Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

دنيا


هي كده مهما عملنا

عمرها ما هتسيبنا في حالنا

دايما راح تملانا جراح

وتهدد مستقبلنا

هي كده دنيا حكايه

الغدر بتمارسه هوايه

والظلم أخداه ليها غايه

تهدم بيه كل أمالنا

احنا بجد صحيح مساكين

في بيوتنا وبنكون تايهين

بنصاحب أجدع خاينين

وننسي اللي ضحي علشانا

ما احنا اللي جبناه م الاول

لما سبنا الجرح يطول

والحب في قلوبنا اتحول

لدموع هزت كل كيانا

احنا اللي جبناه لروحنا

ما عرفناش نداوي جروحنا

بقي الحزن دلوقتي دابحنا

ومن مر الزمان أكلنا

هي كده دنيا فتوه

أخده كل شئ بالقوه

مبقاش فيها خلاص مروه

ودي قسمتنا ودا قدرنا


45 التعليقات:

الــحــــنـــــــــــــــــــين يقول...

بنصاحب أجدع خاينين

وننسي اللي ضحي علشانا

عندك حق يا ساسو بس احنا لازم منستسلمش للظروف مهما كانت الواقع احنا اللى بنبنيه اما القدر شىء مكتوب علينا منقدرش نغيرو شعرك جميل جدا يا ساسو احلى شىء الشعر الحر وكل سنة وحضرتك بخير عيد سعيد

باحث عن حب يقول...

ساسو
هونى
على
نفسك
الدنيا سجن المؤمن وهى كده
الجىء الى الله
حفظكى الله

Dr/ walaa salah يقول...

يا حبيبة قلبي يا ساسو الحياه زي ما فيها الوحش هنلاقي فيها الحلو بردوا

بس احنا ندور عليه شويه وهنلاقيه

كلماتك حزينه اوي يا ساسو

بتمنى المره اللي جايه الاقي الفرحه بكلماتك


دمتِ بود وتألق

Ahmad يقول...

جميله جدا..وهو ده حال الدنيا فعلا

سعيد بوجودي في مدونتك لأن كتاباتك عاميه علي حسب ما لاحظت ومش كتير اللي بيمارس النوع ده من الكتابه بشكل جيد.

تحياتي..واسمحي ليه متابعه مدونتك.

..
أحــــم ــد

2alam_Rosas يقول...

جميلة المدونة ياساسو زى كل مرة
بس نفسي كفاية حزن
وبلاش نبص لربع الكباية الفاضى
خلينا فى التلت اربع التانيين

سندباد يقول...

وما اكثر الغدر والخيانة والخداع في هذه الدنيا
اعاننا واعانك الله
تحياتي لبنات افكارك ولاسلوبك السهل البسيط
كل سنة وانتي طيبة

mrmr يقول...

الدنيا غداره
مالهاش مراره
نستحمل كل شقاوتها
ونعديها بكل قساوتها

كلماتك جميله يا ساسو
دام قلمك
وجمتى مبدعه

ツSmiLeY AnGeLツ يقول...

السلام عليكم
كيف حبيبت قلبي؟
عن نفسي شايفة ان الحزن ماليكي ومالي حياتك
لازم تهوني على نفسك ولو بشي بسيط دوري على شي يفرحك ويخرجك من هذا الحزن ولو للحظات
ربنا يوفقك ويصبرك على بلواك
تقبلي مروري
سلامي لاجمل وارق واحلى احب اخت وصديقة.

اقدم عاصمه فى الحب يقول...

السلام عليكم

"" دنيا ""

رسمه حلوه ..
تسلمى يا قمر كلمات جميله اوى ومرتبه
خاليه من الامل والحمد لله :)
داما يا رب فى سعاده :)
ودى وإحترامى :)

غير معرف يقول...

ربنا يسعد قلبك يارب
استهدى بالله يا ساسو
ربنا يكرمك

Carmen يقول...

جميلة اوي ياقلبي وحزينة جدا
بس صدقيني ولا حد يستاهل
اللي بنحبهم النهاردة بكرة يجرحونا
وساعتها تبيعيهم حتي لو بكرة اشتروكي بكنوز المال
لان اللي يبيع حبه مرة يبقي سهل يبيع نفسه الف مرة
اسلوب رائع حبيبتي
تحياتي

علي الطيب يقول...

