Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

أيام زمان


زمان قولنا كلام

بس كنا صغيرين

كان بدايه الغرام

وأول الحنين

بدأت وقولتلي

الاعجاب شاددني ليكي

وفي ثانيه حلفتلي

هأعيش بين ايديكي

كذا يوم ولقيتك

بتقوللي انا بحبك

وانا كمان حبيتك

وسيطرت علي قلبك

وحلفت انك هتفضل جنبي

مهما كانت الظروف

وهتضحي علشان حبي

وبكره الدنيا هتشوف

ان الحب لينا

ومعانا في كل مكان

والشوق مالي عنينا

مدفي علينا المكان

ومهما انا وانتي اختلفنا

هيكون التسامح وسيلتنا

ومافيش قوه تهد حياتنا

وهنبني بفرحنا بيتنا

وقولت انك شايفني

عصفورتك ولابسه طارحه

والشوق هو اللي زاففني

وقلبك ملياه الفرحه

بتحلم تشوفني بفستان

ابيض بلون النهار

وتاج عزف وألحان

اللي انا فيهم اختار

ويدق الطبل بابنا

وعيونا من الفرحه ترقص

ويشاركنا كل اصحابنا

ومن افرع الفل نلبس

يارب يا حبيبي

نكمل كده الحياه

وتكون من نصيبي

وحلمي وحلمك نلقاه

56 التعليقات:

جايدا العزيزي يقول...

ساسو

ايه الالهام ده يابنتى

حلووووووة جدا حبيبتى

يسلم احساسك

تحياتى

من كل بستان زهرة يقول...

ساسو ياجميله

ايه ايه الحب ده كله
يارب تكملي معاها كل الحياه
و تكون ايامك كلها فرح وحب

تشوفني بفستان ابيض بلون النهار وتاج عزف وألحان اللي انا فيهم اختار

ياااااااارب

Dr/ walaa salah يقول...

كلام جميل اوي وصادق يا ساسو

ربنا يحققلك كل اللي تتمنيه يا حبيبتي

اميرات الاسرار يقول...

ساسو
جمييييله جدا جدا والله
احساسك عالى
تسلم ايديى ياقمر

محمد التركى يقول...

السلامو عليكم

ساسو

وحشتينى ووحشنى كلامك اللى فيه أمل
وفرح وسعاده
يااااااااه حمدله على السلامه
بس مش عارف ليه برضو حاسس بحزن بين السطور

والله كلامك كله جميل
عليكى تعبيرات
وتشبيهات تجنن بجد والله
أنتى أنسانه أحساسك عالى جدا
ربنا يارب يبارك ليكى فى افكارلك
ويفرحنا بيكى
وتكون كل ايامك فرح
وسعاده
وورد
يـــــــارب يــــــارب
أنتى تستهلى كل خير

تقبلى منى أجمل الورود لأجمل ورده على البلوجر كله
وفى اسكندريه كمان

محمـــد التركـــى

رشا يقول...

السلام عليكم
ازيك ياسوسو ياعسولة
ايه الجمال والرقة دي
ياااااااااااارب يكون ليكي
وتكلمي معاه لاخر العمر
قولي يارب.
سلامي.

غير معرف يقول...

جميله يا ساسو
ربنا يبارك لك يارب ويسعدك وحياتك تكون كلها فرح وهنا
دمتى بخير

شوية قهوة يقول...

حلوة اوي يا قلبي
تسلم ايدك
تحياتي

يمين فى يمين يقول...

ساسو

تحياتى عن سؤالك عنى تحياتى

كلامك جميل وبجد موهوبة ويارب دايما تكونى سعيدة

ومقدرش اقول

غير انك بنت مصرية واصيلة عرابية

وكلامك عامية واصل لكل الناس

احاسيسك فيها طبيعتها


ومشاعرك باينة رقتها


وكلماتك حقيقى حستها

وجوها كيان اخلاص

ساسوووووووووووووووووووووووووووووو

تحياتى

شهووووده يقول...

