Our Blogger Templates Web Design

فى مدونتى المتواضعه ارحب بكل الزوار وكل الاصدقاء وياريت تعجبكم كلماتى البسيطه واشكركم جداااااااااااااااااااااااااااا لتشريفكم

ليه يادنيا

ليه يادنيا معايا غبيه
بتذليني ومفتريه
بقيت أول ضحيه واعلني ياللا خبر انتصارك
مفييش قوه أدافع بيها
الدنيا سجناني والبركه فيها
بتحسب كام خطوه بمشيها
وان اتكلمت تقول اختيارك
مش بايدي اغير زماني
لكن مسيري أبدل حناني
ولازم أقول الحق
ويبقي علي لساني
وانت ياقلبي خد قرارك
اتظاهر انك شجاع
وحش في الدنيا طماع
ليك صوت وبتتكلم
وكلامك للناس يتزاع
أنا عرفاك ياقلبي خجول
صابر علي الذل وحمول
يائس بس مش بتقول
وايه جزاءك بيتلعب بيك
الناس والدنيا معيشني
في الآه ومخليني
أنام يوماتي وأنا ببكي
ولنفسي في همي بشكي
ولاحد واحد حاسس بيا
عماله أهاتي من الوحده
وبتحمل ومغلوبه وساكته
ونفسي يرتاح بالي
يادنيا حني عليا ولو ثواني
مش ضامنه أعيش دا العمر فاني
ونفسي قبل ما أموت أعيش متهنيه
أتعرف علي السعاده وتتعرف عليا
وأحس اني انسانه
مش زي الورقه مرميه

8 التعليقات:

مضاد حيوى يقول...

ساسو
سعيد جدا بهذه البداية
بس ليه معملتيش مدونة على مكتوب ؟
على الأقل تبقى معانا يعنى ؟
راجع تانى بعد القراية

مضاد حيوى يقول...

كلام جميل وكلام معقول مأدرش أقول حاجه عنه
بداية موفقة وجميلة يا ساسو
واحساسك كمان حلو أوى أوى
الى الامام دائما
ومزيد من التألق

ساسو يقول...

سعيده جدا بوجودك بمدونتي المتواضعه اوي يا مضاد

ساسو يقول...

وموش مشكله خليني هنا وخلاص بس لازم نتواصل

جوري يقول...

احس اني انسانه مش زي الورقه مرميه
ههههههههه لاطبعا انتي انسانه جميله وليكي وضعك
بالتوفيق

ساسو يقول...

بيكي أبقي اجمل ورده يا جوري

Ramy يقول...

شعرك جميل من البداية يا ساسو

بجد المدونة عجبتنى جدا

علشان كدة انا ضفتها عندى

وهنزل حاجة بعد يومين

من الجايز تعجبك

شكرا

ساسو يقول...

عزيزي سامي
شرف ليا انك تضيف مدونتي عندك
وعلي فكره انت شاعر بمعني الكلمه
فكل حاجه كتبتها وهتكتبها هتنال اعجابي