يا للجمال ، يا ساسو
كل عام وأنتم بخير

BNT ELISLAM يقول...

يوم لك
ويام عليك
ربنا يريح بالك
ويهديك للخير ليكى

عمرو يسرى يقول...

بنصاحب أجدع خاينين

وننسي اللي ضحي علشانا


هو دا حالنا وبعدها نعيب على الدنيا

Casper يقول...

تلك هي الدنيا ولو لم تكن كذلك ما كانت دنيا

=======

كلمات لها معنى عميق واسلوب سهل ووصف جميل

هذه اول زيارة لي وان شاء الله لن تكون الاخيرة

بالتوفيق دائما
تقبلي مروري

Casper

غير معرف يقول...

تقبل مروري

ساسو يقول...

صديقي محمد (الحنين )
كل سنه وانت في سعاده وفرح دايما يارب
مرورك بيسعد قلبي جدا يا محمد
وبجد كلماتك بعتز بيها جدا
تحياتي

ساسو يقول...

صديقي محمود (باحث عن حب )
انا راميه حمولي كلها علي ربنا
وبلجأله في كل حاجه

نورتني جدا جدا
ومرورك شرف ليا
دمت بود

ساسو يقول...

حبيبتي اجمل ولاء
طبعا يا قمري
وانا مؤمنه بكده كويس اوي
بس ساعات لما بيبقي الجرح واجعنا بنكتب كلام صع وبنشوف كل حاجه في حياتنا وحشه اوي

ربي يخليكي ليا يا جميله
وبجد بفرح جدا جدا بكلماتك ومرورك

ساسو يقول...

صديقي أحمد Samoura
انا اللي سعيده جدا بمرورك الرقيق
ووجودك لاول مره
بجد نورت المدونه كلها
ودايما يارب
بجد متابعتك لمدونتي المتواضعه شرف كبير جدا

دمت بكل خير

ساسو يقول...

حبيبه قلبي florieda
انتي اللي جميله جدا يا قمري
واوعدك هحاول انسي الحزن ولو لفتره
وأخليني في تلت اربع الكبايه الفرحانه
نورتيني جدا يا اجمل بنوته

ساسو يقول...

صديقي سندباد
الغدر والخيانه والظلم بقوا هوايا
وأداه الكل بيستخدمها في حياته
بقي من السهل جدا ان اي حد يغدر بحبيبه ويخونه ويقسي عليه
مرسي كتير لزوقك يا سندباد التدوين
وكل سنه وانت بخير وسعاده

ساسو يقول...

حبيبه قلبي مرمر
نورتيني يا ارق مرمر
وانتي اللي جميله بجد
ربي يبارك فيكي يا قمري

ساسو يقول...

حبيبتي اجمل واحن رشا في الوجود
وعليكم السلام يا قمري
هو من جهه ماليني اه ماليني ومسيطر عليا اوي
المشكله اني لو حاولت افرح بتيجي حاجه تاخد فرحي والقا الحزن سكن قلبي في ثواني
مش عارفه ليه
حظي قليل اوي يا روشا
تسلميلي ويسلملي كلامك الجميل

ساسو يقول...

صديقي احمد ( اقدم عاصمه في الحب )
بجد وجودك الاجمل والاجمل
هههههههه
اه هي كلمات بعيده جدا عن الامل والتفاؤل
بس اعمل ايه
هو دا حال الدنيا
مرسي كتير علي الدعوايه الرقيقه
دمت بكل خير

ساسو يقول...

حبيبه قلبي ( الحب الجميل )
يارب يا قمري
ومرسي علي دعوايتك الرقيقه جدا
تسلميلي يا سكره

ساسو يقول...

حبيبتي اجمل كارمن
عندك حق والله
اللي يبيع قلب حبه وفضله عن كل الناس
منثقش فيه
لان من السهل يبيع ويجرح من جديد
تسلميلي
ويسلملي تعليقك العسول

ساسو يقول...

