Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

ذنبي ايه


ذنبي ايه

اني عايشه في الدنيا

البريئه الطيبه

وان يوم زعلتني

بكون منك قريبه

اني بخلص

واخلاصي دا من غير تمن

تقسي علي قلبي

انت كمان والزمن

اني أعيش ملك لاديك

تطلب حبي في ثواني أديك

وتكافئني بغدر قلبك

ويبقي موتي وأنا جنبك

جتني يوم وطلبت مني

اني أبقي ليك حبيبه

شبكت نفسي وغصب عني

بانسان ميعرفش طيبه

كنت باديلي بوش هادي

وأنا من حناني اتخدعت فيك

بقي في غدر للدرجادي

الهدوء مش لايق عليك

فتحتلك قلبي وبابه

وطويتك بين ضلوعي

كنت لقلبي عذابه

وطفيت باديك شموعي

كنت لك سكنك ودارك

ونسك ونورك وبردت نارك

كنت بزعل من قلبي

لو يوم ماجاش زارك

وانت جرحتني وبكل قوه

كأنك أكبر فتوه

طلعت بجد شاطر

معملتش لقلبي خاطر

بس أنا زعلانه لأنك.....

قولت كلمه ومش عارف معناها

كلمه سمعتها منك

وفي ثواني قلبك نساها

عارف معني ( بحبك ) ايه

انك تسامح وتصون بجد

تاخد حب تدي حب

يكون الاخلاص في دمك

تتنادي بيه مع اسمك

تكون عايش وهدفك

تحمي حبيبك وبس

تسعد قلبه الحزين

تغطيه برموش العين

تعلا دقات قلبك

زي كل المحبيين



42 التعليقات:

سندباد يقول...

ذنب اي قلب اعطي ثقته لمن لا يستحق
بس برضه مش قادرين ننسي او حتي نتناسي بنفضل حابسين نفسنا في ذكرة اليمة ومش عايزين نطلع منها
افضل مقطع في البوست الرائع ده
قولت كلمه ومش عارف معناها

كلمه سمعتها منك

وفي ثواني قلبك نساها

عارف معني ( بحبك ) ايه
نادر جدا جدا اللي يعرف يعني ايه حب
تقبلي مروري
واسف علي الاطالة

باحث عن حب يقول...

السلام عليكم
ايه الجمال ده ياساسو
مالك ايه
اللى حصل
انتى مش متعوده على كده خالص
انتى لسه كاتبه بوست
امبارح
احب النشاط
ايوة كده
مش تغيبى خالص
وفين وفين تكتبى
بس جامده
بجد
بصى
اللى ميستهلش الحب
وميعرفش معنى الحب
انتى قمتك اعلى من كده
انا باتكلم بالنسبه للكلمات والمعنى وليس اسقاط شخصى
اللى ما يقدر الحب
ميستهلش
المحبه دى كلها
جامده
بجد
والله
عثل الكلمات
يارب ينولك الخير كله يا ساسو

عمرو يسرى يقول...

الله الله
جميله جدا
كلمات جميله
واحساس رائع
تسلم ايدكى

2alam_Rosas يقول...

المفروض الانسان الخاين مش نندم عليه
ولا نبقي عليه
لازم نكمل ونعيش لان الحياة مش هتقف عند تجربة فاشلة

Dr/ walaa salah يقول...

الله يا ساسو رووعه التوبيك ده

المشكله ان في كلام بيقوله بعض الناس ومبيعرفش معناه


بجد بوست رائع يا حبيبتي



منتظره جديده

ツSmiLeY AnGeLツ يقول...

السلام عليكم
سوسو مالك في ايه
مجروحة خليه اتركي كل شي ورا ظهرك
والله انه مايستاهل حتى تذكري اسمة في بالك
ربنا يوفقك ويخليك تعرفي انتي عايزة ايه
سلامي ياعسولة

Unknown يقول...

