أشعار وتاليف

سميتك بالحنون في وقت قسوه من في الكون


ياسلام ياسلام على الكلام

ياساسو ياقمرايه كلامك جميل ياروحى

سميتك بالحنون في وقت قسوه من في الكون

جميله اوى الكلمات دى

تسلم ايدك ياسااسو

كل الحــــــــــب

السلام عليكم
اتشرف بالتعليق الاول


ولنشبه القطار والسائق
فراقهم ليس له أصل
ونصنع ضد الكره مصل
نتناوله ليوم الفصل

رائعة كالعادة
تحياتى

اول تعليق بعد كدة نعلق تاني

ونصنع ضد الكره مصل نتناوله ليوم الفصل

دة بالذمة مين بقى الأسطورة ....
(:

جميل كالمعتاد
متناسق كالمعتاد
معبر و رشيق كالمعتاد


إلى الأمام يا ساسو

(:

انا اول تعليق
مشاء الخير عشان تعرفي انا بحبك قد ايه
كلامك خطييييييييير بجد تسلم ايدك

تحياتي

حبيبه قلبي العسوله أوي ( الحب الجميل )
ياسلام علي رقتك انتي يا قمر
بجد انتي زوق أوي
وربنا يخليكي ليا

صديقي تيكو
يالا مستنيه تعليقك

صديقي محمود قلماوي
وعليكم السلام
مرسي علي كلامك الجميل
تحياتي

صديقي سامي
الاسطوره لقبك انت يا باشا
مش أنا
مرسي علي تعليقك الجميل
دمت متألق

حبيبتي الجميله ( كلام من قلبي )
مساء الورد يا عسوله
والله انا بحبك أكتر
تسلميلي يارب
انتي كلك زوق بجد

ايه التشبيهات الجميله دى

لنشبه القطار والسائق
فراقهم ليس له أصل
ونصنع ضد الكره مصل
نتناوله ليوم الفصل

والله بجد لذيذ انتى ياساسو

أرق تحياتى ياجميله

حبيبتي الجميله دولي
مرسي يا قمر علي رقتك وكلامك الجميل
وبجد نورتيني
يا اجمل داليا

الحب جنون


الأوان لتعرف لماذا احببتك ؟أن الأوان لتعرف بماذا سميتك ؟سميتك بالحنون
الجنون
والجنون
الفرق منهما
نقطه
جميله الكلمات

بلا حبنا فهو ليس بشائق
ولنشبه القطار والسائق
فراقهم ليس له أصل
ونصنع ضد الكره مصل

الحته دي مش ممكن...تصدقي بجد وربنا انتي متمكنة اوووي اول مرة اشوف واسمع التشبيه ده..حاجة غير تقليدية خالص..بجد انت موهبة ..زلا بقى ان ح اخلع القبعة احتراما لكلامك الكميل ده ...تحياتي

السلام عليكم

يا رب يكون من حقى الاهداء الرائع دة
اجمل هدية منك هى الصدق فى مدونتك حزنا وفرحا
اشكرك
مع تحياتى
محمود قلمـــاوى

صديقي محمود (باحث عن حب )
شكرا لمرورك الجميل
وبجد نورتني
وفعلا زي ما انت كتبت الفرق بينهم نقطه
لكن الفرق في المعني كبير جدا

تحياتي

صديقي تيكو
ربنا يخليك
دا بس من زوقك والله
وبجد انت اللي موهوب وانا المفروض ارفعلك القبعه

كل تقديري واحترامي

صديقي محمود قلماوي
بجد انت زوق أوي
مرسي علي مرورك الجميل
وكلماتك الأجمل
دمت بخير

ساسو اخبارك اية واخبار الأمتحانات اية يارب بالتوفيق دايما

صديقي سامي

بجد المحاسبه الاداريه امبارح كانت جامده طحن صعبه صعبه يعني
اصلا كل المواد معقده
انا اصلا بذاكر نص نص
يالا بقي ادعيلي ان المره الجايه تكون حلوه مش زي امبارح

وبجد انت كلك زوق

ومرسي علي اهتمامك

ونصنع ضد الكره مصل
نتناوله ليوم الفصل


حلو قوى ده
كل يوم تتقدمى عن اليوم اللى قبله

يا رب تتقدمى بإستمرار
و ربنا يوفقك

دمتى بخير

رائعة كلماتك

ولكني فزعت من حبي !
وخفت من بحور حنانك !
ولذا أمرت قلبي
ينساك فأبي نسيانك !

.........................................................................

