Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

أاحلي هديه جاتني

من صغري وأنا بتمني

يكون لي أخ حنون

وحياتي تبقي جنه

بحنانه اللي يملا الكون

وكتير دعيت ربي

يارب العالمين

ارزقني بأاخ شبهي

طيب وصادق ورزين

فاستجاب قوام دعوتي

وهداني أحلي هديه

اخ خلا دنيتي

جميله في عنيا

بيتميز بطيبه قلب

نادر وجودها في الزمان

ودي نعمه من عند الرب

واهبهاله لأنه انسان

بحكيله وبستني منه

نصايحه المفيده

ودا كمان لأنه

أخلاقه حميده

بتمناله الصحه

وبتمناله الخير

وأوقات الفرحه

تزيد وتبقي كتير

وأي حلم بيحلمه

يتحقق باذن الله

وعمر عيونوا ما يندموا

علي شئ راح منه وتاه







96 التعليقات:

دموع القمر يقول...

انا اول تعليق ولا ايه

دموع القمر يقول...

ههههه
طيب اروح اقرا واجى

همسات وبحــ الحياه ــر يقول...

ربنا يخليه ليكى ويفرح قلبك دايما

باحث عن حب يقول...

السلام عليكم
اول تعليق
اكيد
ان شاء الله
ايه الكلام الحلو ده ياساسو
كل سنه وانتى طيبه يارب
ويبارك فى اخوكى ده
ويارب تجدى ما تظنيه فيه من خير
ويبعد عنكى شره الخفى والظاهر
بس كلامك جميل
ومنمق
يعنى ايه منمق يعنى مش عارق يعنى فيه
لاباقه
هههههه
ربنا يعزك يارب
ياساسو

Tarkieb يقول...

وطلع شكلك؟ اكيد البنات بقى حتخطفه ههههههههه...كل سنة وانت طيبة ومبدعة كالعادة

love is life يقول...

الله على كل الحب دا

الحمد لله ان ربنا رزقك الاخ اللى بتتمنيه

وكل سنه وانتى طيبه وبخير وسعادة

محمد

أحــوال الهـوي يقول...

لا ده اعلان غير مدفوع

عندي عروسه
لو الموصفات مثل المكتوبه

ربنا يسعدك بوجوده في حياتك و يرزقك من مثله رفيقا لدربك

تحياتي

ساسو يقول...

الرقيقه ( دموع القمر )
مرسي يا قمر لزوقك
يارب يخليه
نورتيني جدا

ساسو يقول...

صديقي ( محمود باحث عن حب )
وانت طيب وبخير وسعاده يارب
يارب يامحمود
بس هو طيب جدا
وانا متأاكده انه الشر مش في طريقه خالص
مرسي كتير لزوقك

ساسو يقول...

صديقي تركيب
نورتني جدا
هههههه
اكيد هيتخطف
ومش علشان الشكل بس
دا كمان روحه حلوه
مرسي لمجاملتك الرقيقه
تحياتي

ساسو يقول...

صديقي محمد (love is life )
نورتني كتير يا محمد
ومرسي لزوقك
الحمد لله بجد
دي هديه من ربنا
وكل سنه وانت بخير وفرح وسعاده

ساسو يقول...

صديقي ( احوال الهوي )
ههههههه
مرسي كتير ليك
وبجد دعوايه رقيقه جدا
نورتني كتير اوي
دمت في رعايه الرحمن

غير معرف يقول...

ساسو
ربنا يبارك لك فيه يارب
وتكونى فرحانه دايما
دمتى بخير

Ramy يقول...

الأول كل سنة و انت طيبة (:

كلاااام جميييل و كلاااام معقوووول
مقدرش أقول حاجة عنه (:(:

يا رب دايما تتحقق امانيكى

و ربنا معاكى دايما

(:

ساسو يقول...

حبيبتي ( الحب الجميل )
مرسي يا حبيبتي
ربنا يخليكي
ودايما منوراني

ساسو يقول...

صديقي رامي
كل سنه وانت بخير
ويارب يكون اجمل رمضان

يارب يا رامي
مرسي كتير علي الدعوايه الجميله
دمت بكل خير

أسمعنى شكراًً يقول...

ربنا يخليكو لبعض
ويفضل سندك فى الدنيا
أللى الأمان فيها نادرا لما حد يحسة
ودة مش حسد (الله أكبر)

وكل سنة وأنتى طيبة أنتى وهوه

سلاااااااااامى

ذكرى رحيل قلم يقول...