ساسو يا حياتى وحشانى موووووووووت يا الكلام الجميل ده التوبيك حلو اوى بس عارفه كنت لسه بقول لصحبتى امبارح اللى يبيعك بيعو وببلاش وانك تدمع عليه غلط لانو حتى ميسواش يارب ميرحقلك قلب ابدا ولا اشوف في يوم دمع وحده من عينيكى وبعيد تعالى هنا يا بت انتى انا ازاى ميكونش معايه الميل بتاعك ولا رقم لحد دلوقتى بسرعه تتصرفي وتدينى حاجه من الاتنين احسنلك..بحبك موت

غير معرف يقول...

جميلة أوى يا ساسو
ربنا يسعدك يارب
دمتى بخير

لــــ زهــــــراء ــــولا يقول...

يكون الاخلاص في دمك

تتنادي بيه مع اسمك

تكون عايش وهدفك

تحمي حبيبك وبس

تسعد قلبه الحزين

تغطيه برموش العين

تعلا دقات قلبك

زي كل المحبيين

" برافوووو يا ارق ساسو..الدنيا مش ملاك ولا هي سجن ولا غابة ..لازم نحاذر لان الدنيا هي جنة وسجن وغابة التلاتة في واحد زي كوفي ميكس كدا :d"
لولا

الشاعر الحزين يقول...

الله عليك يا ساسو بجد

بجد فى منتهى الجمال دايما خواطرك ليها شكل مختلف لكن جميل بجد

لكن كان نفسى تدى لمعنى الحب أكتر من كده الحب معناه كبير قوى قوى يا ساسو

كان نفسى الخاطره تطول أكتر من كده شويه فى معنى الحب

لكن بجد دايما قلمك رائع

دمتى مبدعه

يمين فى يمين يقول...

ساسو

صعب حد يحس حد وصعب يكون فى اخلاص بجد

بس الحب والاخلاص موجودين بس مش عند اى حد

وبجد كلماتك جميلة

ومقدرش اقولك غير انك حد حساس قوى


وياريت


على الخيانة ماتندميش


وعلى الى راح ماتزعليش



ومهما تكون ليكى الوعود ماتصدقيش



وماتفكريش فية لحظة وعنو دايما ماتساليش



ساسو اقلمك هوا الى هيخرج كل الى جواكى


صديقتى ودى واحترامى

ساسو يقول...

صديقي سندباد
عندك حق والله
المفروض من الاول نحسن الاختيار

كلمه بحبك كل الناس بتقولها كتير
لكن اللي يعرف معناها ويقدرها نادر وجودهم في الزمان دا

بجد كلماتك كلها جميله
وبستفاد منها كتير
وبتسعدني
ربي يبارك فيك

جايدا العزيزي يقول...

ساسو

تسلم ايديك ياقلبى

خاطرة جميله

تحياتى

ساسو يقول...

صديقي محمود ( باحث عن حب )
وعليكم السلام
الجمال كله ليك انت
شوفت بقي انا بسمع الكلام ازاي
وبقيت نشيطه جدا
انت صح والله
اللي ميقدرش الحب اللي علشانه
يبقي ملهوش مكان في القلب
لكن اللي يقدر يملك القلب كله

نورتني جدا يا حموده

ساسو يقول...

صديقي عمرو يسري
بجد مرورك وكلماتك الاجمل
ربي يخليك
ومرسي كتير لزوقك

ساسو يقول...

حبيبتي florieda
اه يا جميله
الحياه مش بتقف علي حد
وخصوصا لو كان مايستهلش اي لحظه ندم او حزن عليه
نورتيني يا جميله جدا
ربي يخليكي ليا

ساسو يقول...

حبيبه قلبي Dr/ walaa salah
انتي السكره والجميله بجد
المفروض كل واحد يفكر في الكلام قبل ما يقوله ويعرف معناه كويس اوي

مرسي يا حبيبتي
وبجد بفرح بمرورك جدا

ساسو يقول...

حبيبتي رشا ( خواطري مع الحياه)
وعليكم السلام
ولا حاجه يا جميله دي بس خواطر
مرسي ياجميله جدا
وبجد نورتيني جدا ونورتي بلوجر
ربي يبارك فيكي

ساسو يقول...

