Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

اسفه


أنا اسفه بجد اني قلت عليك انسان !

اسفه انك مني حسيت بالحنان !

اسفه لما صدقت كدبه من فتان !

كدبها عليا .... ومثلها بيا .... وفي الاخراج فنان

جرب تمثل .... اعمل مسلسل ....أو كذا اعلان

مثل دور شرير أوي ....أو حد خاين ملوش أمان

أو اعمل دور شاب طيوب

من كتر الطيبه مليان عيوب

مع كل الناس عاشق ولهان !

ولا اعمل فيلم عنوانه

سقط القناع وظهر الجبان

ودا طبعا مش جديد عليك....

دا طبع من صغرك فيك

ما قدرش يمحيه الزمان

اسفه اني قلت انك

واد شهم ومفيش منك

وكنت بتعب في بعدي عنك

أتاريه نعمه من الرحمان

كنت بقول عنك مواويل

كنت بقول دا ملوش مثيل

اه انت طعم وجميل !

بس لازم تبتدي مران

تتمرن ازاي تحب ؟

ازاي تعرف تقدر قلب

حبك وفضل سهران؟

مقدرش أنكر اني بعاني

مش علشانك لأ علشاني !

لأني بعت واحد تاني

كان حبيبي من زمان

47 التعليقات:

ذكرى رحيل قلم يقول...

السلام عليكم

فنانة
جميلة الخاطرة وجديدة بعض الشيء في كلماتها يمكن مش في احساس الخداع والخيانة
لكن في فكرة سرد احداث الكلمة

جرب تمثل اعمل مسلسل أو كذا اعلان
مثل دور شرير أوي أو حد خاين ملوش أمان
أو اعمل دور شاب طيوب
من كتر الطيبه مليان عيوب

اتمني لك المزيد
بالنجاح والحب من غير جرح وتعب قلب

Ramy يقول...

او اعمل دور شاب طيوب

من كتر الطيبة مليان عيوب

جامدة الكلمة دى

لأن احيان كتيرة بتكون حقيقة

جميلة بالفعل يا ساسو

و اخبار الأمتحانات اية

يارب كل شيىء تمام

(: رامى

الشاعر الحزين يقول...

مش عارف بصراحه أقولك ايه

والله ما أنا لاقى كلام أقوله

بعد اللى قرأته ده مفيش كلام يتقال لكن فيه احساس يتحس وأنا بجد حسيت انى عايز أقرأه تانى وتالت وعاشر لأن بجد الموضوع جميل قوى والاتقان فى اختيار الألفاظ هايل جدا

وفعلا أبدعتى فى الوزن والقافيه

بجد بسم الله ما شاء الله عليك

استمرى فلقد وضعت مدونتك فى الأدوار العليا عندى

أتمنى لكى التوفيق دائما

دمتى بكل الخير

غير معرف يقول...

جميله ياقمر كلمات البوست

حلوه اوى

دمتى بخير وحب

(ست* جنى* الحسن) يقول...

سلامو عليكو..
طبعا اول تعليق لانى اكتر متابعة ومحبة.
يخبر بيت اللى يزعلك.
مين ده اللى عمل معاكى كده قوليلى وانا اطيرلك رقبته.....
ربنا يسعد ايامك ويفرح قلبك يا قمر.
كلماتك جميلة وترسم حالة بشكل بسيط.
انى احبك فى الله

modcena يقول...

السلام عليكم

مين اللى يستاهل الكلام دة كله يا خبر دة اكيد حاجة وحشة جداااا

طبعا مبدعة كالعادة ولكن فى انتظار كلماتك المحبة الصاخبة

تحياتى لكِ ولبركوتة ولحمادة هلال ولعبد الغنى
انا كمان بحبهم ومنورين المدونة بجد

ساسو يقول...

حبيبتي ( ذكري رحيل قلم )
مرسي يا سكره
دا بجد من زوقك ورقتك
بجد نورتيني
وبفرح جدا بوجودك
تحياتي

ساسو يقول...

صديقي رامي
مرسي للمتابعه الجميله
ومرورك بجد فرحني جدا
وانت منورني دايما

بالنسبه للامتحانات كان عندي امبارح
والحمد لله تمام

شكرا لزوقك واهتمامك

دمت بكل خير

ساسو يقول...

