك ياستى من شيل همك احنا عاجبنا همك
ياستى انا مستعد اشيل الدوبل هاتى وشيلينى بس متبعديش ارجوكى

هتبعدى عننا ليه بس احنا عملنالك ايه
والله انا بشوف المرار فى حياتى بس اول مابدخل البلوجر وانزل بوست اشوف بوست عند اى حدامن الناس اللى بحبهم بنسى الدنيا وهممها
لكن تبعدى لالالا مش ده الحل ياساسو
وانتى من الناس اللى الواحد حبها وحب كلامها واشعارها وتألفها
تسبينا كده بسهوله وتبعدى
هنهون عليكى
بالله عليكى عيدى التفكير من تانى
ارجوكى
ربنا يهديكى يارب كده وتفكرى
ارجوكى ياساسو ماتبعديش

يارب يفك كربك يارب وترجعى فى اقرب فرصه

لا اله الا الله

محمـــد التركــــى

غير معرف يقول...

ساسو
ربنا يرجعك بالسلامه
كلنا بنحتاج وقت نبعد فيه
حاولى ترتبى افكارك من تانى
عشان تقدرى تكملى حياتك صح
متتأخريش علينا
تحياتى

اميرات الاسرار يقول...

ليه كده بس
مش لازم تخلى حزنك يهزمك لا خليكى قويه اكتر من كده واهزمى انتى حبك بايديكى

وان شاء الله هترجعينا تانى انتى بس تاخدى فترة صغيرة كده تراجعى فيها نفسك بس مش تبعدى عننا ومش تكتبى تانى

ربنا يوفقك يارب ويسعدك وتبقى دنيتك كلها مليانه فرحه يااااااارب
هتوحشينا والله

زهراء

سندباد يقول...

السلام عليكم
كلن بنمر بنفس الحالة بس بتعدي وبنقدر نرجع زي الاول
افضل نعمة عطاها الله سبحانه وتعالي لنا هي النسيان والتعود علي الظروف المحيطة
ادعو الله لك ان يفرج عنك همك ويريح عقلك وقلبك
وكلنا في انتظار العودة السريعة
تحياتي

الشاعر الفنان أحمد فتحى فؤاد يقول...

ساسو

أولا سلامتك

ثانيا مافيش حد و لا حاجة أبدا يستاهل كل الحزن ده

ثالثا فايدة الأصدقاء الحقيقين إنهم يبقو جنب بعض مش تبعدى عنهم

رابعا ممكن ترتاحى شوية لغلاية ماتهدى و بعددين ترجعى .. لكن تأكدى إن عندك أصدقاء و إخوه فى إنتظارك

خامسا الأهم من كل ده .. الصلاه و التقرب إلى الله هم الباب الملكى للراحة النفسية و الهدوء الأكيد و التصالح مع النفس
هذا هو الحل

ترجعى بالسلامة

دمتى بخير

tamer يقول...

اولاً انا اشكرك علي المرور علي مدونتي ، بس مشمعقول في اليوم اللي امر فيه عليمدونتك القيكي قررتي الاستراحة ومش عارفة راجعة ولا لأ !!!!!
ثانياً مر الواحد ما يحبيسيب نفسه للدنيا تاخده زيما هيه عايزه ، دا قمة اليأس ، انا مريت بحاجات كتيرة جداً جداً جايز اصعب من اللي بتمري بيه او اقل لكن لغاية دلوقتي ما استسلمتش زيك ، انا اسف ، لكن انا شايف اشعار جميلة وافكار رائعة واحسن حاجة لسه انتي ما كتبتيهاش ، لو مش عايزه تكتبيها مين اللي ممكن يحسها ويكتبها ، طب لو انا عندي مشكلة ومشلاقي حد احكي معاه ، من حيسمع كلامي وهمومي غير صديق، اياً ما كانت المشكلة المفروض انا ادي نفسي استراحة منها ، مش ادي نفسي استراحة من الحاجة اللي بحبها علشان اتفرغ للمشكلة وبس ، انا بقالي كتير قوى بكتب اشعار محدش بيقراها غيري ، ووصلت اني حرقت اوراق كتير عندي ، وقررت ادي نفسي استراحة زيك من الكتابة حسيت بعد شوية اني مخنوق قوى ومش عارف اعمل حاجة وقدراً من عند الله قابلت واحد صاحبي قرا اللي بكتبه ونشره في مدونته واقنعني بنشر الباقي ، وانتي واسامة ورامي اول ناس بجد تقرا اللي بكتبه وانا مش عايز اخسر حد من التلاته اللي بعتبرهم اول تلات صاحب ليا بعد استراحتي الطووووووويلة ياريت المرة الجاية الاقيكي كتبه حاجة جديدة بتهزمي فيها الهموم وتنزلي بيها شوية من الجبل الكبير ، اسف الف مرة لاني طولت لكن بجد انا شايف موهبة كويسة جدا حرام تاخد استراحة دلوقتي ..
وشكرا مرة تانية علي المرور الكريم لمدونة الجوزائي اللي اتشرفت !!!!