صديقي علي الطيب
نورتني جدا بعد غياب طوووويل
وبجد فرحت جدا برجوعك من جديد
كل سنه وانت بخير
ودايما يارب في سعاده

ساسو يقول...

حبيبتي بنت الاسلام
يااااارب يا جميله
مرسي كتير علي دعوايتك الرقيقه
نورتيني جدا جدا

ساسو يقول...

صديقي عمرو يسري
احنا بنعيب علي الدنيا لانها فعلا تستحق كده
لان مبقاش فيها راحه خالص

نورتني جدا يا عمرو
تحياتي

ساسو يقول...

صديقي كاسبر
عندك حق هي دي الدنيا
مهما حصلنا فيها
لازم نرضي ونعيش

بجد شهاده اعتز بيها جدا
وبجد نورتني جدا لاول مره ودايما يارب
دمت بكل خير

ساسو يقول...

صديقي ( يوميات شحات )
مرورك شرف ليا
وبجد بتنور الدنيا

جايدا العزيزي يقول...

ساسو

حقا رائعه الخاطرة

وهو ده فعلا حال الدنيا

اجدتى التعبير

تحياتى

سمير الطاهر يقول...

الله الله
كلماتك جميله جدا
تسلم إيدك

Tarkieb يقول...

اديكي اعترفتي على نفسك. بتصاحبي الناس الخاينين وبتنسي الناس الحلوين..ماشي ياساسو خليهم بقى ينفعوكي الناس الوحشيين دول وبعد كدة تقعدي تندمي حظك ..الله ينور

يمين فى يمين يقول...

ياريت الدنيا تسمعلك وتقدر يوم تجمعلك

الى تتمنية

والفرح والطيبة ترجعلك

حقيقى يا ساسو كلماتك دى


مليانة احساس

مافيش تعليق اقولو او اعبر بية عن هذا الكلام

غير انى ااقول بس

كملى يا امبراطروة

مكتبتك الرائعة


ودى واحترامى

غير معرف يقول...

لسلام عليكم و رحمة الله و بركانه

حبيت أمسي على :ل الاخوة


تقبلو مروري

ساسو يقول...

حبيبتي جايدا العزيزي
مرسي يا قمري
دا بس من زوقك
نورتيني جدا يا اجمل جايدا

ساسو يقول...

صديقي سمير الطاهر
مرورك الاجمل يا سمير
وبجد فرحت جدا بيه
وبجد نورت المدونه كلها
دمت بود

ساسو يقول...

صديقي تركيب
نورتني جدا جدا جدا
وبجد انت دمك زي العسل
والله العظيم بفرح جدا بتعليقك
وبوجودك هنا
تحياتي

ساسو يقول...

صديقي أحمد (يمين في يمين )
يسلملي كلامك الجميل
بجد انت زوق اوي يا احمد
وبجد ببقي فرحانه جدا بوجودك
ربي يبارك فيك

ساسو يقول...

صديقي ( مدونه الامل )
وعليكم السلام ورحمه الله وبركاته
اجمل وارق مسا
مرسي كتير لزوقك
دمت بكل خير

جايدا العزيزي يقول...

كل عام وانت بخير

كل عام وانت الى الله اقرب وعلى طاعته ادوم

عيد اضحى مبارك

اعاده الله عليك بالخير واليمن والبركات

ويارب العام القادم تكون عند الحبيب المصطفى

عيد سعيد

تحياتى

بوسي يقول...

تسلم ايدك بجد كلمات حلوة قوى وطريقتك جميلة
الامل هو اساس كل شيئ لو راح يبقا روحنا
خلى عندك امل واوعى تخلى حزنك يغلبك مهما حصل

محمد التركى يقول...

اختى العزيزه
ساسو

سامحينى انا اتأخرت عليكى
بس غصب عنى معلش

شغلى الجميل اللى بموت فيه موووووت
ههههههه

سافرت فى اول ايام العيد
الناس كلت لحمه وانا كلت على قفايه
هههههههههه

من الشغل ياعنى

المهم ايه الكلام الجامد ده يافنانه

والله انا من اكتر الناس اللى الظروف دايمآ جت عليا
ياله مش مهم بقى

تحياتى ليكى يااجمل ساسو

محمـــد التركـــى