Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

قاموس مشاعر

قاعده مره ساعه عصريه
عازمه صحباتي علي غدوايه

قالتلي أعز صاحبه ليا
بعد الغدا تحكيلنا حكايه

قلتلها طيب تسمعي ايه
قالت حكايه القاموس

خلصنا أكل وحلينا
وقاعدين نشرب عرقسوس

قولت أنا هبدأ .....
في مره كنت قاعده حزينه .
وبسمع مصطفي كامل
فجأه جاتني هديه ثمينه .
بفتح لقيتها قاموس شامل

قاللي ليكي الزمن بعتني .
قولتله أحلي هديه جاتني
بس الأول أنا هسألك.
عن نوعك علشان أقبلك

قاللي قاموس احساس كبير.
فيا المشاعر وبتفسير
اي معني تحتاجيه .
والحزن علاجه هتلاقيه
ضحكت وقولت قال ياعني خبير
قال نسأل مانتتريقش كتير
قولتله ماشي !!!
قوللي الدنيا ياعني ايه ؟
قاللي الدنيا دي شبه غابه .
فيها قوي في وسط غلابه
فيها قسوه بتمحي طيابه.
دنيا غداره وقلابه
ساعه الفرح تقلب كأبه
قلت ومين هما الغلابه ؟
حد ماشي جنب الحيط.
مايعرفشي معني التنطيط
عامل نفسه لاهله بيت.
ولا ليه شهره ولا ليه صيط
قولت وايه معني الخيانه ؟
ياعني لو كان ليكي حبيب .
لقلبك كان أقرب قريب
يحب غيرك ومعاه يغيب .
لا يقول غلط أو حتي عيب
وايه معني الانكسار؟
ياعني قلب طالب فرار.
منهار وسبب الانهيار
ان حبيبه طلع غدار.
باع حبه وبدون أعذار
طب قوللي معني الظلم ايه؟
ياعني لو محبوس برئ.
والجاني باشا حر وطليق
ياعني لما تمشي صح .
فجأه تلقيك تهت في طريق
تقدر تقوللي الحب ايه؟
سكت القاموس ! قولتله سكت ليه
قاللي الحب أحلي احساس.
هتحبي نفسك من حب الناس
الحب يا بنتي ياعني الحياه.
أحلي بسمه علي الشفاه
الحب عارف طريق السعاده
وموصلك لمنتهاه
الحب علاج اللي فات .
من ظلم من غدر وأهات
الحب احساس يدي دايما .
مشاعر كتيره من سكات
بصيت لقيت صحباتي مزهوله
قولت دا القاموس وأنا مش مسئوله
قالولي طيب هدينا يا شاطره
قمت طلبالهم كوكاكولا


لا تبكي










لا تبكي يا عيني علي شئ قد مضي
ابكي علي ما سيحدث لك بدون رضا
ابكي علي زمان الوفاء به انقضي
علي صوت جريح وليس له صدي
لا تبكي ......
لا تبكي يا قلبي فتشكوا احاسيسك
فمهما بكيت انت لا أحد يغيثك
كي لا ينتهي الدمع فهو الوحيد ونيسك
تأمرك دقاتك فأستمع لرئيسك
لا تبكي .....
ولا تبكي ياقلمي وتكتب أحزان
وتخط أوجاع وتظهر حرمان
فاستعيد نشاطك وقوي البنيان
ولسطور الفرح استعد من الان

كسره قلبي


كل ما أفكر اني
خلاص هيموت حناني
وده أصلا لأني
مش هلمس ايدك تاني
أنهار وأنا لوحدي
ولاحد يحس بحالي
الدنيا والناس ضدي
واتحطمت امالي
أكتر حاجه كانت
سنداني هو حبك
في لحظه جراحك بانت
وخرجتني من قلبك
وياتري دموعي هتقتلك
ولا كمان دي عادي
أنا بس بسألك
فرحان وانت البادي
عمري ما فكرت في يوم
اني أغدر بيك
كنت بخاصم النوم
وأوهب وقتي كله ليك
كنت بزعل من عيني
لو ثانيه ما شافتش عنيك
كانت نظرتك بتحييني
وبيموتني خوفي عليك
دلوقتي والله بموت
في الثانيه مليون مره
مقداميش غير السكوت
وأشرب في كاسات مره
وأتوه في الدنيا الغداره
وأدوس فيها كمان علي النار
يا 100 اه وألف خساره
دا نصيبك ياقلبي انهار

