Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

عذابي وحيره قلبي


عايزه ابعد عن كل الدنيا

لاني ملقتش فيها راحه

كرهت كل حياتي

ويئست وبصراحه

مبقتش عارفه اعيش

يا مر الزمان متجيش

يا قسوه سكنت حياتي

خلتني خلاص مساويش

يا خوف ملا حبي

بعد ما راحو حبايبي

بعد ما سابوني

أنزف انا وقلبي

طول عمرك يا قلبي حزين

بتقاسي ومش عارف مين

مين يا قلبي حبيبك

ومنين مر السنين

وانتي يا عيوني

حبيت الدموع فيكي

انجرحت ودي قسمتي

ولو كان يا عيوني يرضيكي

تعيشي باقي الحياه

ودموعك سبقاكي

وكل كلمه أه

هتبقي هي دواكي

الزمن وخلاص فهمته

وعرفت ايه نصيبي

موافقه انكوي بناره

ومبقاش حد حبيبي

عمرك يا جروحي ما هتطيبي

ولا يا دمعه عيني هتغيبي

ولا يا قلبي هتتهني

هتعيش دايما في نار

مش قادر تطول الجنه

حبيت بجد عذابي

وانا في عز شبابي

يا هم الأيام تعالا

هفتحلك أوام بابي





31 التعليقات:

عمرو يسرى يقول...

جميله جدا
بس ده استسلام ولا هروب

FAW يقول...

ليه الأسي ده كله يا ساسو . !!

الــحــــنـــــــــــــــــــين يقول...

حزينة اوى زى حياتى بالظبط قولتى اللى مقدرتش اقوله جميل احساسك اوى يا ساسو

mrmr يقول...

كلمات كلها الم وحزن وعذاب
لكنها كلمات جميله
ربنا يفرح قلبك يا حبيبت قلبى

غير معرف يقول...

ساسو
نفسى اخدك فى حضنى واطبطب عليكى
ربنا يسعدك
مش عايزة اقولك ايه حالتى وانا بقرى كلامك
اسفه

ساسو يقول...

صديقي عمرو يسري
مرورك الاجمل بجد

انا بقيت راضيه بقسمتي
وعرفت خلاص حظي في الدنيا
تحياتي

ساسو يقول...

صديقي مصطفي FAW
لأني عايشه فيه
مالكني ومسيطر عليا
الاسي والحيره والعذاب بقوا عنوان حياتي

نورتني جدا يا مصطفي

سندباد يقول...

ولما نقعد نفضفض كمان منلقيش حد يسمعنا لنا الله
جميلة اوي كلامتك عميقة رغم بساطتها
والصورة معبرة اوي اوي
تحياتي

ساسو يقول...

صديقي محمد ( الحنين )
يالا يا محمد نتحد مع بعض ونكون كوكتيل أحزان
دايما الحزن هو اللي غالب علي حياتي
ودايما هو اللي بينتصر في الاخر

نورتني جدا يا محمد
دمت بخير

ساسو يقول...

حبيبتي مرمر
اصل الحزن بقي في طريقي دايما

انتي الاجمل يا مرموره
مرسي يا حبيبتي

ساسو يقول...

حبيبتي ( الحب الجميل )
ياريت يا حبيبتي
لاني بجد نسيت طعم الحنان
من كتر الاحزان
قلبي بقي مجمع حزن وجراح ودموع

نورتيني يا حبيبتي
وسلامتك

ツSmiLeY AnGeLツ يقول...

عمري وحياتي وصديقتي واختي
سوسو ايه حصل
طيب انا رحت فين
والاتفاق الي مابينا عايزة تسيبيني
مش كده
ارمي كل شي وارء ظهرك
عيشي
طنشي تعيشي تنتعشي
بس تعرفي كل كلمة قلتيها كانك قلتيها عني عن حياتي
اعيش الحزن لكن افكر مرة تانيه ليه اعيشة ماعيش حياتي ولو لحظة جميلة افكر باشياء تفرحني
صح انها تفرحني للحظة ويرجع الحزن زي ماكان
لكن اهو لقيت شي فرحني
سوسو عمري واختي
عيشي الحياة وخلي الحزن ثاني شي تعيشية
كل سنه وانتي بالف خير وسعاده وفرح
تقبلي مروري
سلامي لاجمل وارق سوسو.