السلام عليكم
كل سنة وانت طيبة اللهم بلغنا رمضان

ديما في تقدم

ادام الله عليكي احساسك

أتنين حبيبين يقول...

وانتى احلى هديه عرفتها وبحبها
وكنت اتمنا اعرفها من زمان

ماشاء الله كلمات جميله من شخصيه رقيقه
ربنا يبارك ليكم فى بعض ويكرمك كل الخير حبيبتى

وحشتينى اووووى
رمضان كريم علينا وعليكو

اموووووووووووووووووووووووواه

ساسو يقول...

صديقي ( اسمعني شكرا )
يارب يخليك
ومرسي كتير لزوقك

وانت بالصحه والسلامه ويارب دايما في سعاده
وبجد مرورك فرحني ونور المدونه جدا

mrmr يقول...

الى اجمل ساسو
معلش يا حبى اتاخرت عليكى
سامحينى
كل سنه وانتى طيبه
رمضان كريم
ربنا يباركلك فى اخوكى ويسعدك بيه
ويفرح قلبك

ساسو يقول...

حبيبتي ( ذكري رحيل قلم )
وعليكم السلام ورحه الله وبركاته

وانت طيبه وسعيده وفرحانه يارب

مرسي يا سكره جدا
وبجد نورتيني أوي

ساسو يقول...

حبيبه قلبي توتا (اتنين حبيبين )
وحشتيني كتير يا قمرايا
بجد مش عارفه اقولك ايه
مجاملتك ارق حاجه
وبجد انا اللي بحبك
وفرحانه جدا بمعرفتك الجميله يا عسوله

ربي يخليكي ويبارك فيكي يا توتا يا جميله

كل سنه وانتي بخير وحب وحنان وسلام وسعاده يارب

ساسو يقول...

حبيبه قلبي مرمر
وحشتيني يا مرموره
مسمحاكي بقلبي يا عمري

وانت بخير وسعاده يارب
مرسي ياحبيبتي علي الدعوايه الرقيقه
ربنا يخليكي

محمد التركى يقول...

الرقيقه/ ساسو

أولآ كل سنه وأنتى طيبه ياقمر
وربنا يجعله رمضان كريم عليكى وعلينا
وعلى أمه نبينا محمدآ عليه أفضل الصلاه والسلام

ثانيآ
ربنا يارب يباركلك فيه ويخليكو لبعض
ومايحرمكوش من بعض أبدآ

أنتى عارفه أنا عندى أخت بنت وأخين ولاد
بس أنا الكبير
كتييير قوى كنت بتمنى ماكنش الكبير
ويكون ليا أخ كبير
بس ده كان قدرى
الحمد لله
ربنا يديم عليكم الحب والود

تحياتى لقلبك الكريم
مستنى رأيك فى البوست اللى لسه دلوقتى حالا عملته
وكل سنه وأنتى طيبه ياساسو

محمد التركى

Ms Venus يقول...

كل سنة وانتى طيبة يا قمر

ساسو يقول...

صديقي محمد التركي
وانت بالصحه والسلامه يارب

ربنا يخليك ليهم ويخليهم ليك يارب

الاخوات اجمل صحبه واجمل حاجه في الدنيا كلها
ربنا يديم حبكوا واخلاصكوا لبعض يارب

مرسي كتير ليك
بجد انت زوق جدا
وبجد بتشرف بمرورك جدا جدا

وحالا في مدونتك الرقيقه

ساسو يقول...

حبيبه قلبي Ms Venus
وانتي بخير يا سكره يا منوراني
ورمضان كريم عليكي وعلي كل حبايبك
ويارب يبقي اسعد شهر بالنسبالك
ويتحققلك كل ما تتمنيه

الــحــــنـــــــــــــــــــين يقول...

السلام عليكم اكيد اسعد واحد فى الدنيا لانه اخوكى ربنا يخليكوا لبعض طول العمر تحياتى ليكى

sara draz يقول...

جميييييييييييلة اوى
ربنا يخليهولك يارب
ويفضل طيب وحنين عليكى يارب
وربنا يهدى كل اخواتنا يارب
^_^
ربنا يكرمك يارب
وكل سنة وانتى طيبة يا قمر

أتنين حبيبين يقول...

منتظراكى تشوفى تاج حسام
عشان بيسعدنى تعليقك

اوعى تتاخرى
بحبك اوى

ساسو يقول...

