قاعده مره ساعه عصريه
عازمه صحباتي علي غدوايه
قالتلي أعز صاحبه ليا
بعد الغدا تحكيلنا حكايه
قلتلها طيب تسمعي ايه
قالت حكايه القاموس
خلصنا أكل وحلينا
وقاعدين نشرب عرقسوس
قولت أنا هبدأ .....
في مره كنت قاعده حزينه .
وبسمع مصطفي كامل
فجأه جاتني هديه ثمينه .
بفتح لقيتها قاموس شامل
قاللي ليكي الزمن بعتني .
قولتله أحلي هديه جاتني
بس الأول أنا هسألك.
عن نوعك علشان أقبلك
قاللي قاموس احساس كبير.
فيا المشاعر وبتفسير
اي معني تحتاجيه .
والحزن علاجه هتلاقيه
ضحكت وقولت قال ياعني خبير
قال نسأل مانتتريقش كتير
قولتله ماشي !!!
قوللي الدنيا ياعني ايه ؟
قاللي الدنيا دي شبه غابه .
فيها قوي في وسط غلابه
فيها قسوه بتمحي طيابه.
دنيا غداره وقلابه
ساعه الفرح تقلب كأبه
قلت ومين هما الغلابه ؟
حد ماشي جنب الحيط.
مايعرفشي معني التنطيط
عامل نفسه لاهله بيت.
ولا ليه شهره ولا ليه صيط
قولت وايه معني الخيانه ؟
ياعني لو كان ليكي حبيب .
لقلبك كان أقرب قريب
يحب غيرك ومعاه يغيب .
لا يقول غلط أو حتي عيب
وايه معني الانكسار؟
ياعني قلب طالب فرار.
منهار وسبب الانهيار
ان حبيبه طلع غدار.
باع حبه وبدون أعذار
طب قوللي معني الظلم ايه؟
ياعني لو محبوس برئ.
والجاني باشا حر وطليق
ياعني لما تمشي صح .
فجأه تلقيك تهت في طريق
تقدر تقوللي الحب ايه؟
سكت القاموس ! قولتله سكت ليه
قاللي الحب أحلي احساس.
هتحبي نفسك من حب الناس
الحب يا بنتي ياعني الحياه.
أحلي بسمه علي الشفاه
الحب عارف طريق السعاده
وموصلك لمنتهاه
الحب علاج اللي فات .
من ظلم من غدر وأهات
الحب احساس يدي دايما .
مشاعر كتيره من سكات
بصيت لقيت صحباتي مزهوله
قولت دا القاموس وأنا مش مسئوله
قالولي طيب هدينا يا شاطره
قمت طلبالهم كوكاكولا
عازمه صحباتي علي غدوايه
قالتلي أعز صاحبه ليا
بعد الغدا تحكيلنا حكايه
قلتلها طيب تسمعي ايه
قالت حكايه القاموس
خلصنا أكل وحلينا
وقاعدين نشرب عرقسوس
قولت أنا هبدأ .....
في مره كنت قاعده حزينه .
وبسمع مصطفي كامل
فجأه جاتني هديه ثمينه .
بفتح لقيتها قاموس شامل
قاللي ليكي الزمن بعتني .
قولتله أحلي هديه جاتني
بس الأول أنا هسألك.
عن نوعك علشان أقبلك
قاللي قاموس احساس كبير.
فيا المشاعر وبتفسير
اي معني تحتاجيه .
والحزن علاجه هتلاقيه
ضحكت وقولت قال ياعني خبير
قال نسأل مانتتريقش كتير
قولتله ماشي !!!
قوللي الدنيا ياعني ايه ؟
قاللي الدنيا دي شبه غابه .
فيها قوي في وسط غلابه
فيها قسوه بتمحي طيابه.
دنيا غداره وقلابه
ساعه الفرح تقلب كأبه
قلت ومين هما الغلابه ؟
حد ماشي جنب الحيط.
مايعرفشي معني التنطيط
عامل نفسه لاهله بيت.
ولا ليه شهره ولا ليه صيط
قولت وايه معني الخيانه ؟
ياعني لو كان ليكي حبيب .
