Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

خواطر


مش بتعرف غير تبقي أناني

تسبني قلبي وحداني

تعيشني في دنيا غريبه

وفي حيره ودموع من تاني

تفرح لما تشوف دموعي

وتستني لحظه رجوعي

وتخطط في جرح جديد

يهزمني ويطفي شموعي

كنت باديلي بقلب طيب

وحبك كان مني قريب

اتاري حبك اكبر غلطه

واكتر حاجه تتعيب

يا اول كدبه صدقها قلبي

اندم عليك لا وربي

انت حد ميستاهلش

أسلملوا ولو مره حبي

انت يا أناني راحت عليك

وبكره بعادي هيبكيك

لأنك خلاص خسرتني

شوف بقي مين يداويك

خسرت قلب اشتراك

وكتير كان بيستناك

وقدرت ابعد عن قلوب

واختارت بس هواك

بس عارف انا سعيده

لاني بقيت في دنيا جديده

دنيا انت مش فيها

وهعيش لأني عنيده

ومسيري هسمع اخبارك

وهشوف عذابك ونارك

وصدقني هفرح بألمك

وتدوق طعم اختيارك

43 التعليقات:

ツSmiLeY AnGeLツ يقول...

صباح الحب صباح الحنان
صباح الرقة
صباح العزيمة والاصرار
اولا الف الحمدلله على السلامة
ثلنيا خاطرة جميلة جدا
حسيت عزمك واصرارك بعد فراق كبير جدا
ايوة كده ارجعي لينا ولاتكرريها مرة تانيه
تقبلي مروري
سلامي لاجمل وارق واطيب بنوتة.

Tarkieb يقول...

شوفي يا ستي بصفتي راجل محايد ولا اعرفك ولا اعرفه احب اقولك انك غلطانة والغلط من ساسو لراسك (حلوة دي)...عماله نازله شتيمة في الواد الغلبان وبكدة بتثبتي انك احسن منه..مع ان الشتيمة دليل على انك مش على حق .. يابنتي العيب فيكي يا ف حبايبنا اما الحب ياروحي عليه...اللي يبص لصور حبايبك في البلوج يتوقع أن الجدع حبيب هارتك ده كان أكيد مسخ من تلاته شخصيات ...رفيع زي بركات ...مايع زي حمادة هلال ومايص وفافي زي جون يونج ..بالزمة جون يانج ده راجل يا بت ويتحب كمان ..اشربي بقى ياحلوة طول ما انت بتروحي للاشكال الورقية دي ....عايزك بقى المرة الجاية تعملي قصيدة تأنيب لنفسك وتقولي اللي تحب يونج تستاهل لسع التانج....بذمتك ده شكل واحد يتزعل منه؟ خليكي كبيرة بقى....وامسح بقى براحتك كلامي يا ساسو بس بلاش قصيدة شتيمة فيا ههههههههههههههههه

Dr/ walaa salah يقول...

رائعه يا ساسو

(واللي ينساكي انسيه بكره هتلاقي اللي يفرحك بجد )


مشكوره يا ساسو وحمدا لله على سلامتك

غير معرف يقول...

مش معنى ان الحبيب يبعد عننا يا ساسو يبقه
نتمنى له الشر
ونقعد نبص عليه ونضحك
ونستنه له اى شىء مؤلم ونقول احسن
لا يا حبيبتى
مش معاكى المرة دى
ايا كان نوع البعد
ومهما حصل
حاولى ميكونش قلبك قاسى
حتى ولو هو الحبيب قسى عليكى
يمكن يكون قسى عليكى عشان بيحبك
متعرفيش ...
عارفه
لو بتحبيه مكنتيش قولتى اخر اربع سطور
كدا ظلم للحب
معنى الحب اسمى وارقى من كدا
رجعى نفسك
وكلميها
وحاولى تشوفى ايه الصح والغلط
يمكن تكونى انتى اللى جرحتيه وعشان كدا هو بعد
يمكن حاجات كتير
يمكن هو بيحبك بس انتى مقدرتيش تحبيه زى ما هو حبك

وعشان كدا بعد

فكرى فى كلامى يا ساسو
كويس

انتى قلبك جميل
وحنون
وحبوب

مش هتظلمى حبيبك

انا حاسه بكدا
متزعليش منى يا قلبى
انا بحبك كتير
بس
مش عيزاكى تكونى قاسيه فى حبك حتى ولو هو قسى عليكى

بغض النظر عن كلامى اللى فات
البوست تحفه وجميل جدا
ربنا يسعد قلبك يا ساسو
يارب

اختك ايمان

ساسو يقول...