صديقي محمد ( الحنين )
وعليكم السلام ورحمه الله وبركاته
ربنا يكرمك
وبجد انت زوق جدا جدا
وانا سعيده جدا بمعرفتك

ساسو يقول...

الجميله (ريحانه الاسلام )
وانتي بالصحه والسلامه يا حبيبتي
ورمضان كريم عليكي وعلي المسلمين يارب

ومرسي جدا لزوقك
وبجد دعوايه رقيقه من ارق ريحانه في الدنيا

ساسو يقول...

توتا حبيبه قلبي ( اتنين حبيبن )
من عنيا يا عسوله
مقدرش اتأخر عليكي ابدا

أحمد الصعيدي يقول...

ربنا يخليكوا لبعض


كل سنة وانتي طيبة

ساسو يقول...

صديقي أحمد الصعيدي
نورتني جدا جدا
ربنا يخليك يارب ويكرمك
ومرسي لزوقك
وانت بالصحه والسلامه يارب

modcena يقول...

السلام عليكم

اختى العزيزة ساسو
انتى كمان هدية وصديقة كريمة

كل سنة وانتى طيبة
ربنا يجعلها ايام مباركة علينا جميعاا

سلام

abdo.m يقول...

أولا : مبروك الأخ الجديد ..
ثانيا : أعجبتني القصيدة جدا .. هادئة ومعبرة والنهاية جت جميلة جدا
ثالثا : رمضان كريم .. وكل عام وانت بخير

داليـ ـ ـ ـ ـ ـ ــــا يقول...

ربنا يخليكوا لبعض يارب

وكل سنه وانتى طيوبه ياأحلا ساسو

رمضان كريم

أحــوال الهـوي يقول...

كل سنه و انتي طيبه

و ربنا يحقق كل امانيك و يرزقك المغفرة و العتق من النار

تحياتي

همسات وبحــ الحياه ــر يقول...

كل سنة وانت طيبة يابطتى

أنا - الريس يقول...

كل سنة وانتي طيبة وبالخير والصحة والعافية
انا علي فكرة مستني الفطار

رمضان كريم

باحث عن حب يقول...

طمنينا عليكى
فينك مختفيه ليه
كل سنه وانتى طيبه
مرور للاطمئنان
محمود

شوية قهوة يقول...

كل سنة وانتي طيبة ورمضان كريم
ربنا يخليه ليكي
وميحرمكمش من بعض ابدا
تحياتي

حـــــروف متــبعترة " عــمرو الشــايب يقول...

على فكره حلو اوى اوى بجد و شدتني
تكرم عيونك و هادى القلم الى بيكتب اشعار و كلامات ما ليها اى حل بجد بفرح لما بشوفك هههههههههههههههههههههههه

Tamer Nabil Moussa يقول...

ازيك اخبارك اية

كل سنة وانتى طيبة رمضان كريم


كلمات جميلة

وموضوع رائع

ربنا يخليكم لبعض


مع خالص تحياتى

ساسو يقول...

صديقي قلماوي
وعليكم السلام ورحمه الله وبركاته
ربنا يخليك
وبجد منورني جدا

وانت بالصحه والسلامه
ربنا يجعلها اجمل ايام عليك وعلينا

ساسو يقول...

صديقي عبده

الله يبارك فيك

مرسي كتير لزوقك

وبجد نورني مرورك جدا

الله اكرم

وانت بخير وسعاده يارب

ساسو يقول...

دولي حبيبتي

ربي يخليكي

وكل سنه وانتي بخير وحب وسعاده

ودايما يارب منوراني

الله اكرم يا عسوله

ساسو يقول...

صديقي أحوال الهوي

وانت بالصحه والسلامه
ورمضان كريم

يارب

مرسي كتير علي الدعوايه الجميله

ربي يبارك فيك

ساسو يقول...

صديقي
MR.PRESIDENT

نورتني جدا جدا

وانت بالصحه والسلامه

ويارب يجعل ايامك كلها سعاده

صوما مقبولا

وافطارا شهيا

ساسو يقول...

حبيبتي الجميله ( كلام من قلبي )

وانتي بالصحه والسلامه يا قمر

الله اكرم

ربي يخليكي ويبارك فيكي
يا سكره

ساسو يقول...

صديقي عمرو وائل

مرسي اوي علي زوقك

وبجد نورتني جدا جدا

ومرسي أوي علي المجامله الرقيقه

كل سنه وانت بخير

ورمضان كريم

ساسو يقول...

