Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

سعادتي معاك


يللي حياتي احلوت بيك

وسعادتي لقيتها باديك

وحنان العالم في قلبك

أيوه خطفني رمش عنيك

يللي الدنيا في قربك جميله

وأفراحي هبتديها من الليله

وهأسطر بايدي كتابي

السعاده بقت مش مستحيله

يللي معاك بنسي الناس

بكام كلمه وكام احساس

بنسي المر وأساه

فاكره اني بحبك وخلاص

يللي حضنك هو بيتي

يا أوجاعي خلاص خفيتي

وانتي يا عنيا ارتاحي

دوبتي كمان وهويتي

يللي اسمك جوه مني

حبك بقي بيجري في دمي

بتولد لحظه ما أشوفك

من حسنك بصلي وأسمي

يللي في عينك شفت الجنه

ودي أكتر لحظه أنا بتهني

أيوه حبيبتك وانت حبيبي

يلا بقي اطلب واتمني

14 التعليقات:

ツSmiLeY AnGeLツ يقول...

الله الله الله على الحب وسنينه
خلا احلى وارق واجمل بنوتة سعيد نساها حزنها
يارب يحبك طول عمرك وينسيكي كل همومك واحزانك ويمسحها يخليها كل سعاده وفرح
ويقلب صفحت الاحزن والالم ويكتب على الصفحة الجديده احبك يا حبي الاول والاخير
ربنا يسعدك ويوفقك ويفرحك ويخليكم لبعضكم
تقبلي مروري
سااجمل وارق بنوتة
سلامي لصديقتي وحبيبتي.

Dr/ walaa salah يقول...

جميله جداً يا ساسو وتنفع اغنيه كمان

كلماتك اصبحت الحمد لله مليانه فرح وسعاده ربنا يديمها عليكي يارب


مشكوره يا حبيبتي وفي انتظار جديدك

Carmen يقول...

ساسو الجميلة
تعرفي ان كتاباتك تنفع جدا لكلمات اغاني
دايما بقرأها بلحن بيتردد بذهني وانا بقرأها
جميلة اوي احاسيسك تسلم رقتك وقلمك
تحياتي

باحث عن حب يقول...

الله
جميله الكلمات
واحساس دافى
وجميل
ورائع
يارب يديم السعاده
عليكى
يارب
ويقرب
ما يفرق
بينكما فى الخير
ايوة كده
بلاش احزان
وخلينا فى الفرح
شويه

BNT ELISLAM يقول...

عسل والله
كلمات تحفه وجميله وخفيفه على روح
تسلمى ياقمر

سندباد يقول...

مفيش اجمل من حب صادق الحب يحي القلوب وينير العيون
دائما ما تكون كلماتك رقيقة ربنا يوعدك بلحظات الحب الصادقة التي تحيي قلبك وتنير عيونك
تحياتي الخالصة

mrmr يقول...

كلمات خفيفه على قلبى
جميله يا ساسو
بجد تنفع الواحد يتغنى بيها
ربنا يسعد قلبك ويفرحك ديما يا حبيبه قلبى

انـــــــــت حياتى يقول...

الى ساسو
عيد سعيد
مع كلمات جميله واحساس عالى
بجد ربنا يحميك
دمتى بخير عزيزتى

همسات وبحــ الحياه ــر يقول...

الله الله
ايه دا يابنتى
وبتقولى عليا سكرة التدوين
دا انت اللى قمر

Casper يقول...

اسلوبك متميز جدا ساسو
وتعبيراتك سهلة على الاذهان

الخاطرة جميلة جدا
بالتوفيق دائما

Casper

2alam_Rosas يقول...

كلماتك جميلة والاجمل انها بسيطة جدا
والاحساس نابع منها

غير معرف يقول...

يارب سعادتك معاه تدوم العمر كله
ولا يفرق بينكم حاجه ابدا
جميل البوست اوى
ربنا يسعد قلبك
يارب
تحياتى

جايدا العزيزي يقول...

حلووووووووووه اووووووووووى ساسو

ما اجملك حين تكتبين

دمت دائما مبدعه

كل عام وانت بخير

تحياتى

بيتنا القديم يقول...

الكلمات احساس..
ونحن نكتبها حينما تفيض..
ولم يكن بوسعنا السيطرة عليها..
(:
كل عام وانت والأسرة الكريمة بخير..
تحياتي.