BNT ELISLAM يقول...

كلمات حزينه ومهزومه
بس احساس كلام طالع من القلب
بس ارع
واقولك
اياكى تستسلمى
وحاولى تتعاملى
مع ارض الواقع او بمعنى اصح متغبيش عن الحزن لا حاولى تغيرى وتسخدمى وتتحدى انك تحاوليه للفرح
ونتى واردتك
واصرارك
خلى بالك اوقات بيبقى الانسان السبب الرئيسى فى تملك الحزن منه
وممكن يكون فاهم وحاسب كل حاجه مش صح
عشان كده شايفه كلها هم وحزن
ربنا يفرح
قلبك
واسفه للتطويل
تحياتى لكى

Dr/ walaa salah يقول...

صعب اوي يا ساسو البوست ده

فيه انكسار واستسلام

مشكوره يا حبيبتي وربنا يسعدك

Carmen يقول...

مافيش حاجة اسمها حد من غير حد مايساويش حبيبتي
طول ماحنا موجودين في الدنيا وبنتنفس
يبقي احنا موجودين لنفسنا مش لحد
اسلوب هايل حبي تسلم ايدك

2alam_Rosas يقول...

جميلة يا ساسو
بس بلاش حالة اليأس الى بتتملكك دى
واجهى الدنيا وبلاش استسلام

اقدم عاصمه فى الحب يقول...

السلام عليكم

الضحك قال يا سم ع التكشيـــــــر..
امشير و طوبه وانا ربيعي بشيـر..
مطرح ما باظهر بانتصر ع العدم..
انشالله أكون رسماية بالطباشيــر..
عجبي!!!

صبرك ويأسك بين ايديك وانت حر
تيأس ما تيأس السنين راح تمر
انا دقت من دة ومن دة عجبى لقيت
الصبر مر وبرضك الياس مر
وعجبى!!!
حاسب من الاحزان وحاسب لها
حاسب على رقابيك من حبلها
راح تنتهى ولابد راح تنتهى
مش انتهت احزان من قبلها
وعجبى!!!

جاهين

والنبى ده اسمه كلام ...؟!
من اهم الاشياء فى حياه الانسان الحزن علشان يكون انسان طبيعى ومتزن ..
لكن الافراط فى اى شىء يضر
انا من اجعل حياتى سعيده وانا من اتعسها .. انا قلبى ما هو الا مضغه مسخره للعمل لى وحدى
يدى كأنها عبداً لي احركها وقتما شئت لمن اريده انا ..
وقدمى انا املكها واملك زمامها
وعقلى ايضا أستطيع به ان انفع نفسى او اضرها
فنحن البشر مخيرين ولسنا مسيرين

.
.

السعاده .. والحزن
.
اختارى أحدهما واسعى لتحقيق اختيارك بقوه
وستصلين الى مرادك ايا كان السعاده او الحزن
ساسو .. فقط اريدك سعيده :)

يمين فى يمين يقول...

ساسو انا كنت حقيقى فرحان بالبوست

الى قبل دا وكان احساسك فية عالى

وبردو احساسك فى البوست دا كمان عالى

انتى هموهوبة ياساسو ويااااااااارب

يسعد ايامك الى جيا

على فكرة انتى مش رديتى عاليا تعليقى عندك المرة الى فاتت


بس عادى يكفى زيارتك ليا


تحياتى الى امبراطورة الخيال الحزين

باحث عن حب يقول...