يا جماعه صدقوني
كلامي دا مجرد خواطر ليس لها وجود في حياتي
افكار جات في بالي كتبتها
انا لو هكتب عن حبيبي هكتب ارق معاني الغرام

سندباد يقول...

يعجبني في اسلوبك الاسترسال تبدا الكلمت بهدوء وتزداد قوة وعمق واحدة واحدة لحد ما تختمي الخاطرة بقوة
احسنتي كالعادة
دمتي بخير
تقبلي مروري

بيتنا القديم يقول...

"وهعيش لأني عنيده..."..!!
.
.
.
وليه مش تعيشي لأنك شايفة الدنيا حلوة بدون ذكريات مؤلمة وسلبية..وشايفة انك ممكن تبتدي من جديد..!
(:
تحياتي

ساسو يقول...

حبيبه قلبي الرقيقه رشا
(خواطري مع الحياه)
صباح العسل علي عيونك
الله يسلمك يا قمري
مرسي يا حبيبتي
دا بس من زوقك
لا عمري ما اسيبكوا تاني
خلاص
بحبك يا روشا

mrmr يقول...

خاطره جميله يا ساسو
ديما بتبهرينى بكل ما هو جميل وجديد
ربنا يفرح قلبك

اقدم عاصمه فى الحب يقول...

السلام عليكم

كلمات متراصله بلون الحب القاتم
ولكنه لون من الوانه
وحيثما كان فاتح او قاتم انا احب كلماتك ...
تلقائيه هى هذه الكلمات .
معروفه اوى انها من قلبك
بس انتى عارفه ...!!!!
مع انها حزينه .. بس جميله اوى
عجبتنى :)
.
بينى وبينك بقه
الواد تراكيب ده .. صريح الصراحه اللى هى عيب دى
عرفاها ..؟!
سعات انا بعمل زيه كده
بس اعرفى ان كلامك شغله اوى عمله دربكه فى دماغه هيحتاج يعمل فيها تراكيب من جديد
سيبك انتى
ساسو ساسو :)
شيكولاتيه كبييييييره اد كــــــــــــــــــــده

جايدا العزيزي يقول...

الله ياساسو

حلو اوووووووى الخاطرة

بس اللى بيحب دايما بيسامح

والقلب الطيب عمرة ما يعرف يقسى

انا معاك اننا بنكتب لحظه بنحسها وتزول

وعلشان كده بقول روووووووووعه

تحياتى

باحث عن حب يقول...

كلمات مبدعه
عودا احمد
سعدت بعودتك
وجنيله كلماتك
وانا مع
تريب
فى كلامه
ومع الحب الجميل
فى مغى الكلام
بس الخاطره رائعه
نتمنى نشوفك
سعيده
دايما

غير معرف يقول...

عزيزتى
فرحت بعودتك جدا
وانتى اموره قلبى
واميره حبى
خلى بالك على قلبك
لانه مش ملكك

FAW يقول...

ساسو
لأ إعترفي شكلك كده بتطلعي اللي كان مضايقك . . P:

2alam_Rosas يقول...

انا هقول حاجة واحدة بس
الى يهواك اهواه والى ينساك انساه

بس كويس اوى انك رجعتيلنا تانى بالبوست الجامد دة بعد البوست الى فات الى كنتى فيه تقريبا بتودعينا

Admin يقول...

قوى ما تبعثين به إلى هكذا قلب
عنيد ما تلمحين به عند ضياع الحب
ورقيق ما أستوعبناه من قلمك عن جميل الحس بالتضحية من أجل قلب لم يكن يستحق أصلاً التضحية
ولكنك بعدما تعلمت .. نفذتِ
وكان الرد أقسى من الرسالة
رائع ما كتبتِ وشكراً لكِ

Carmen يقول...

وبعدين بقي مش هنبطل حزن ياساسو
روعة حبيبتي تسلم ايدك
تحياتي

Ahmad يقول...