Tarkieb يقول...

الف سلامة يا ساسو....اكيد عين وحشة ...

باحث عن حب يقول...

اللى بتعمليه فى نفسك
ده حرام
حرام تقفلى على نفسك
عودى
واكتبى وفضفضى

همسات وبحــ الحياه ــر يقول...

سااااسووو
ليييييه كدا
لالالا
لازم ترجعى
بجد التدوين له طعم بيكى
ربنا يصلحلك حالك وييسر امرك
حبيبتى
ابقى طمنينا عليكى

بيتنا القديم يقول...

لا وقت للحزن ...
ولا حزن مع الوقت...!
(:
فترة وتعدي والجاي احلي..!
أحسني الظن بالله وتوقعي الخير تجديه بعد خطوتين من الآن..!
(:
تحياتي

FAW يقول...

ليه يا ساسو كده بس
علي فكره الكتابه ساعات بتريح
وبعدين لما تتكلمي مع حد مش هتكتأبي بعكس لو كنتي لوحدك
إجمدي كده ومتقطعيش

mrmr يقول...

مش عارفه اقولك ايه ولا اواسيكى بايه
لكن ربنا يرفع كل حزن قلب ويرفع عنك الهم والغم والحزن ويفرح قلبك
خدى اجازتك وريحى اعصابك
لكن مش تتاخرى علينا
المدونه صديقتك وطفلتك ومش ح تقدرى تبعدى عنها واحنا اصدقائك اللى لازم نكون جنبك فى وقت ضيقك
ربنا يسعدك يا غاليتى

يمين فى يمين يقول...

هتوحشينا يا ساسو

اقدم عاصمه فى الحب يقول...

??????????????????

اقدم عاصمه فى الحب يقول...

إزاى يعنى ...؟!
هى كده يعنى ..؟!
ماينفعش طبعاً
فكرى تانى وبالراحه
ربنا معاكِ

مدونة رحلة حياه يقول...

السلام عليكم
يا ابنتى لا تجعلى الحزن يقتلك فما جعل الله الابتلاء الا ليطهرنا ويرفعنا عنده قال الله ( ونبلوكم بالشر والخير فتنة والينا ترجعون ) وقال النبى ما يزال البلاء بالمؤمن حتى يلقى الله وما عليه خطيئة وانظرى الى ما اصاب غيرك يهن فى عينك مصابك
www.ourlife-accountant.blogspot.com دا عنوان مدونتى لو حبيتى تتطلعى عليها

Dr/ walaa salah يقول...

ايه يا ساسو اليأس ده

لا يا حبيبتي انتي لسه صغيره ومهما حصل الدنيا لسه فيها خير كتير اوي

وبعدين هتبعدي لفين

لازم تكوني معانا حتى لو جواكي هموم لما نشاركك فيها اكيد هتهون

امال احنا اصدقاء ازاي

لا يا ساسو انا مش موافقه على اللي الغياب ده

لازم ترجعي واحسن من الاول كمان ومتخليش الحزن يغلبك

جايدا العزيزي يقول...