الله على رقة مشاعرك..الله.....

سندباد يقول...

ربنا يستجيب لدعواتك وامنياتك ويحقق كل اللي نفسك فيه
مفيش اجمل من حب صادق حقيقي واتنين يكافحوا ضد الظروف والهموم ويستحملوا الصعاب عشان يحققوا اللي نفسهم فيه
كلامك جميل وحلمك اجمل
تحياتي لقلمك

mrmr يقول...

عزيزتى ساسو
ايه يا امى الجمال ده
كلمات جميله واحساس اجمل واروع
ربنا يسعد اوقاتك

ساسو يقول...

حبيبتي جايدا العزيزي
بعض ما عندكم يا جميله
انتي احلي يا سكره
ربي يخليكي يا اجمل جايدا

ساسو يقول...

حبيبتي ( من كل بستان زهره )
نورتيني يا جميله
ومرسي كتير
بجد كلماتك بتسعدني جدا
دمتي بكل خير

ساسو يقول...

حبيبتي Dr/ walaa salah
انتي الاجمل يا عمري
يارب يا سكره
مرسي كتير بجد انتي جميله اوي

ساسو يقول...

زهراء ( اميرات الاسرار)
انتي ومرورك الاجمل يا روحي
ربي يخليكي يا عسوله

ساسو يقول...

صديقي محمد التركي
وعليكم السلام
نورتني جدا جدا جدا
وبجد بفرح جدا بمرورك
وكلماتك ومجاملتك الرقيقه بجد بتسعدني أوي
ربي يبارك فيك يا استاذي
دمت بود

ساسو يقول...

حبيبه قلبي رشا
وعليكم السلام
بخير الحمد لله
انتي اللي عسوله
والرقه والجمال فيكي
مرسي يا جميله علي الدعوايه الحلوه دي
ياااارب يا رشروشه

ساسو يقول...

حبيبتي ( الحب الجميل )
انت الاجمل يا حبي الجميل
مرسي يا جميله
ربي يخليكي
دمتي بكل خير

ساسو يقول...

حبيبتي ( كلام من قلبي )
نورتيني يا سكره
ربي يبارك فيكي
في رعايه الرحمن

ساسو يقول...

صديقي ( يمين في يمين )
حمدالله علي سلامتك
بجد فرحت جدا برجوعك من جديد
ويارب ماتغيب تاني
يا سلام ايه الكلام الجميل دا
بجد انت اللي موهوب جدا
وبجد مجاملتك الرقيقه شرف ليا
ربي يخليك

ساسو يقول...

حبيبتي شهوووووده
الله عليكي انتي يا جميله
وجودك بيسعدني جدا
دمتي بود

ساسو يقول...

صديقي سندباد
يارب يا سندباد التدوين
بجد انت اللي كلامك جميل جدا
واحساسك اجمل واجمل
ربي يبارك فيك

ساسو يقول...

حبيبتي مرمر
انتي اللي جميله يا مرموره
متحرمش منك ابدا
ربي يبارك فيكي يا سكره

Mohamed Gabriel يقول...

انا الحمد لله وبخير يا ساسو بس دلوقتى انا لسة ما كتبتش جديد عشان مشغول شوية بلقاء المدونين فى اسكندرية اللى حيكون يوم2اكتوبر ان شاء الله والتجمع حيكون قدام نادى دار مصر الساعة 10صباحا
تحياتى ليكى..وشكرا على السؤال
(:

اقدم عاصمه فى الحب يقول...

كنت هنا اليوم :)

Unknown يقول...

ساسو.......

وحشتينى موت يا قلبي والله

بجد انا اسفه وحزينه جدا

انى اتاخرت فالرد بس والله

كنت مسافره ومكنتش موجوده

التوبيك حلو اوى والكلمات

رائعه بجد يسلم قلمك وايدك

واحساسك بليز سامحينى ع التاخير

ساسو يقول...