صديقي علاء ( الشاعر الحزين )
ربنا يخليك
بجد انت زوق أوي
وبجد أنا ماجيش ربع ابداعاتك يا باشا

وبجد نورتني جدا جدا جدا
وشرف ليا انك تضفني في مدونتك الرائعه

خالص تقديري

ساسو يقول...

حبيبه قلبي ( الحب الجميل )
مرسي يا عسوله
بجد نورتيني
وأسعدني وجودك الرقيق جدا

دمتي بكل خير

ساسو يقول...

حبيبه قلبي (ست* جنى* الحسن)
يا قلبي عليكي
بجد انا في قمه السعاده
لما قريت كلماتك المليئه بالنور والفرحه
ربنا يخليكي ليا يا أرق قمر في الدنيا
وبجد انا اللي بحبك جدا

تحياتي

ساسو يقول...

صديقي محمود قلماوي

نورتني وشرفت مدونتي جدا
ومرسي علي كلامك الجميل
وقريب جدا هتلاقي طلبك

خالص تقديري واحترامي

هيثــم رمضـــان يقول...

إزيك يا ساسو إيه أخبارك , خاطره جميله عجبني فيها إنها مش ندمانه عليه ولا زعلانه عليه وهو ده الصح لان مش من المنطقي يكون فيه حزن وندم علي شخص مخادع بالعكس يكون فيه فرحه وشكر لربنا إننا بعدنا عنه.

أما بالنسبه للكلمات مش عايز أقولك حلوه وخلاص بس عندي ملحوظه صغنونه وده من وجهة نظري القابله للصواب والخطأ وأنا عارف إنك مش بتزعلي من الحاجات دي .

لو عملتي سكتات تساعد اللي بيقرا إنه يقرا الكلمات بشكل أحسن زي

جرب تمثل.. اعمل مسلسل أو كذا اعلان
مثل دور شرير أوي ..أو حد خاين ملوش أمان
لأني حسيت إن الشطر طويل شويه بالنسبة لباقي الخاطرة.

وأرجع وأقولك إن الكتابة بالفصحي بتدي قيمة أكتر زي خاطرة الأماني المستحيلة لكن في بعض الخواطر لازم تتكتب بالعامية وده علي حسب موضوعها.

أنا طولت عليكي وحاسيت إني رِخم بس إنتي عندك مخزون كتير وعايزك تطلعيه في أحسن شكل ومن غير إستعجال.

تحياتي ومودتي

ساسو يقول...

صديقي هيثم رمضان
انا بخير الحمد لله
بجد مرسي علي كلامك الجميل
وبجد نورتني وشرفتني جدا جدا جدا

أه طبعا مش بزعل من أي حاجه
وبجد انت تؤمر
وبشكرك جدا علي نصيحتك الغاليه الجميله جدا

تحياتي

أحــوال الهـوي يقول...

السهم في تصاعد و السرعه كالصاوخ

التطور سريع

الخط الدرامي ثابت
الايقاع متقلب
فقط بعض العنايه باختيار الكلمات
و القراءة الكثيرة للاشعار العامية و الفصحي بعدها سوف تجدين نتيجه رائعه تبلور موهبتك الفطريه

تحياتي

ساسو يقول...

صديقي ( أحوال الهوي )
شكرا لمرورك وتواجدك
وبجد نورتني



تحياتي

ساسو يقول...

ومتزعلش مني استحملني
انا لسه مبتدأه مش خبره

داليـ ـ ـ ـ ـ ـ ــــا يقول...

لا بجد رهيبه مالكيش حل

غير إنى لو شفتك هكلك أكل

جميله أوى ياساسو الكلمات

فعلا فى ناس مسيتهلوش انهم كانوا فى حياتنا
وفعلا احنا مش بنزعل عليهم
احنا بنزعل على الدنيا اللى رمتنا فى طريقهم
وبنزعل على نفسنا

أرق أرق تحياتى

باحث عن حب يقول...

ايه الجمال والحلاوة دى
يا فنانه
يا انساااااااانه

maxbeta3zaman يقول...