ساسو

اذا قدرتى تستغنى عنا

نحن لانستطيع

ولذا ستعودى بسرعه

وايك ان تتاخرى

حاله وهتعدى باذن الله

مستنياكى
تحياتى

ツSmiLeY AnGeLツ يقول...

يابت ايه العبط ده
في ايه
بصي لو مارجعتي مابكلمك ولاتعرفيني
تفهمي
اليوم بالكثير بكرة لو مارجعتي وكتبتي شي
لنتي صحبتي ولااعرفك
تفهمي ولا بتستعبطي عليا
يلا سلام
مستنياكي.

ساسو يقول...

حبايبي واصحابي الغاليين
مرسي كتير علي تعليقاتكم الجميله
بجد هونت عليا كتير
وانا الحمدلله نفسيتي اتظبتط اخر حاجه
ورجعت من جديد
لاني مقدرش اغيب علي ارق صحبه في الوجود
تسلمولي يارب

شوية قهوة يقول...

مالك يا قمر
ايه بشس المزعلك ومتخفيش علينا احنا بنشيل احكي انتي بس وميهمكيش ديما بتيجي على الانسان فترة بيحس فيها انوا شايل هموم الدنيا كلها بس ان شاء الله فترة وهتعدي
واسفة على الغيبة الطويلة دي
بس انتي اوعي تغيبي كتير واكيد ان شاء الله رجعلنا تاني

2alam_Rosas يقول...

كلنا عندنا مشاكل ف حياتنا
بس الهروب منها عمره ماكان حل
مش ينفع تبعدى وتنعزلى عننا كدة
اتبي الى انتى حاساه وشاركينا همك
مين قال اننا متضايقين جربى انتى ومش هتندمى
مجرد مشاركتنا ليكي احزانك اكيد هيخفف عنك
ماهو احنا هنا كلنا اسرة واحدة

Ahmad يقول...

حمدالله ع السلامة يا ساسو

بئي أول ما اتابع مدونتك
تسيبيها كدا ^ _ ^

..
في انتظار الجديد إن شاء الله
وكل شيء بيهون مفيش حاجه
تستاهل صدقيني.

Admin يقول...

خليك هنا خليك
بلاش تفارق
ناس متمسكين بيك
بلاش تفارق
لو كنا غاليين عليك
بلاش تفارق
اوعى تبطلى كتابة او تفكرى تسيبى الناس اللى بتحبك دى كلها

Casper يقول...

صدقيني ساسو
الدنيا ما تسوى شيئا
اتركي الحزن يتركك
واذكر نفسي قبلك لانني بمر بظروف صعبة

=========

نسأل الله ان يخفف كربك ويفرج همك
اللهم آمين

وفي انتظار كلماتك

momken يقول...

هو احنا لزمتنا ايه لو موقفناش جنب بعض
بدل ما حد واحد فينا يموت من الوقفه لوحده

يمكن مبنقدمش كتير
ويمكن مبنقدمش حاجه خالص

لكن اهو بنحس ببعض

تحياتى

أسمعنى شكراًً يقول...

سمدلة على الحلامة

أهم حاجة أنك تكونى بخير
وحاولى تشوفى دايما المصلحة والمستفاد من الحاجة أللى بتضايقك
(ويجب عليكى أن تعلمى كل العلم أن الله سبحانة وتعالى لا يفعل إلا ماهو خير للأنسان)
(وعسى أن تكرهوا شيئ َ وهو خير لكم)

أمير البلانكو يقول...

saso
ازيك وحشتيني والله
ليه عايزة تسبينا وبعدي اعرفي ان في ناس تهمهم سعادتك والله ربنات يوفقك

حمد لله على السلامة يا قمر وربنا ما يبعدك عننا تاني

أسف جدا للغياب

أمير

modcena يقول...

السلام عليكم

الجميلة ساسو
مهما كانت همومك هاتنسيها ولو للحظات وسط اصحابك اللى بتحبيهم ويحبوكى

وبعدين اومال ايه فايدة الصداقة

ربنا يصلح احوالك ويفرج عنك كروبك وهمومك يا رب

تحياتى ومودتى