لقلبك كان أقرب قريب
يحب غيرك ومعاه يغيب .
لا يقول غلط أو حتي عيب
وايه معني الانكسار؟
ياعني قلب طالب فرار.
منهار وسبب الانهيار
ان حبيبه طلع غدار.
باع حبه وبدون أعذار
طب قوللي معني الظلم ايه؟
ياعني لو محبوس برئ.
والجاني باشا حر وطليق
ياعني لما تمشي صح .
فجأه تلقيك تهت في طريق
تقدر تقوللي الحب ايه؟
سكت القاموس ! قولتله سكت ليه
قاللي الحب أحلي احساس.
هتحبي نفسك من حب الناس
الحب يا بنتي ياعني الحياه.
أحلي بسمه علي الشفاه
الحب عارف طريق السعاده
وموصلك لمنتهاه
الحب علاج اللي فات .
من ظلم من غدر وأهات
الحب احساس يدي دايما .
مشاعر كتيره من سكات
بصيت لقيت صحباتي مزهوله
قولت دا القاموس وأنا مش مسئوله
قالولي طيب هدينا يا شاطره
قمت طلبالهم كوكاكولا
42 التعليقات:
ساسو
فى كل مرةادخل المدونة اعجب اكتر بالجديد
واآقلب كدة واقرا القديم
واقول يارب عليكى بموهبتك يديم
شكرا (:(:
على فكرة انا لما قريت الجزء بتاع الخيانة والأنكسار فكرتنى بأغية لعايدة الأيوبى لو تعرفيها اسمها أن كانت غالى عاليا
سلامو عليكو..
اسلوب جديد يا ساسو ولذيذ بس مش قاسى شويةوفكرتينى بجملة(دنيا غدارة ملهاش امان يا اسداحمد)
لك تحياتى
سااااااااااااااسو
احجزاول تعليق عند احلى ساسو فى الدنيا
بجد قاموس فى منتهى المشاعر والاحساس
قالى الدنيا دى سبه غابه
فيها قوى وسط الغلابه
فيها قسوه بتمحى طيابه
عندك حق والله ياقاموس فى كل اللى قولته
فكره جميله من ساسو الجميله
المهم شربوا الكوكاكولا ولا لاء ؟؟؟؟؟؟؟؟؟
الله الله الله الله
عجباااااااااااااااني موت موت موت بجد
صديقي العزيز سامي
مرسي علي كل كلمه كتبتها برقه
ربنا يخليك يارب
ومرسي تاني علي مجاملتك الجميله جدا
بس بجد انا مش عارفه الاغنيه لكن هأنزلها وأسمعها
نورتني جد
حبيبتي الجميله ( ست * جني * الحسن )
نورتيني يا قمر وكلامك بيفرحني جدا
دمتي بحب وحنان
حبيبه قلبي الجميله ( الحب الجميل )
شكرا يا سكره علي كلامك وتعليقك الرقيق أوي
أه وحياتك عندي شربوا الكوكاكولا للنهايه
لكي باقه ورود
ده مش قاموس ده عفريت ابن عفاريت
كأنه كان مستنى حد ينقشه
او حد يشطه بعود كبريت
قال كل اللى فى نفسه
والاكادة
انه خلا الدنيا قهوة سادة
محتاجة تظبيط
صحيح كلامه صح
بس الدنيا مش شبه غابة
الدنيا غابة مليانة بالديابة
اللى يغفل رمشه ثانية
يلاقى نفسه بين الغلابة
والغلابة مالهومش دية
زى حاجات كتير تاهت
تاهت فى الانسان الانسانية
اما عن الخيانة
دى خنجر موت بالبطىء
عصفورة مكسورة
مركب غريق
والظلم والانكسار
ليل طويل من غير نهار
اما الحب
لا تعليق
حبيبتي الرقيقه هوبتي
الله عليكي انتي ياقمر
بجد كلماتك بتنورني وبتسعدني جدا
تحياتي
يابنتى انتى عامله خدعه
دخلت اعلق بحسب نفسى اول تعليق ولاقى نفسى .....