حبيبي














حبيبي....
قربلي وخد احساسي
حبك عندي شئ اساسي
دفا عنيك بيصحيني
وسحرهم في الليل حراسي
حبيبي....
قرب واسمع دقاتي
ودوق واقرا كلماتي
وبص في عنيا
بس زود أوي وحياتي
حبيبي....
محتاجه للمسه ايديك
مشتاقه أشوف عنيك
سهرانه طول الليل
من كتر تفكيري فيك
حبيبي....
قلبي علشانك يخاطر
يا أرق من مر علي الخاطر
قلبي بيك محظوظ
أخد لقب الشاطر
حبيبي....
يانبضي يا اخلاصي
يادنيتي يا ناسي
يافرحه العمر كله
بحبك بتقولها كل حواسي

مين دا اللي قال




مين دا اللي قال اني هسيبك
هي الروح ينفع تتساب
دا انت حبيبي وأنا حبيبك
وأموت والله لو حبك غاب
انت القلب الحنون
انت حبي بجنون
ونور ودفا العيون
وشوق القلب الوحيد
والعشق معاك يزيد
ومكانك هنا في الويد
لما بشوفك سعيد
قلبي بيتقيد بالحديد
يجيلك حتي لو بعيد
يبعتلك شوقه في البريد
ياأبو أرق مشاعر
بجد سعيد اني شاعر
علشان أوصلك الهامي
وأشوفك حتي في أحلامي
يا بلبلي الشادي
قلبي عليك بينادي
انت كوكتيل حلو
قشطه وحليب وزبادي

الليلادي


الليلادي
جيت أصالح جيت أحايل جيت أنادي
جيت هوايه مع هوايا من غير دموعي من غير عنادي
الليلادي
جيت وماده ايدي ليك
جيت وشوقي بيناديك
جابتني عيني تشوف عنيك
جابني هوي ساكن فؤادي
الليلادي
قلبي حلف ليطفي ناره
وجه بعد ما أخد قراره
حُب قلبك خلاه شعاره
وجه يدلع جه يدادي
الليلادي
كتاب حياتنا والأيام
لو كان فيه بينا خصام
لو صفحه فيه كانت أوهام
هقلبها وأبدأ تاريخ ميلادي
الليلادي
سلام كبير لأرق قلب
سلام لأغلي معني حب
دعوايه مني هتكون يارب
زود حبي كتر ودادي

مين فيهم حبيبي


محتاره أنا وخلاص
والحيره بقت نصيبي
أبقي في حالي والناس
تسمي حد حبيبي
علي أي اساس سموه
يعني ايه بشوفه بتوه
يعني ايه مغرمه صبابه
وأقول لأ يقولوا كدابه
طب ايه بيحصل مني
أول ما بشوف عنيه
علشان يقولوا عني
اني دايبه فيه
ولا أنا فعلا كدابه
ودا احساسي بيه
طب في واحد تاني
معاه بنسي أحزاني
بفرح لوشيفاه
وفي نفس الوقت عادي
واحساسي مش عارفاه
لو ميكنش قصادي
ولما بكون معاه
ساعات بنسي حبيبي
ولما أتعب عيزاه
يكون هو طبيبي
يبقي مين حباه
فيهم الاتنين
ومين لو هنساه
هيكون قلبي حزين
ماأنا لو بحب اتنين
أبقي ما بحبهمش
لأن مليش قلبين
وقلبي حلف ما يخونش
أنا بفكر أنساهم
وأبعدهم عن قلبي
وأحاول أنسي هواهم
ويروح سبب تعبي

انكشف المداري


ليه تستناني
ما أنت كنت سنين بعيد
روح وانساني
مسيرك تحب من جديد
حبك بكاني
وحزنت حتي في يوم العيد
نمت صحاني
جرح قلبك العنيد
سيرتك حرماني
ومن العذاب لسه فاضلي المزيد
غدرك قواني
قلبي بقي زي الحديد
ظلمك نساني
امتي قلبي كان سعيد
طالب عنواني
مش هبعتهولك في البريد
يا ضياع حناني
يللي عطفك كان تقليد
انكشف المداري
وبانت كل الألاعيب
ومهما دلوقتي تداري
يللي كنت عامل فيها حبيب
حفظتك وخططك
خلاص كلها هتخيب