Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

فرحه قلبي


رد ليا ابتسامتي

اللي كانت ضايعه مني

وبعد حيرتي وهزيمتي

رجعت من تاني أغني

بعد ما قولت خلاص

مش هأدوق الفرح تاني

جاني أغلي الناس

بكلامه هز كياني

هو حبيبي ونور عيني

والأمل اللي بعيش عليه

رقه حنانه بتحييني

وهأغني كام غنوه ليه

يا حبيبي قرب مني

واحضن قلبي الملهوف

متبعدش عيونك عني

مهما كانت الظروف

برتاح في حضن عنيك

وبنسي مرار الايام

وبتتولد وأنا بين ايديك

أجمل معاني الغرام

سبني أحبك وأدوب فيك

وأفرح قلبي الحزين

ويا كل عمري أدفيك

برموش العين

سيبني أتعلم من هواك

ايه معني الغيره

احساسي وأنا وياك

مشاعر حب كتيره

عشقك عايش جوايا

ومع الايام بيزيد

وهبتدي الحكايه

بشموع فرحه تقيد

مع كل دقه قلب

ومع كل نبره حنان

بيتوصف الحب

بورد في اجمل بستان










26 التعليقات:

غير معرف يقول...

جميله كلماتك يا ساسو
ربنا يسعد قلوب كل البنات
يارب قلبك فرحان دايما
ومبسوطه على طول
بوست جميل يا حبى
متتأخريش عننا تانى
تحياتى

Dr/ walaa salah يقول...

جميل يا ساسو

وانا بقرأ كلماتك زي ما بكون بسمعها اغنيه


جميله اوي كلماتك المره دي وفيها حب وسعاده واضحين اوي

ربنا يسعدك يا حبيبتي كمان وكمان

باحث عن حب يقول...

ساسو
الله
الله
ايه الجمال ده
ايوه كده اطلعى من توب الحزن بقه الحب فيه فرح وشوق الله
يا بخته بيكى يارب يقرب ما بينكم
يارب وعلى فكره لو هو قرأ الكام الجامد ده مس هيستغنى عن حبك ابدا

الــحــــنـــــــــــــــــــين يقول...

اول تعليق واول فرحه انى قريت اجمل قصيدة رقيقه اوى منك يا ساسو بجد

غير معرف يقول...

شكرا على البوست

الــحــــنـــــــــــــــــــين يقول...

يارب حلمك يبقى حقيقه

ツSmiLeY AnGeLツ يقول...

الله الله الله الله ايه الكلام الجميل ده
بجد مقدرش عليه كبير عليا تحفة
يارب يخليكم لبعض مايحرمكمش من بعض
كلمات رقيقة زي الي كتبتها
سوسو اجمل صديقة ليا وعمري واختي
ربنا يوفقك ويسعد ايامك يارب
تقبلي مروري
سلامي لاجمل وارق واحلى واطيب سوسو.

محمد التركى يقول...

السلامو عليكم

ساســــــــــو

الله الله ايوه كده اخيرآ بقى
فرحه وسعاده وكلام جميل طالع من قلب فرحان وسعيد وكله امل وسعاده
ربنا يارب يفرحك ويسعدك ويبارك فيكى يارب ونفرح بيكى

عجبنى قولى كلامات جميله طلعه من قلبك

يا حبيبي قرب مني
واحضن قلبي الملهوف
متبعدش عيونك عني
مهما كانت الظروف
برتاح في حضن عنيك
وبنسي مرار الايام
وبتتولد وأنا بين ايديك
أجمل معاني الغرام

الله اجمل معانى الغرام

كل سنه وانتى طيبه وعيد حب سعيد على قلبك يارب
انا جبتلك كام هديه كده يارب يعجبوكى



http://img.m5znk.com/up1/m5znk-d77f96ea5b.jpg

http://2.bp.blogspot.com/_3xtylGUE0Nc/SYfBc9KtKRI/AAAAAAAAA9Q/6KsTjfgs3y4/s400/Valentine+gift+ideas.jpg

ودى شكيكولاته علشانك يااجمل قلب
http://www.streetdirectory.com/stock_images/travel/simg_show/11705966620070/1/valentine_gift_set_3/

تحياتى لقلبك الطيب

محمـــد التركـــى

فكرة من الزمن ده يقول...

جميلة غنوتك كلها فرح ربنا يسعدك وسعية ان الفرحة رجعتلك تاني

همسات وبحــ الحياه ــر يقول...

قول كمااااااان

احنا مش قد كلامك دا ياقمر والله
ربنا يفرح قلبك دايما

Tarkieb يقول...