ساسو
ليه كده بس قلنا هنفرح
بس الحزن والاسى
فى الحب مطلوب
علشان مفيش حاجه بتجى بالساهل
بس لازم نكتب
ونفضفض
علشان على الاقل نستريح ومش هنستريح الا لما
نرتاح فى الحب
مووع جميل
جدا
رغم
اساه

جايدا العزيزي يقول...

ساسو

رغم مساحات الالم بين سطورك

الا انها خاطرة فى منتهى الروعه

بس بلاش استسلام خارج نطاق الخاطرة

فالحياه تستحق الصمود

مبدعه

تحياتى

ساسو يقول...

صديقي سندباد
فعلا لنا الله
هو الوحيد اللي نرتاح واحنا بنشتكيله وبنرمي حمولنا عليه
مرورك وكلامك الاجمل بجد
نورتني جدا يا سندباد التدوين

ساسو يقول...

حبيبه قلبي اجمل رشا
( خواطري مع الحياه )
لا يا قمري عمري ما انسي اتفاقنا
ووعودنا سوا
وزي ما قولتلك انا بجهز نفسي ههههههه
شوفتي بقي انا حاسه بيكي ازاي
يعني لازم نشد حيلنا شويه اكتر من كده هههههههه
نورتيني جدا يا حبيبتي
وبجد بفرلاح جدا جدا بكلماتك ومرورك العسول

ساسو يقول...

حبيبتي (بنت الاسلام )
عندك حق والله
بس الحزن دايما مالكني
حتي لو حاولت اهرب منه
واخرجه من حياتي
صدقيني بيدور عليا وبيجيني من جديد

اسفه للتطويل ايه دي بجد كلماتك بتسعدني اوي
ربي يخليكي ليا يا اجمل بنوته

ساسو يقول...

حبيبه قلبي Dr/ walaa salah
اعمل ايه بس يا قمري
الحزن غير حياتي بجد
يارب يا حبيبتي
تحياتي لاجمل ولاء في الوجود

ساسو يقول...

حبيبتي كارمن
اه طبعا
بس ساعات الحزن بيبقي غالب علينا
فنكتب حاجات صعبه اوي
بس صدقيني بحاول علي اد ما اقدر اخرج نفسي منه
دا بس من زوقك يا قمري
تحياتي لارق كارمن

ساسو يقول...

حبيبتي florieda
انتي الاجمل يا عسوله
بحاول اواجه الدنيا
وانسي الحزن
بس ياريت هو كمان ينساني
خالص حبي لارق انسانه

ساسو يقول...

صديقي احمد ( اقدم عاصمه في الحب )
يا سلام
بجد كلماتك بتريح جدا جدا جدا
ربي يبارك فيك

اسعدني مرورك بجد
ونورت المدونه اوي
دمت بكل خير

ساسو يقول...

صديقي احمد ( يمين في يمين )
معلش يا احمد بقي
حياتي كلها حزن في حزن
البوست اللي فات كنت بحاول فيه اخرج نفسي من الحزن بس ما قدرتش
وهو كمان مبعدش عني
نورتني جدا يا احمد
وبجد بفرح جدا بمرورك وتعليقك
تحياتي

ساسو يقول...

صديقي محمود (باحث عن حب )
انا فرحي بعيييد اوي
لكن حزني دايما هو اللي قريب
اعمل ايه
مفيش حاجه بتفضل علي حالها
لازم الحزن يجيني مهما كنت سعيده

نورتني جدا يا محمود
ربي يبارك فيك

ساسو يقول...

حبيبه قلبي جايدا العزيزي
اوك يا قمري
بس صدقيني كل اللي بكتبه غصب عني
ببقي في حاله حزن عميقه

نورتيني جدا يا ارق جايدا
دمتي بود

Heba Salem Youssef يقول...

ما شاء الله
رائعة جدا جدا
اسلوب هامس
وكلمات حزينة وقريبة من القلب ايضا

مدونتك ارق يا جميل
وسعيدة بزيارتك الاولى ليا
وانا اسعد بالقراءة لك
يشرفنى متابعة مدونتك الجميلة

تقبلى مرورى
هبة