حبيبه قلبي منه
انتي وحشاني اكتر بكتيييييير
اه والله اللي يبيع نبيعه بس نبقي شطار بقي نبيعه بأرخص تمن او مجاني
واصلا الانسان اللي بيبقي زي دا ميستاهلش دمعه واحده في يوم عليه

ههههههه
اوامرك يا سكره

بحبك مووووووت

انتي كتبالي بواو واحده شوفي بقي انا غلبتك ازاي

ساسو يقول...

حبيبتي ( الحب الجميل )
انتي وكلامك الاجمل يا قمرايه
ربي يخليكي
ويبارك فيكي يا جميله

ساسو يقول...

حبيبتي الرقيقه لولا
ههههههه
نورتيني جدا جدا يا ارق لولا
وبجد وجودك جميل جدا
وبيسعدني
دمتي بكل خير

ساسو يقول...

صديقي علاء ( الشاعر الحزين )
بجد مرورك هو اللي في منتهي الجمال
وفرحت جدا برجوعك من جديد
وبجد نورت بلوجو
ومرسي كتير لزوقك
وخلاص البوست اللي بعد الجاي هيكون كله وصف للحب
انت تؤمر
وبجد انت اللي قلمك جميل
واحساسك رقيق

ساسو يقول...

صديقي ( يمين في يمين )
الاخلاص والتضحيه موجودين
لكن مش كل الناس بتعرف تحافظ عليهم او تفهم وتقدر معناهم
ولو كله عرف ايه معني كلمه حب كان كل العالم عاش مرتاح
بجد انت اللي كلماتك جميله جدا جدا جدا
وانت شاعر اصلي
ومرسي كتيييير ليك
بجد كلماتك بتريح اوي
في رعايه الرحمن

أسمعنى شكراًً يقول...

حاسس أنك حزينة
بس بغض النظر انا سيبت تعليق فى البوست أللى قبل دة حاولى تطبقى الكلام أللى فية هاتستريحى كتير

وأسئل مجرب ...........!

همسات وبحــ الحياه ــر يقول...

ايه يابنتى احنا مش قدك كل مرة تحطى بوست احسن من اللى قابله
كل ذنبى انى حبيتك

اميرات الاسرار يقول...

الله على الكلام الجميل دا

بجد رااااااااااااااااااااااااائع
مش عارفه اقولك ايه وصفتى احساس ناس كتير بتتخدع وكلماتك كلها جميله
تسلم ايديكى ياساسو


زهراء

Unknown يقول...

ساسو
ذنبنا اننا اتربينا باخلاق المخلصين
وان لنا قلوب لا تعرف الكذب والخداع

سلمت اناملك على كلماتك الرائعه
سلمتى يا قمر وحشانى جداا

Unknown يقول...

ايه دا كله
لو هو مش عارف معنى ( بحبك ) ايه

كنتى انت مش هتحسى بيها

أحمد زاهر يقول...

الله عليكى كلمات روعه ورقى فى الاحساس
بجد تسلم الأيادى
بالتوفيق دائما

تحياتى

أحــوال الهـوي يقول...

ماهرة في اصطياد الاحاسيس المتناقضه

و لكني اعتب عليكي و ساظل
اريد ان اري البهجة في كلماتك دائما ما تتذكرين الغدر و تتناسين الوفاء

ابنتي في الحياة الكثير الكثير مما يستحق ان نبتهج له و نسعد

انتي الطيبة البريئه المخلصة الوفيه

يجب ان تقابلي من هو بمثل صفاتك

تحياتي

شوية قهوة يقول...

حلوة اوي
ومشاعرك جميلة
تسلم ايدك
تحياتي

ساسو يقول...

صديقي ( اسمعني شكرا )
الحزن دلوقتي بقي سايد أوي
بس عندك حق
لازم اللي حصل يقوي مش يضعف
ومن الجرح اللي لينا نكتسب خبره ونتعلم علشان بعد كده منستسلمش لحد بسرعه

كلماتك دايما بتديني امل
وبتريح جدا
دمت بكل خير يا فنان

ساسو يقول...

حبيبه قلبي ( همسات وبحر الحياه )
دابس لان عيونك حلوه بتشوفي كلامي حلو
ربي يخليكي ليا يا سكره التدوين

ساسو يقول...