على العموم خيرها فى غيرها
مرسيى ليكى ياساسو الجميله على باقة الزهور
صديقي العزيز ( أسماء وأحلام في وجداني )
أه صحيح هو القاموس كان علي أخره وباقيله تاكه واحده
بجد انت شاعر موهوب
وبجد لاتعليق بعد كلماتك الرقيقه
دمت بألف خير ياصديقي
حبيبه قلبي ( الحب الجميل )
لا والله أبدا أنا لا عامله خدعه ولا حاجه أنا بس بشوف التعليقات الأول وبعد كده أوافق عليها
بس بجد انتي في الأول دايما يا نور عيوني
السلام عليكم
جميل جدا الحوار ده فكرته وكلماته سلمت اناملك ادام الله عليكي احساسك وابداعك
دمتي
جميل اوى القاموس بس هو عشان كان فى ايد احلا ساسو
بجد عجبتنى اوى التفسيرات دى ياساسو ياجميله
حلوه قوي الفكره دي يا ساسو وكمان عملتيها حلو ,الحوار الخيالي بينك وبين القاموس كان جميل ورغم الخيال كان الكلام واقعي يصدم أحياناً ولكنه كان حوار خفيف الظل .
تحياتي وتمنياتي بدوام التوفيق
السكره (ذكري رحيل قلم )
مرسي ياقمرايه علي ذوقك
وكلماتك كلها نور
وبجد بحب كلامك أوي
الجميله حبيبتي داليا
ربنا يخليكي ليا يا أرق داليا في الدنيا
وتسلميلي ويسلملي كلامك العسل
عزيزي هيثم رمضان
نورتني جدا جدا جدا
وكلامك كله شرف ليا بجد
وبعتز بيه
دمت بكل حب
محتاج قاموسك كام يوم ...علشان فى حجات كتير نفسى اعرف معناها
ماتخفيض هيرجعلك تانى
تحياتى
جميل جدا ساسو
ماشاء الله عندك موهبة جميلة
دمتي مبدعة
قاللي الدنيا دي شبه غابه .
فيها قوي في وسط غلابه
فيها قسوه بتمحي طيابه.
دنيا غداره وقلابه
ساعه الفرح تقلب كأبه
الجملة على بعضها تحفة
بسيطة وكلها معانى
جميل البوست يا ساسو
ســـاسـو الفليسوفه
قاموسك مش قاموس مشاعر لأ دا قاموس حياة.
كلامك عن كل شعور وعاطفه كان كافي وواضح .
تـحياتى يا كاتبة العصر وفليسوفة زمانك.
عزيزي well
نورتني جدا لأول مره
وبجد انا فرحانه جدا بوجودك
وعادي معنديش مانع اني اديك القاموس
ولو مرجعتوش مفيش مشكله عندي منه نسخه تانيه
دمت بألف خير ياصديقي
حبيبتي الرقيقه ( خابت بك ظنوني )
انتي الأجمل يا قمر
ومرسي ليكي جدا علي كلماتك الجميله
وياريت تنوريني دايما
القمرايه حبيبتي سهر
ربنا يخليكي ليا ياسكره
ومرسي علي مجاملتك الرقيقه
وبجد اسعدني مرورك الجميل
استاذي الجميل عزيز منير
مش عارفه اقولك ايه علي مجاملتك الرقيقه ووصفك الجميل
بجد انا أبسط من كده أوي
نورتني جدا ياشاعرنا العظيم
حلو اوى ياساسو البوست ده
تسلم ايدك
ممكن حبه بيبسى
تحياتى
عزيزي ( ممكن )
نورت مدونتي جدا لأول مره وياريت متكنشي الأخيره
لأن بجد وجودك زرع البهجه في قلبي
مرسي علي زوقك
بس مفيش غير ميرندا تفاح ها تاخد ولا ايه ههههههه
دمت بحب وحنان
اول كلام هقوله
السلام عليكم ورحمة الله
ازيك ياساسو
انا فعلا قدام موهبه حقيقه
ربنا يديمها عليكي