حمد الله ع السلامة والله فرحنالك يا ساسو ...ايوة كدة الحزن مش لايق عليكي....بس هو ده اللي كان مزعلك ولا ده سيد سيده؟ جميلة

شوية قهوة يقول...

يا عم يا عم
ربنا يسعد ايامك كلها يا رب
تحياتي

من كل بستان زهرة يقول...

الله الله الله يا اجمل ساسو
ايه الروعه دي
ايوه كده فرحينا شويه
والله كلماتك جت في معادها وبما اني حاسه بتفاؤل اليومين دول
حاسيت الكلام الجميل ده اوي
اوعي تفهميني غلط
انا مش بحب ولا حاجه
انا حاسه بتفاؤل بس
انا قولت اهو


بيتوصف الحب
بورد في اجمل بستان
الكلام ده ليه هههههههههههه

تسلم ايديك يا جميله
ويارب قلبك يفضل فرحان كده على طول

جايدا العزيزي يقول...

ربنا يسعدك دايما ياقلبى

خاطرة فى منتهى السعاده والتميز

دمتى دائما مبدعه

تحياتى

BNT ELISLAM يقول...

ربنا يفرح
قلبك كمان وكمان
يارب
ويكرمك باللى يملكه العمر كله ويخليكى اميره فى مملكتك

يمين فى يمين يقول...

لا تعليق

مافيش بعد رقة كلماتك حقيقى

انتى بنت مصرية اصيلة عرابية وكلامها عامية

واحساسها غير الناس

فى كلامها ورقتها ةاحساسها وطبيعتها

وجديدة بجرأتها فى الحب والاحساس


من قلبى بحييها وببعت تحية انا ليها وبقول كمان فيها


يارب خليها تحب كل الناس

تحياتى الى امبراطورةالخيال الحزين

اعزرينى لو كنت قولت حاجة مش عجباكى بس بجد الموضوع دا جميل جدا يا ساسو


ويارب تكونى دايما فرحانة لو مش يديقق

دا اميلى





massry_2_love

انــــــــــ حياتى ــــــــت يقول...

كلماتك جميله اوووووووووووى واحساسك اجمل ربنا يوفقك يارب
تقبلى مرورى دمتى بخير

سندباد يقول...

ما اجمل احساس الفرحة اللي بيخلي قلب الانسان بيبقي عايز يطلع من صدرنا ويرقص
بس ريارب فرحنا يبقي حقيقة ويدوم
تحياتي الخالصة

Carmen يقول...

الله عليك ياساسو
احلي حاجة بتبهربني في كلماتك انها بتسترسل من غير ماحس الاقي نفسي اتنقلت من نقطة لنقطة بدون وعي
رقيقة وصادقة مثلك تماما
تحياتي

اقدم عاصمه فى الحب يقول...

السلام عليكم

الحب العادى
افضل انواع الحب
زى بتاع ام كلثوم كده
انت عمرى
الله ينور عليكِ
انا متابع لكل اللى بتكتبيه
أكتبى اكتر بقه ومتعينا
ودى وإحترامى :)

mrmr يقول...

ساسو حبيبه قلبى وحشتينى
جميله قوى كلماتك
وبتتولد وأنا بين ايديك
أجمل معاني الغرام

جامده يا قمر
ربنا يسعد قلبك

eng_semsem يقول...

ربنا يسعدك كمان وكمان ويقرب كل الاحباب ويحقق حلم العشاق ويمسح دمع العتاب ويبقى ما بينهم بس الصفاء
تقبلي تحياتي على اروع الكلمات اللي طالعه من القلب الجميل بتاعك

Admin يقول...

لو ع الكلام اوصف بأية
احساسك انتى جميل الله عليه
عالى زى النجوم وانا اللى تايه فيه
مجنونه بجد كلماتك هتسالينى ليه ؟؟
هاقولك دافية وحنونة وحاجات كتيرة
بين الحب والغيرة والعشق مليان حيرة
وسحر كلماتك خلانى اشتاق اقرالك وأكون فى وصولى للسحر سباق
جميل ورائع ما قرأت

أسمعنى شكراًً يقول...

الأغنية بتضحك

بس مافيش ورد من غير شوك

تسلم الأيادى

أبو العريف يقول...

حلو الاحساس قوي

كلمات معبره
تسلم ايدك

miroooo يقول...

جميله اوى كلماتك
اول مرة ازورك ومش هتكون الاخيره ان شاء الله
ربنا يديم عليكى الحب