حبيبه قلبي ( دموع القمر )

وانتي بالصحه والسلامه يا روحي

يا أجمل دمووووع

ساسو يقول...

صديقي تامر نبيل

بخير الحمد لله

وانت بالصحه والسلامه
الله اكرم

مرسي كتير لزوقك
ربي يخليك

ودايما تنورني

ساسو يقول...

صديقي محمود

مرسي جدا لاهتمامك وسؤالك الجميل
بجد انت زوق جدا
ربي يخليك
ويبارك فيك
انا بخير الحمد لله
بس النت كان فاصل

ساسو يقول...

محمود
انا اسفه جدا اني اتأخرت عليك بالرد
كل سنه وانت بخير

حـــــــــــب الملائكه يقول...

احم احم احم احم
انا مش لاقي مكان اكتب فية تعليقي
سلام مؤقت راجع تانى
عودة الجزااااااااار للملعب
fathy

خابت بك ظنوني يقول...

ي اسلاااااااااااااام يا ساسو

كلام رائع فعلاً

برده انا كنت ومازلت بتمنى يكون ليا أخ

بس خلاص ... سبق السيف ....

المهم إنه الحمدلله ... لربما كان الأخ دا ميطلعش زي ما اتمناه

المهم ربنا يبارك ليكِ في أخوكِ

ويحفظك ويحفظه أينما كنتم

ووصيه دوماً بطاعة الله

كل سنة وانتي طيبة ورمضان مبارك عليكِ

دمتي بخير

ساسو يقول...

صديقي فتحي ( حب الملايكه )
نورتني جدا جدا جدا لاول مره ويارب دايما
بس ليه مش لاقي مكان
المدونه تحت أمرك في اي وقت
منتظره رجوعك تاني
بس قلل من سكاكينك
وهات معاك 3 كيلو لحمه
تحياتي

ساسو يقول...

حبيبه قلبي ( خابت بك ظنوني )
منوراني يا قمرايا جدا
ومرسي كتير لزوقك ورقتك
وبجد انا فرحانه بمرورك الجميل

تيمور يقول...

كل عام وانتى بخير

كلام جميل

ربنا يخليكم لبعض

تحياتى

ساسو يقول...

صديقي (يوميات رجل مش عايز يجوز)

وانت بالصحه والسلامه
ورمضان كريم

نورتني جدا جد لاول مره ويارب دايما

مرسي كتير لزوقك
ربي يخليك

عمدة كفر المظاليم يقول...

ما شاء الله أختي الكريمة
نحسبك موهوبة بجد
بارك الله لك في موهبتك
وإذا استطعت نشر هذه الأعمال سيكون جيدا جدا
تقبل الله منا ومنكم
وجزاكم الله خيرا

الشاعر الفنان أحمد فتحى فؤاد يقول...

ساسو

الله الله على أمنيتك الجميلة
و مبروك إن ربنا حققهالك زى ما إنتى عايزاها و أجمل

بس تعرفى لو كل واحد إتمنى أمنية بالأسلوب الجميل ده ... إن شاء الله ربنا يحققهاله على طول

كل سنة و إنتى طيبة و بخير

دمتى بسعادة

ساسو يقول...

صديقي ( عمده كفر المظاليم)
نورتني جدا جدا
وبجد انا سعيده بمرورك
ومرسي كتير لزوقك
ومجاملتك الرقيقه
ربي يخليك

ساسو يقول...

صديقي الشاعر الفنان أحمد فتحى فؤاد
نورتني جدا جدا يا شاعرنا العظيم
وربي يخليك
ومرسي كتير علي كلامك الجميل
دا بس من زوقك
وانت بالصحه والسلامه
ورمضان كريم

تويتي فلسطين يقول...

تسلمي على الشعر الجميل

عنجد كتير حلو

وعلى فكره انا كتير بحب الشعر

واكتب شعر كمان

تحياتي

الــحــــنـــــــــــــــــــين يقول...

ايه الغياب ده كله يارب تكونى بخير طمنينا عليكى

اقصوصه يقول...

مبارك عليك الشهر

وكل عام وانتم بخير :)

همسات وبحــ الحياه ــر يقول...

دعوة خاصه
قلوب بلامرسى
هستنى تعليقاتكم لانها هتفرق معايا كتير

2alam_Rosas يقول...