لماذا لا نترك القلب ليحب كما يريد ، وعشق كما يشتهي
لماذا نعذب أنفسنا
ونضيع في بحر الخوف من الأوهام

.
.
.
جميل ، يا ساسو

دمت بخير

علي الطيب

هتصدقينى لو قلتلك إن الحنية هى البوابة الرئيسية والاكبر للتعاسة كل حاجة وليها للاسف تمن وتمن الحنية التعاسة اللا نهائية

الله الله الله يا ساسو بجد بجد فى منتهى الجمال تسلم ايدك

عجبنى قوى قوى الأسلوب بجد هايل جدا

دمتى بكل الخير

الشاعر الفنان احمد فتحي فؤاد

نورتني يا شاعرنا العبقري
وربنا يخليك
دا بس من زوقك

تحياتي

had-befham  

بجد نورت مدونتي المتواضعه للمره الاولي وياريت تنورني دايما

مرسي لزوقك

دمت بكل خير

صديقي علي الطيب

انا زعلانه منك لأنك بتنسي مدونتي كتير أوي
بس بجد نورتني جدا
ومرسي علي كلامك ومرورك الجميل

تحياتي

صديقي (اسماء واحلام في وجداني )

عندك حق الحنيه في زمنا مش بتنفع
والطيب في الزمن دا مغلوب علي أمره

نورني وجودك جدا

تحياتي

صديقي علاء (الشاعر الحزين )

نوتني جدا
ربنا يخليك
دا بس من زوقك
بجد انت الأصل
انت اللي فنان حقيقي

تحياتي

انا مش قلت انها مش بتنفع هى بتنفع المستفيد منها بس انما صاحبها هو اللى بيتعب لانه مهما بيشوف بيسامح بسرعة وبينسى بسرعة بس كل حاجة بيشوفها بتسيب جواه آثر اسود مش محسوس لكن مع الوقت حياته كلها ممكن تتقلب من سىء الى اسوء يعنى بيكون منفعة فقط للى حواليه انما لنفسه محتاج حد احن منه عشان يقدر يمده باللى بيفقده من غيره

من اين لك هذه الاوصاف
حبيب و لا اروع
او امل و رجاء

تحياتي

صديقي ( احوال الهوي )
بجد نورتني جدا
وشرفني وجودك الجميل
وسعيده جدا بكلماتك
تحياتي

ازيك يا ساسو
انا شوفت بالصدفة انك عندك امتحانات لكن من الواضح انك بتحبى مدونتك اوى اوى لانى مش حسيت بغياب ليكى انتى لو غبتى عننا فانتى موجودة فى مدونتك و ده الاهم طبعا لان اللى عايز يطمن عليكى هيطمن من هنا مش من عنده

ده موقع فيه الادباء العرب هو ممكن يكون مش مفهوم اوى بس انتى هتلاقى فيه تشيبهات جديدة وافكار جديدة ياريت تختارى منه المصريين اكتر ومن برة مصر احمد مطر ومحود درويش ونزار لان العرب شعرهم مش عارف تقيل شوية بس فيه بردو تشبيهات


http://www.adab.com/

*****************************

و دى قصيدة لمحمود درويش جميلة وفيها تشيبهات كتير جميلة وجديدة
الراجل ده عموما جميل جدا
وياريت تركزى على صفحة محمود درويش هتلاقى جواكى انفجارات شعرية كتير اوى لان من الواضح كده انك لسة جواكى كتير اوى
http://www.youtube.com/watch?v=aFYOtTVxicQ

ويارب نعرف قريب انك نجحتى وبتفوق باذن الله

لاول مرة استغل تعليقى على بوست
التعليق اللى على بوست اسفة وحطيته عندى على الفيس بوك
على فكرة نسيت اقولك حاجة مهمة ان القراءة من خلال الكتب هتكون افيد من الشاشة بشكل كبير اوى يعنى لو فى فرصة لكتاب طبعا هتبقى افضل او انك تطبعى الكلام من هنا على ورق وتعمليه كتاب لان المتعة الحقيقية على الورق مش على الشاشة انا باقولك كده وعارف انك عارفة كده طبعا


فروغ فرخزاد

دى شاعرة ايرانية ليها اشعار جميلة بردو هتستفادى منها كتير والاشعار كلها مترجمة بالعربى
يارب مش اكون تقلت عليكى المرة دى بس انا نفسى تبقى حاجة كبيرة اوى فى الشعر وان شاء الله هتبقى

صديقي ( اسماء واحلام في وجداني )
دا شرف ليا طبعا
وفي الاول والاخر دا مجهودك وفنك انت
يبقي حاجه ملكك استغلها في اي وقت

ومرسي جدا ليك علي نصايحك الرقيقه

تحياتي