جميلةأوي يا ساسو
أحيانا الجرح بيخلي عند الإنسان
نوع من الإنتقام والكبرياء
..
عجبني أوي اخر ابيات

(( وهعيش لأني عنيده
ومسيري هسمع اخبارك
وهشوف عذابك ونارك
وصدقني هفرح بألمك
وتدوق طعم اختيارك))

فيها عِند وكبرياء أوي
وده الطبيعي لاي حد انجرح فعلا.
..

تسلم إيدك يا ساسو
وسعيد أن بقرألك من جديد

تحياتي ليكي

Unknown يقول...

بصي التوبيك تحفه ولو انى عارفه انو مش من قلبك واللى جوه قلبك حبيبك وبس

وكلام ده اكيد مجرد خواطر بس كده

اما بقى بالنسبه للى جبنى هنا هو انك مش وحشتينى خالص ومش نفسي اشوفك ابدا

انا اصلا مش بحبك خالص ولا بموت فيك ابدا

لانى مخصماكى ومش بكلمك يا وحشه يالا انا ماشيه يا وحشه انتى

الشاعر الفنان أحمد فتحى فؤاد يقول...

ساسسسسو

أولا حمدا لله على السلامة

ثانيا خاطرة جميلة

و زى ما قلتى فيها إنه مادام حد ما يستاهلش يبقى خلاص .. نطلع من المود ده و نرمى ورا ظهرنا .. و نرجع ننور و نستقبل أيامنا الجاية من الحياة بكل حب و فرح

تحياتى

اميرات الاسرار يقول...

صبااااااح الخير ياقمر

بجد جميله جدا جدا وفيها تحدى كده وعزة نفس
تسلم ايديكى ويارب يسعدك دايما

زهراء

أسمعنى شكراًً يقول...

أنتى لية دايما بتكتبى عن الحبيب الخاين
ودايما بتخلية قاسى
مع ان أكتر الغدر بيكون من الحبيبة مش من الحبيب
ودايما أكتر البنات هما أللى بيلعبو بمشاعر الولد
وعموما أنتى بتفكرى من وجه نظر البنات
فكرى مرة من وجه نظر الشباب

تقبلى تحياتى

ساسو يقول...

صديقي تركيب
هههههههه
عسل يا تيكو والله
ودي قصيده شتيمه في تركيب
هههههه
خلاص سماح المره دي
لكن المره الجايه هاخد راحتي ههههه
نورتني يا تيكو والله
ودايما تعليقك مميز وجميل

ساسو يقول...

حبيبه قلبي العسل ولاء
الله يسلمك يا جميله
ومرسي كتير لاهتمامك ومتابعتك السكره
ربي يخليكي ليا يا روحي

ساسو يقول...

حبيبتي اجمل ايمان ( الحب الجميل )
اولا دي مجرد خواطر مش اكتر
كلام جه في بالي فكتبته
لكن صدقيني اللي جوايا غير كده خالص
انا مش من طبعي اني اقسي او اجرح حبيبي او اي انسان
بالعكس باخد جرح وادي حب
بسامح كتير اوي
وممكن تكون دي اكبر غلطه فيا
لكن انا بسامح اي حد غدر بيا او قسي عليا
وحتي لو الفراق بقي مكتوب عليا
ي البعد مش بفتكر غير الخير
ومش بقول عللي بحبه او كنت بحبه غير ارق كلام حتي لو كان جرحه ليا كبير

وعموما البوست الجاي هيبقي مختلف جامد عن دا
ويارب يعجبك يا سكره
وبجد اسمك رقيق اوي
ونورتيني
وكلماتك رقيقه وبتسعد قلبي

ساسو يقول...

صديقي سندباد
شهاده من فنان جميل اعتز بيها جدا
صدقني انا فرحانه جدا بمرورك
وكلماتك الرقيقه
ربي يبارك فيك يا سندباد التدوين

ساسو يقول...

صديقي ( بيتنا القديم )
عندك حق والله
بس كل كلام البوست دا مجرد خواطر مش اكتر
نورتني جدا جدا
وبجد سعيده جدا بمرورك
دمت بود

ساسو يقول...

حبيبه قلبي الرقيقه مرمر
مرسي يا سكره لزوقك
بجد انتي اللي كل حاجه بتكتبيها جميله
وبتعجبني اوي
ربي يخليكي ليا يا قمرايا

ساسو يقول...