صديقي (اقدم عاصمه في الحب )
كنت هنا يعني كتبت تعليق
طب فين هو
المهم نورتني جدا جدا
ويارب اشوفك هنا دايما

Abd-Alrahman يقول...

انتي كمان كلماتك جميلة جدا ومدونتك كتير رقيقة
عجبني كلامك جدا
في احساس عالي
انا قريته اكتر من مرة
تحياتي
منتظر مرورك

ساسو يقول...

حبيبه قلبي منه
انتي وحشتيني اكتر يا جميله
يا قمرايه مكانك محفوظ
وليكي في اي وقت
وحمدالله علي سلامتك
ربي يخليكي ليا يا ارق منه في الوجود

ساسو يقول...

صديقي محمد جبريل
الحمدلله انك بخير
ويارب دايما

ساسو يقول...

صديقي Abd-Alrahman
بجد نورتني جدا
وانا سعيده بمرورك
ويارب دايما
ربي يبارك فيك
بجد انت اللي احساسك جميل جدا
وكلماتك ومدونتك رقيقه أوي
دمت بكل خير

أحمد الصعيدي يقول...

يا سلام يا سلام ع الحب


ربنا يسعدك دايما

همسات وبحــ الحياه ــر يقول...

ايه دا هو انا مجتش متأخره دا كله
بس كويس انا التالته بعد التلاتين احم احم ههههههههههه
حلو اوى يابطتى كلامك انا بقراه كدا بمزاج :)
دمتى مؤلفه

ساسو يقول...

صديقي احمد الصعيدي
نورتني جدا يا شاعر
ومرسي كتير
دمت بكل خير

ساسو يقول...

حبيبه قلبي (همسات وبحــ الحياه ــر)
لأ لا متأخره ولا حاجه
دا حتي بيبقي احساس يجنن لما تحسي انك عديتي رقم صغير كده يا سلام ههههه

المهم نورتيني جدا يا سكره التدوين
وانا مبسوطه ان كلامي بيمزجك
احسن ما يكون مزاجك حاجه تانيه هههههه

ربي يخليكي ليا يا روحي

حـــــروف متــبعترة " عــمرو الشــايب يقول...

يااااااااااااااااااااا ربي على الكلام و الله و الله تحفة الحته دي عجبتني اوى اوي
يارب يا حبيبي

نكمل كده الحياه

وتكون من نصيبي

وحلمي وحلمك نلقاه

تحفه بجد تسلم ايدك

داليـ ـ ـ ـ ـ ـ ــــا يقول...

يارب ياحببتى
تكونى ويكون من نصيبك
وتلقى السعد والهنا معاه

باحث عن حب يقول...

ساسو
موضوع فوق الرائع
انتى مبدعه دائما
الحب=الحياه
يارب
يبارك فيكى
ويحقق ليكى امانيكى

ساسو يقول...

صديقي (هـــرشــــه دمــااااااااغ "3mr wa2el ")
انا في قمه السعاده انها عجبتك ويارب دايما تعجبك كتاباتي
وبجد بفرح جدا بمرورك
ومرسي كتييير لزوقك

ساسو يقول...

الجميله داليا
يارب يا دولي يا سكره
ومرسي كتير علي الدعوايه الرقيقه جدا من ارق داليا في الكون

ساسو يقول...

صديقي محمود ( باحث عن حب )
اتأخرت كتير أوي يا حموده
مش متعوده انا علي غيابك
المهم نورتني جدا جدا
تحياتي لاطيب قلب

ساسو يقول...

منه حبيبتي
مش عارفه فين تعليقك يا سكره
مع اني وافقت عليه
بس علي فكره انتي حاسه بيا
لاني تعبانه اليومين دول جدا
عندي دور برد طاحنني
متحرمش منك يا عسوله

أسمعنى شكراًً يقول...