رنبا يخليهولك
كل دة حب :هو دة معنى الاخوة
ورمضان كريم

داليـ ـ ـ ـ ـ ـ ــــا يقول...

مش عوايدك على فكره الغياب ده

مالك ياساسو

طمنينى عليكى ياحببتى

دانتى كنتى كل شويه تنزلى بوست

سمير الطاهر يقول...

ياسلام يا ساسو ..
كلام بسيط وجميل جدا جدا
ما شاء الله .
واصلى إبداعك :)
أكثر من رائع
تحياتى ..

TWEETY يقول...

ازيك ياطانت
اخبارك ايه
انا جيت ازورك
يارب تكونى كويسه
ابقى زورينى ماشى
مع السلامة
كل سنة وانت طيبة

اقصوصه يقول...

رمضان كريم

وكل عام وانتم بخير :)

ساسو يقول...

صديقي محمد ( الحنين )
مرسي كتير لزوقك
وسؤالك الجميل اعتز بيه
بس بجد كانت ظرف خارجه عن ارادتي

ساسو يقول...

الجميله تويتي فلسطين
نورتيني جدا يا سكره لاول مره
وبجد انا فرحانه جدا بمرورك الرقيق
ربي يخليكي

ساسو يقول...

العسوله أقصوصه
وانتي بخير وسعاده وسلام يارب
ورمضان كريم

ساسو يقول...

حبيبتي دموع القمر
اكيد يا قمرايا هاجي
دا شئ يسعدني

ساسو يقول...

الجميله florieda
نورتيني جدا لاول مره ويارب دايما
ومرسي كتير لزوقك
وبجد مرورك اسعدني جدا

الله اكرم
وكل سنه وانتي بخير

ساسو يقول...

صديقي سمير الطاهر
نورتني جدا
ومرسي كتير لزوقك
ربي يخليك

ساسو يقول...

العسوله TWEETY
انا بخير الحمدلله
نورتيني يا حبيبتي جدا
واكيد هازور مدونتك الجميله
وانتي بخير وسعاده يارب
ورمضان كري

ساسو يقول...

حبيبتي دولي
مرسي لاهتمامك وسؤالك الجميل
وانا بخير الحمدلله
وقريب اوي هنزل بوست جديد
نورتيني يا سكره

Ramy يقول...

ساسو

ازيك انت فيييين

لعل المانع صياااام

كل سنة و انت طيبة


و رمضاااااان كريييييييم (:

ساسو يقول...

صديقي رامي
انا تمام الحمد لله
موجوده لكن ظرفي كانت منعاني من كل شئ
بس خلاص بحاول ارجع تاني
لا بالعكس الصيام جميل
ورمضان اجمل شهر

وانت بالصحه والسلامه
الله اكرم

علاء المصرى يقول...

شكرا ساسو على مرورك الطيب
الأخ الصالح نعمة غير متوفره أبقاه الله لكى سند

تحياتى لكى

شهووووده يقول...

الله على احساسك الجميل .. الله على البراءة

ساسو يقول...

صديقي علاء المصري كل يوم
شكرا علي ايه
دا انا بيبقي ليا الشرف لما ازور مدونتك الجميله الهادفه

نورتني جدا جدا
ومرسي كتير لزوقك
ربي يخليك

ساسو يقول...

الجميله شهووووده
الله علي مرورك الجميل يا عسوله
بجد نورتيني جدا لاول مره
وانا فرحانه جدا بيكي

غير معرف يقول...

ربنا يحقق لك كل امنياتك يارب
كل سنه وانتى طيبه

صوت من مصر يقول...

ربنا يجعل دعائك كله فى الصالح

ساسو يقول...

حبيبتي الشوكه الناعمه
نورتيني جدا يا سكره
ومرسي علي الدعوايه الرقيقه
ربي يخليكي

وانتي بخير وسعاده وحب وفرح

ساسو يقول...

صديقي صوت من مصر
ربي يخليك
دعوايه رقيقه جدا
بجد مرورك نور المدونه
وفرحت جدا بيه

علي الطيب يقول...

جميل عزفك ، يا ساسو

وحفظ الله أخاك

كل عام وأنتم بخير

وعشر مباركات

ساسو يقول...

صديقي علي الطيب
نورتني جدا جدا بعد غياب
وبجد انا سعيده جدا بمرورك
ربي يخليك
وكل سنه وانت بخير
وسعاده وامان وسلام يارب
ورمضان كريم