صديقي ( اقدم عاصمه في الحب )
وعليكم السلام
يااااااه كل دا
بجد دا كتير اوي عليا
انت اللي فنان جميل
وتستحق اكتر من كده
بجد دي شهاده رقيقه اعتز بيها
ربي يخليك
دمت بود

ساسو يقول...

حبيبتي جايدا العزيزي
عندك حق يا سكره
بس انا بسامح كتير اوي
ومش بعرف غير اسامح كل الناس
وخصوصا حبيبي
بس البوست دا خواطر مش حقيقي

نورتيني يا حبيبتي جدا
ومرسي جدا لزوقك

ساسو يقول...

صديقي محمود ( باحث عن حب )
مرسي كتير لزوقك يا ميدو
بجد انا اللي فرحت جدا برجوعي لاجمل ناس
وبجد انتوا ارق ما في الكون
ربي يبارك فيك
وبجد دايما بتنورني
وبفرح جدا بتعليقك

ساسو يقول...

صديقي مصطفي FAW
انا اعترف فعلا ان البوست دا خواطر وافكار مش اكتر

نورتني جدا يا درش
وبجد فرحانه بمرورك
دمت بكل خير

وردة الحياه يقول...

خاطرة جميلة جدا كلام قريب من القلب نابع من قلب صادق حنون تحياتي

ساسو يقول...

صديقي علي ŁŏşĥД
تعليقك دايما جميل وله معني رقيق
بجد فرحانه جدا بمرورك
ونورتني جدا جدا
مرسي كتير لزوقك
دمت بكل خير

ساسو يقول...

حبيبه قلبي florieda
مرسي يا حبيبتي
بجد انا فرحانه جدا اني رجعتلكوا من جديد
وعمري ما هفكر تاني ابعد مهما حصل

نورتيني يا سكره بجد
دمتي بود

ساسو يقول...

حبيبتي كارمن
خلاص البوست الجاي كله فرح وحب
متزعليش مني
انا عارفه ان اكتر كتاباتي حزينه
بس هو دا لوني
وانا بحبه اوي
نورتيني يا عسوله
دمتي بحب

ساسو يقول...

صديقي احمد Samoura
مرسي كتير لزوقك
وتعليقك الرقيق
بس علي فكره البوست دا افكار مش اكتر
واللي جاي هيبقي فيه فرح شويه
ربي يخليك يا حماده
وبجد انا اسعد اني رجعتلكوا من جديد
دمت بكل خير

ساسو يقول...

حبيبه قلبي الرقيقه mena
انتي بقي وحشتيني موووووووت
ونفسي اشوفك جدا
وياريت بجد اشوفك
وكمان بحبك اخر حاجه
يا قموره مقدرش علي زعلك
بجد انتي غاليه عندي اوي

ساسو يقول...

صديقي الشاعر الفنان احمد فتحي فؤاد
الله يسلمك يا فنان
مرسي كتير
بجد تعليقك رقيق
ومرورك جميل
وانت نورتني جدا
دمت بكل خير

ساسو يقول...

حبيبه قلبي زهراء ( اميرات الاسرار )
صباح الفل يا قلبي
مرسي يا حبيبتي
دا بس من زوقك
فرحانه جدا بوجودك
يا اجمل زهوره

ساسو يقول...

صديقي محمود( اسمعني شكرا )
نورت المدونه كلها بجد
وفرحانه جدا بمرورك
بس صدقني كل كلام البوست دا مش من واقع الحياه
هو افكار مش اكتر
وعلي فكره انا لازم اتكلم من وجهه نظري انا لاني بنوته
بس ممكن اوي الجرح يبقي من البنت
وممكن كمان يبقي من الولد
علي حسب

دمت بود

أمير البلانكو يقول...

ساسو

ازيك يا قمر

ايه القسوة دي كلها

كل دا علينا ماشي ياعم شكرا

بس كلماتك زي ماهيا

رائعة دوما

تحياتي ليكي

روحي عندي هاتعرفي قد ايه احنا كمان مظلومين أكتر منكم بس دا حقيقة بقى مش تأليف أوك يا ساسو

تحياتي ليكي بجد

اسم الشهره _nanny يقول...

ما شاء الله
انا من هواة الشعر واكتبه ايضا
تمتلكي موهبه
استمري وسآتابعك