طيب أنا هاقولك أية

مين نجم النجوم بكلمات عازبةورقيقة زى
أللى أنتى كتباها
أحساسك عالى فى كلام بصيت وصفتى أحلى
حلم عند أى بنت بجد روعة روعة وفى منتهى الجمال
ناقصها بس لحن وصوت جميل وهاتكسر الدنيا

مع تحيات: القهوجى

ساسو يقول...

صديقي محمود ( اسمعني شكرا )
ياسلااااام
بجد دي شهاده جميله منك أعتز بيها جدا
ومجامله كتيره عليا
انت تستاهلها
لان بجد انت نجم موهوب جدا
دمت بكل خير

ツSmiLeY AnGeLツ يقول...

السلام عليكم
ازيك ياقمر يارب تنوريني بمدونتي
رشا

تويتي فلسطين يقول...

مرحباااااااااا

انا كتييير اسفه علشان ما في جديد

بس والله اشغال المدرسه وانتي عارفه

المدرسه واشغالها

وكمان بعد 11يوم حفل زفاف اخي

وعقبالك انتي واخوتك يا رب

الازهرى يقول...

جميلة جدا
بس تفتكرى قد ايه من أحلام طفولتك لسه عايش جواكى
وقد ايه اتحقق على مر السنين

تحياتى دوما

FAW يقول...

إزيك يا ساسو
سوري والله مكنتش قادر أعلق عن حد بس تتعوض
جميله كالعاده . . ربنا ينولك اللي في بالك .
تحياتي . .

ساسو يقول...

حبيبتي رشا ( خواطري مع الحياه )
مبروك يا جميله المدونه
بجد رقيقه جدا
أيوه كده علشسان تكوني وسطنا
ومرسي كتير لزوقك
ومرورك الجميل

admin يقول...

إحساس مرهف إلى أبعد الحدود..

استمتعت بتواجدني هنا..

دمت بود

ساسو يقول...

حبيبتي ( تويتي فلسطين )
المهم انك تكوني بخير يا جميله
والف مبروك لأخوكي
وانا كمان علي فكره فرح اختي قريب أوي
يارب دايما تعيشي في سعاده
ودايما يارب بخير

ساسو يقول...

صديقي ( الازهري)
بجد فرحت جدا بمرورك
ونورتني جدا ويارب دايما كده منورني

الاحلام كتيره
منها اللي اتحقق ومنها اللي لسه
بس احنا علينا نحلم
وندعي ربنا
وهو قادر انه يحقق احلامنا الحلوه

دمت بكل خير

ساسو يقول...

صديقي مصطفي (FAW)
أنا بخير الحمدلله
سلامتك
ولا يهمك حاجه
المهم انك نورتني جدا
وبجد ببقي سعيده بمرورك أوي
ربي يبارك فيك

هيثــم رمضـــان يقول...

إزيك يا ساسو

جميله يا ساسو والنهاية مفرحه وسعيده ويارب يحقق كل أحلامك ويوفقك.

البدايه كانت حلوه وموزونه وكمان النهايه كانت جميله بس فيه في النص كام بيت عايزين يتظبطوا في الموسيقي اللي هما دول ( كذا يوم ولقيتك بتقوللي انا بحبك وانا كمان حبيتك وسيطرت علي قلبك وحلفت انك هتفضل جنبي مهما كانت الظروف وهتضحي علشان حبي وبكره الدنيا هتشوف)

لكن الباقي كان حلو وكل ما هنكتب أكتر كل ما هيبقي أحلي.

ساسو أوعي تكوني بتضيقي من كلامي بجد لو بتضيقي أرجوكي قوليلي

تحياتي

ساسو يقول...

صديقي خالد أبجيك
ربي يخليك
دا بس من زوقك
مرسي كتير ليك
بجد نورتني جدا

دمت في رعايه الرحمن