بجد الخاطره اللي انا قرتها دلوقتي عجبتني جدا
خاصة اخر مقطع
لما سالتي القاموس عن الحب
تسلم ايدك
وان شاء الله القادم احلا
وتحياتي
ابراهيم
عزيزي ابراهيم
وعليكم السلام ورحمه الله وبركاته
انا تمام الحمد لله
مرسي علي زوقك
بجد مرورك الرقيق لأول مره شرف ليا جدا
وبجد فرحت بيه
وبجد كلماتك الجميله اسعدتني جدا
نورتني ياصديقي العزيز
لا بجد بجد كلام جميل اوي اوي يا ساسو
ايه يا بنتي الروعة دي
ماشاء الله عليكي ربنا يحميكي و يحمي دماغك و افكارك الحلوة دي
بجد انتي انسانة جميلة اوي
ربنا يسعدك يا رب
خالص حبي و تقديري
مهموهه حبيبه قلبي
والله انتي الاجمل دايما
ربنا يخليكي ليا يا عسوله
مرسي علي زوقك وكلامك السكر
يا أرق مهموهه
ايه الكلام الجامد دا
لعلمك انتى مبدعة
حبيبه قلبي ( sun of free dom )
مرسي يا قمر علي زوقك
وبجد مدونتي نورت بمرورك الرقيق
دمتي بكل حب
إعتذار كبييييييييييييييييير عن التأخير الشديد ..
معلشي لو كنت مردتش على المواضيع اللي فاتت بس والله ظروف !
بالنسبة لقاموس المشاعر اللي انت كتبتيه فهو أكتر من رائع ويستحق يكون كتاب كامل لو عملتيه أجزاء .. ويكون عندك ديوان خاص بيكي يا ساسو لإنك تستحقي أكتر من كده كمان
تقبلي تحياتي .. وعذرا مرة أخرى
صديقي العزيز عبده
أه والله انت اتأخرت كتيييييييييير أوي
لكن خلاص أنا عذراك وربنا يوفقك في حياتك كلها
و بجد وجودك بينورني وبيشرفني وبيسعد قلبي جدا
ومجاملتك العسوله دي وسام أعتز بيه طول حياتي
ربنا يخليك
دمت بحب وحنان
قاموسٌ شامل
جمعَ إجاباتٍ وافية لتساؤلاتٍ خطيرة
يطوفُ بنا بينَ طرقاتِ الألمِ والفرح
يصفُ الدنيا بقسوتها وغدرها
بسعادتها وابتسامتها
بشياطينها وشرورهم
و ( الغلابه ) ومآسيهم
أسمحي لي أن أمزّقَ صفحة الخيانة
وأحتفظ بصفحة الحبِ في دفترِ مذكراتي
اسف على التقصير
فى المتابعه
لحضرتك ولكنها الظروف
سامحها الله
هتحبي نفسك من حب الناس
الحب يا بنتي ياعني الحياه.
أحلي بسمه علي الشفاه
الحب مختلف
فيه
بس وصفك ليه جميل
هتحب نفسك
من حب الناس ليكى
بس
الناس وحبهم ليا مختلف
مصلحه
ومفيش اخلاص
كلمات
جميله
وانتى
متجدده
دائما
الى
الامام
دوما
اريد ان اقول شىء ليكى من غير ما تزعلى
وممكن تشيلى تعليقى
ياريت
تفكرى
فى قالب
تانى للمدونه
يليق بكلماتك
الرائعه
ياريت
واقبلى نصيحه
اخ
ليكى
وشكرا
حتى
يكتمل الابداع
والعبره
بالمكتوب
وليس
بالقالب
عزيزي محمود ( باحث عن حب )
نورتني بعد غياب طويل
وشكرا لكلماتك الجميله
وبجد نصيحتك تهمني
وببقي في قمه السعاده لما ألاقي نصايح من أصدقائي
وياريت يكون القالب الجديد عجبك
تحياتي
ساسو
مبروك الشكل الجديد للمدونة
ديما حياتك متجددة دائما (:
صباح الخير
صديقي العزيز سامي
صباح الفل
الله يبارك فيك
وشكرا لزوقك
إرسال تعليق