ان قلت لساسو
من رجله لراسه
اوعاك من نقدى يزعل
دانا أهله وناسه

يلزمك ياساسو جعل الشعر له موسيقى ووزن لذا أنا أدعوك لزيارة الموقع التالى
Adab.com
ففيه كل شعراء العاميه الفصحى العرب اقرئى لبيرم التونسى والأبنودى وصلاح جاهين وأحمد فؤاد نجم وتميم البرغوثى فهم فطاحل العاميه وتعرفى منهم على كيفية بناء القصيده وزنا وموسيقى شعريه وان شئت شاعرا رومانسيا عظيما فاقرئى لأحمد رامى فهو أعظم من كتب شعرا عاطفيا غنائيا
واوعى تزعلى ...وان حصل فالديليت مجرد فعصة زرار

اسماء واحلام فى وجدانى يقول...

ناس ليها م الوشوش الف وش و وش
ناس عايشة ع الخداع والزيف والغش
كنت حاسة وبكدب روحى
كنت تايهة بين جروحى
صارحت قلبى وقلت له ابعد
قلبى الضعيف مَقِدرش
قرر يكمل سيناريو خداعك
قال جايز تفوق
ويرجعك حنينى ولهيب الشوق
لكن قلبك قاسى ما حاولش
صمم يجرحنى وجرحنى
وفى عز فرحى دبحنى
قتل فيا كل حاجة جميلة
وصوت ضحكته بتجلجل فى السما
حتى طيرى البرىء منه ما سلمش
كان نفسى اقول نفسى
بس بعد ايه
محتاجة قلب لسة فى دنيته محلمش

Malooka Yousef يقول...

كلام جميل فنانة بجد تسلمى

Ahmed Othman يقول...

ساسو
بما انك عاشقة للشعر
فأجد أنه من المناسب لك جدا
ان تقرئي أكثر في هذا المجال
و خاصة الشعر العامي
فهناك شعراء معاصرون على شبكات النت
قادرون على افادتك و تطوير مفهوم الشعر لديك
على سبيل المثال
تجدينهم على منتديات
كالتكية الأدبي- ابناء طيبة الادبي- اسارير الأدب- صحاب الادبي
تلك امثلة و ليس حصرا
تحياتي

ساسو يقول...

اصدقائي د/احمد عثمان و maxbeta3zaman
اولا نورتوني جدا جدا جدا
ومروركم أسعدني
أما بالنسبه للشعراء الكبار دول فأنا كنت ناويه باذن الله أول ما أخلص امتحانات أزورهم وأستفيد منهم لأنهم أكيد شعراء كبار أوي
بس علي فكره أنا الشعر أخداه هوايه مش مجال عملي خالص ومع ذلك بحب أقرا للشعراء الكبار وباذن الله هقرالهم
وبشكركم علي النصيحه الغاليه أوي

أما بالنسبه ل maxbeta3zaman
ليه بتقول كده ليه أعمل ديليت
لأ بالعكس كلامك علي العين والراس

دمتوا مبدعين

ساسو يقول...

دولي حبيبه قلبي
يا حبيبتي ربنا مايحرمني منك
بجد ياريت كنت بشوفك

نورتيني يا أجمل داليا
تحياتي

ساسو يقول...

صديقي محمود ( باحث عن حب )
ربنا يخليك
بجد انت زوق أوي
وبجد نورتني أوي

تحياتي

ساسو يقول...

صديقي ( أسماء وأحلام في وجداني )

ايه يا فنان الجمال دا كله
بجد كلماتك أسعدتني جدا
ووجودك بجد بيفرحني
وشرف ليا طبعا

تحياتي

ساسو يقول...

حبيبتي malooka yousef

ربنا يخليكي يا قمر دا بس من زوقك ورقتك

بجد انا فرحانه جدا بمرورك الجميل لأول مره
وياريت تنوريني دايما يا سكره

خالص حبي وتقديري

Ramy يقول...

ساسو

اخبارك اية

اخبار الأمتحانات أية يارب تكون كل الدنيا تمام

بالتوفيق ان شاء الله (:

ساسو يقول...