حبيبتي زهراء (أميرات الاسرار)
الجمال جمالك يا عسوله
بجد نورتيني وبفرح جدا بمرورك الرقيق أوي

ساسو يقول...

حبيبتي ( نهر الحب )
اه والله يا جميله
في زمنا دا الطيب بس اللي بيعاني

مرسي كتير لزوقك يا عسوله
وانتي وحشاني اكتر

ساسو يقول...

صديقي ( العيسوي الصغير)
هو ممكن يكون عارف معناه
بس مش ادق المعاني
علشان كده معرفش يستخدمها صح

نورتني كتيييير اوي

ساسو يقول...

صديقي ( بن الخطاب )
مرسي بجد انت زوق جدا
وبجد نورتني
ربي يبارك فيك

ساسو يقول...

صديقي ( أحوال الهوي )
شهاده من استاذي اعتز بيها جدا
انا والله مش حزينه
لكن كل اللي بيخطر في بالي حزن
بلقاني بكتب حزين حتي في عز فرحي

ربي يبارك فيك
بجد مرورك شرف كبير ليا
ونصايحك بستفيد جدا منها

ساسو يقول...

حبيبتي ( كلام من قلبي )
انتي الاجمل
ومشاعرك أجمل واجمل
ومرورك نور المدونه وصحبتها
ربي يبارك فيكي

mrmr يقول...

انا عارفه انى عايزه الضرب لانى اتاخرت عليكى يا اجمل ساسو

سامحينى حقا فانا غصبن عنى هذا التاخير
كلماتك جميله كالعاده

لكن لو هو احساس بتمرى بيه يبقى شئ صعب للغايه

لينتا نعرف معنى كلمه " بحبك "
فهى اثمن من كل كنوز الدنيا

ربنا يسعد اوقاتك ويملا قلبك بحب الحبيب اللى يستحق هذا القلب الجميل

محمد التركى يقول...

الله الله الله الله

والله العظيم برافو برافو بــــــــرافو
أنا فعلا حظى وحش أنى ماشفتش البوست ده وعلقت عليه لايف كده

ايه يابنتى الروعه ديه
ايه الجمال ده
ايه الشعور ده
ايه الاحساس ده
ايه العتاب ده
بتجيبى الكلام ده
منين من جوه قلبك الطيب
ولا من احساسك العالى
ولا من عطفك الكبير

عجبنى قوى قوووووووووى
**((طلعت بجد شاطر
معملتش لقلبي خاطر
بس أنا زعلانه لأنك
قولت كلمه ومش عارف معناها
كلمه سمعتها منك
وفي ثواني قلبك نساها
عارف معني ( بحبك ) ايه
انك تسامح وتصون بجد
تاخد حب تدي حب
يكون الاخلاص في دمك))**

فعلا فى ناس ولا تعرف معنى الكلمه اللى هى ارق كلمه فى الوجود
الكلمه الوحيده اللى بتقولها لاعين قبل اللسان
وبيحسها القلب قبل العقل
لكن ياخساره ياخساره
مين يحس ومين يحب ومين يعرف

بس أنا هقولك كلمتين قالتهم واحده عظيمه زايك

"لإنني ععظيــــــــمة ..!
لم أستطع أن أجرحــــــــــك قبل أن أذهب ..ولأنك أحد الأقزام في حياتي ..
لم تستطع ان تذهب قبل ان تغدر
..يـقال أن وراء كـل رجل ٍ عظيم إمرأة ولكن .. خـذها مني .وراء كل رجل خائن إمرأةعظيمة تركها خلفه تعاني من غيابه الأحمــــــــق"

تحياتى لأجمل وأرق شاعره على عرش البلوجر

بهديكى ورده من أجمل بستان لأجمل قلب فى الدنيا

محمــــد التركـــى

ساسو يقول...

صديقي محمد التركي
بجد انا اللي كان حظي وحش لانك مجتش
لكن الحظ ابتسملي بمرورك
بجد انا ببقي قصاد جمال كلامك محتاره
وببقي مش لاقيه كلام ارد بيه
ربي يخليك
وتنورني وتسعدني دايما