صديقي رامي
بجد انت زوق جدا
ومش عارفه اشكرك ازاي علي اهتمامك
الحمد لله الامتحانات تمام
والدنيا كلها جميله جدا

تحياتي

أحمد الصعيدي يقول...

لاتأسفي

ولا تسقي أشجار حزنك

فقط انظري الي قطرات الامطار

في كل قطرة جديد


بسم الله الرحمن الرحيم

من كان يظن أن لن يبصره الله في الدنيا والأخرة فليمدد بسبب إلي السماء ثم ليقطع فلينظر


صدق الله العظيم

balkice يقول...

صباح الشموخ ساسو
وقفت اليوم مذهولة امام نصخ الخلاب
قوية هي المشاعر اقف لاصفق لك
لاأجد ما أقوله وهذا أجمل نصوصك
سامحي تأخيري
محبتي وتقديري

موجة يقول...

بوست رائع
تسرني زيارتك
موجة

well يقول...

سقط القناع وظهر الجبان .. اعد المشهد

..للاسف احنا فى زمن الكل بقا ليه اكتر من وش الكل يجيد التمثيل
..
تحياتى لكماتك

ساسو يقول...

استاذي احمد الصعيدي
نورتني جدا لأول مره
وبجد كلماتك بتريح أوي
بجد وجودك شرفني جدا جدا

خالص تقديري واحترامي

ساسو يقول...

السكره حبيبتي بلقيس
نورتيني أوي يا قمر
وبجد انتي اللي تسامحيني لأني مقصره معاكي جدا
بس كله بسبب الامتحانات

ومرسي يا حبيبتي علي كلامك الرقيق

تحياتي

ساسو يقول...

صديقي ( موجه )
نورتني جدا للمره الأولي
وبجد انت اللي مدونتك رقيقه جدا
ومرورك شرف ليا بجد
تحياتي

ساسو يقول...

صديقي well
نورتني جدا
وبجد سعيده جدا بمرورك

وبجد كلامك حقيقي
زمنا بقي زمن غريب
الطيب مش بيعرف يعيش فيه
وبينجرح في اليوم مليون مره

تحياتي

ساسو يقول...

حبيبتي ام الخلود

طلباتك أوامر يا قمر

تحياتي

اسماء واحلام فى وجدانى يقول...

الاهم انك تكونى بخير

لــــ زهــــــراء ــــولا يقول...

السلام عليكم ورحمة الله وبركاته
ساسو كلمات جميلة
من قلب مطعون..بجد حلوة قووووي وعذبتيني بحروفها المسنونة ... تسلم ايدك
لـــولا

ساسو يقول...

صديقي ( اسماء واحلام في وجداني )
صباح الفل
بجد انت زوق أوي
والحمدلله انا بخير
مرسي جدا ليك

تحياتي

ساسو يقول...

حبيبه قلبي الجميله لولا
وعليكم السلام ورحمه الله وبركاته
انتي الاجمل يا قمر
وبجد وجودك فرح قلبي جدا
ياريت نتواصل

كل حبي لكي

عـــــــزيـــــز مـنـيـر يقول...

ســاسـو
حتى فى ندمك وآسفك مانسيتيش أنك فراشه
طلعتى فيه كل العبر ومع ذلك ببشاشه
خليتى اللى بيقرا عنيه تسبق أفكاره
عايز يعرف عملك أيه وأيه اللى جراله
وأدى جزاة اللى مايسمعش كلمة ماما تقولها
على رأي فنانا محمد فوزى اللى سبقنا وقالها
....................
أسلوبك مميز ورشيق وكأنك لاعبة جمباز محترفه
تتنقل بين الكلمات بخفه ورشاقه.
دمتى عزيزتى ســـاسـو ودامت كتاباتك.

ساسو يقول...

استاذي عزيز منير
بجد انت زوق أوي
وبجد بفرح بوجودك أوي
وكلماتك بجد بتسعدني

نورتني جدا
دمت بكل خير

سمير الطاهر يقول...

بصراحه الكلام جميل جدا ..
تسلم إيدك :)

ساسو يقول...

صديقي سمير الطاهر
نورتني جدا لاول مره ويارب دايما
مرسي جدا ليك علي كلامك الجميل
تحياتي